Şah qanun deyil, qanun şahdır
"Ölkə.Az" bu gün oxucularına bu barədə məlumat verəcək.
Britaniya kraliçası II Yelizaveta heç bir nəticəsi olmadan 8 qanunu poza bilər.
1. Soyaddan istifadə etmək
Keçmişdə kral ailəsinin üzvlərinin soyadı yox idi. Onlar öz adları və sülalə adı ilə adlanırdılar. Bu 1917-ci ilə qədər davam etdi. 1917-ci ildə II Yelizavetanın babası kral V Georq Vindzor soyadını Britaniya kral ailəsi üçün rəsmi soyad elan etdi. Amma hazırda kraliça və onun yaxın qohumları bu soyaddan istifadə etmirlər.
2. Şəxsiyyət vəsiqəsi
Böyük Britaniya kraliçasının pasport və ya şəxsiyyət vəsiqəsi yoxdur. Amma bu sənədin yoxluğu kraliçaya səyahət etməyə və bürokratik formallıqları həyata keçirməyə mane olmur. Bu sənəd ona görə yoxdur ki, kraliça özü-özünə sənəd verə bilməz. Çünki Böyük Britaniyada bu sənədlər məhz onun adı ilə buraxılır. Sərhədi keçmək üçün isə II Yelizaveta onun portreti basılan istənilən banknotu təqdim edə bilər.
3. Sürücülük vəsiqəsi
.jpg)
Kraliça sürücülük vəsiqəsi olmadan da ötüşə bilər. II Yelizaveta sənədi olmadan atomobil də sürə bilər. Amma 1945-ci ildə hələ şahzadə olan Yelizaveta sürücülük vəsiqəsi alıb. Bu dövrdə o, təcili yardım avtomobilinin sürücüsü və mexaniki işləyirdi.
1998-ci ildə kraliça Səudiyyə Ərəbistanının şahzadəsini sürətli avtomobil idarə etməklə qorxudur. Vəliəhd şahzadə kraliçaya sürəti aşağı salmaq üçün yalvarıb.
4. Sürət həddinə əməl etmək
Kraliça sürət həddini aşa bilər. Amma 93 yaşlı kraliçanın belə bir hərəkət edəcəyinə inanmaq olmur. II Yelizavetanı hələ də sükan arxasında görmək mümkündür. Onun qızı Anna da sürətli avtomobil idarə etməyi xoşlayır. Anna 2001-ci ildə sürət həddini aşdığına görə 400 funt sterlinq cərimə ödəyib. Çünki sürət həddini ancaq kraliça aşa bilər.
5. Vergi ödəmək
Kraliça vergi ödəmək məcburiyyətində deyil. Amma 1992-ci ildən könüllü olaraq minimum şərtlərlə daşınmaz əmlak vergisi ödəyir. Onun atası VI Georq isə monarxların vergidən tam azad olmasını dəstəkləyirdi.
6. Məhkəmə qarşısında cavab vermək
Böyük Britaniya kraliçasını məhkəməyə vermək, cinayət işi açmaq, şahid qismində məhkəməyə çağırmaq və həbsə göndərmək olmaz. Çünki monarx pis düşünə bilməz və pis hərəkət edə bilməz.
7. Qidada qu quşundan istifadə etmək
Formal olaraq ölkədəki bütün qu quşları və Britaniya sularındakı bütün delfinlər kraliçaya məxsusdur. Bu heyvanları ovlamaq qadağandır. Amma əgər II Yelizaveta qu quşu qızartması istəsə, bunu edə bilər. Amma xoşbəxtlikdən qu quşu əti krallıq mətbəxinə daxil edilməyib.
8. İnformasiya azadlığı barədə qanun
Böyük Britaniyada informasiya azadlığı barədə qanuna əsasən hər bir vətəndaş dövlət orqanlarından məlumat tələb edə bilər. Dövlət orqanları isə bu məlumatı vermək, təqdim etmək məcburiyyətindədirlər. Amma əgər söhbət kral ailəsi barədə informasiyadan gedirsə, bu məsələdə işlər fərqlidir.
Hikmət
Ölkə.Az
