"Şah" supertunirə qələbə ilə başladı

10:10
19.08.2018
3198
İdman
A
Azərbaycanlı şahmatçı Şəhriyar Məmmədyarov ABŞ-ın Missuri ştatının Sent-Luis şəhərində keçirilən şahmat üzrə Sinkfild superturnirinə qələbə ilə başlayıb.

"Ölkə.Az" xəbər verir ki, Məmmədyarov ilk turda ağ fiqurlarla amerikalı Uesli Soya qalib gəlib.

Hazırda həmyerlimiz turnir cədvəlində rusiyalı Sergey Karyakini məğlub edən erməni Levon Aronyanla 1-2 yerləri bölüşdürür.

Qeyd edək ki, turnirdə həmçinin Maqnus Karlsen (Norveç), Fabiano Karuana, Hikaru Nakamura (hər ikisi ABŞ), Aleksandr Qrişuk (Rusiya), Maksim Vaşye-Laqrav (Fransa), Vişvanatan Anand (Hindistan) iştirak edirlər.

Ş.Məmmədyarovun növbəti rəqibi Aleksandr Qrişuk olacaq.

Turnir bir dövrə keçiriləcək və avqustun 27-i başa çatacaq.

Qeyd edək ki, yarışın mükafat fondu 300 min ABŞ dollarıdır. Qalib 75 min dollar qazanacaq.

Ölkə.Az

ŞƏRH YAZ
0

Oğruluqda ittiham olunan 5 futbolçu həbs edildi

Oğruluqda ittiham olunan 5 futbolçu həbs edildi
18:27
22.02.2019
245
İdman
A
Türkiyənin kurort şəhəri Belekdə Gürcüstanın “Tsixinvalı” futbol klubunun 5 oyunçusu oğruluqda ittiham olunaraq həbs edilib.

“Ölkə.Az”  “Malatya Güncel”ə istinadən xəbər verir ki, onlar Antalyada ticarət mərkəzindən idman geyim əşyalarını oğurladıqlarına görə həbs ediliblər.

Mağazadan bildirilib ki, idman geyimləri axşam vaxtı, bağlı olan zaman oğurlanıb. Oğruluq edənlər mağazadan idman ayaqqabıları, şortlar, şalvarlar və daha 9 belə şey götürüblər. Oğruluq edənlərin kimliyi ticarət mərkəzindəki videokamera vasitəsi ilə müəyyən edilib. Videokameraya hətta onların hansı maşınla gəlib getdiyi də düşüb. Polsin həyata keçirdiyi  əməliyyat-axtarış tədbirləri nəticəsində bu şəxslərin gürcü futbolçu olduqları bəlli olub. Hansı ki, onlar beşulduzlu bir oteldə qalırlarmış.

Gürcü futbol klubu olan “Tsixinvali”-nin oyunçuları  Belekə qış məşqinə gəliblərmiş. 

Gürcüstanın Futbol Federasiyası klubdan baş verən hadisə ilə bağlı hər hansı açıqlama tələb etsə də, hələlik bir açıqlama yoxdur. Federasiyadan bildirilib ki, bu hal  təkcə  gürcü futboluna deyil, ümumilikdə ölkənin imicinə pis təsir edir. Federasiyadan bildirilib ki, bu hal təsdiqlənəcəyi təqdirdə futbolçuları cəzalandırmağı tələb edib.

Mürtəza
Ölkə.Az

ŞƏRH YAZ
0

FİFA-dan “Çelsi” klubuna yeni QADAĞA

FİFA-dan “Çelsi” klubuna yeni QADAĞA
16:55
22.02.2019
257
İdman
A
FİFA-nın intizam komitəsi Londonun “Çelsi” klubuna yeni futbolçuları qeydiyyatdan keçirməyi qadağan edib.

“Ölkə.Az” xəbər verir ki, klub 2019-cu ilin yay transfer pəncərəsi və 2020-ci ilin qış ayında oyunçularla müqavilə imzalaya bilməyəcək. Bundan başqa komanda 600 min İsveçrə frankı məbləğində cərimələnib.

FİFA tərəfindən cərimələnməyə səbəb “Çelsi”nin 18 yaşına çatmayan oyunçuların beynəlxalq transfer və oyunçuların qeydiyyat məsələsində yol verdiyi pozuntular olub. Federasiya klub tərəfindən 29 qanun pozuntusu qeydə alıb. Qeyd edilir ki, İngiltərənin Futbol Federasiyası da “Çelsi”ni 510 min İsveçrə frankı məbləğində cərimələyib.

Hikmət Həsənov
Ölkə.Az

ŞƏRH YAZ
0
BAĞLA