Şahdağ Millli Parkındakı yanğın söndürüldü — YENİLƏNİB

Şahdağ Millli Parkındakı yanğın söndürüldü
16:10
20.08.2017
22
Hadisə
A
Şahdağ Milli Parkında baş vermiş yanğın söndürülüb.

Ekologiya və Təbii Sərvətlər Nazirliyinin (ETSN) mətbuat xidmətindən Ölkə.Az-a verilən məlumata görə, saat 12 radələrində Fövqəladə Hallar Nazirliyinin yerli qüvvələrinin köməyi ilə yanğının qarşısı tam alınıb.

Yanğından sonra əraziyə baxış keçirilib. Hadisə zamanı 0,3 hektar ərazidə quru ot və kol örtüyünə ziyan dəyib. 

Yanğının başvermə səbəblərini müəyyən etmək üçün ETSN-in Şahdağ Milli Parkı tərəfindən yerli polis şöbəsinə müraciət edilib.

***

Ekologiya və Təbii Sərvətlər Nazirliyinin mətbuat xidmətindən Ölkə.Az-a verilən məlumata görə, yanğın Qəbələ rayonunun Tikanlı kənd ilə sərhədində, saat 08:45-də başlayıb.

Dərhal hadisə barədə Fövqəladə Hallar Nazirliyinin yerli strukturuna məlumat verilib və Ekologiya və Təbii Sərvətlər Nazirliyinin işçiləri əl əməyindən istifadə etməklə yanğının söndürülməsinə cəlb olunub. Yanğın təxminən 1 hektar kolluq ərazini əhatə edib.

Hazırda yanğın lokallaşdırılmaq üzrədir.

ŞƏRH YAZ
0

DİN Bakıda əməliyyat keçirdi — FOTOLAR

DİN Bakıda əməliyyat keçirdi
11:44
Bu gün
1354
Hadisə
A
Daxili işlər orqanlarının əməkdaşları tərəfindən cinayətkarlıqla mübarizə sahəsində növbəti əməliyyat tədbirləri həyata keçirilib. Nəticədə odlu silah-sursatın və narkotik maddələrin qanunsuz alqı-satqısı ilə məşğul olan şəxslər saxlanılıblar.

Daxili İşlər Nazirliyinin mətbuat xidmətindən "Ölkə.Az"a verilən məlumata görə, Baş Mütəşəkkil Cinayətkarlıqla Mübarizə İdarəsinə Xətai rayon sakini Zülfüqar Cəfərovda odlu silah-sursat olduğu barədə əməliyyat məlumatı daxil olub. Həyata keçirilən əməliyyat-axtarış tədbirləri nəticəsində o, şübhəli şəxs qismində saxlanılaraq Baş İdarəyə gətirilib. 

Z.Cəfərovun üzərinə baxış zamanı ondan “Beretta” markalı tapança və 3 ədəd patron aşkar edilərək götürülüb.Baş İdarə əməkdaşları tərəfindən həyata keçirilən növbəti əməliyyat nəticəsində narkotik vasitələrin alqı-satqısı ilə məşğul olan şəxs saxlanılıb. Belə ki, paytaxt sakini Ziya Ağayev 1 kiloqram narkotik vasitə olan qurudulmuş marixuananı Nizami rayonu ərazisində 6000 manata satmaq istəyən zaman polis tərəfindən tutulub.

Faktlarla bağlı Cinayət Məcəlləsinin müvafiq maddələri ilə cinayət işi başlanılıb, zəruri istintaq hərəkətləri, eləcə də əməliyyat-axtarış tədbirləri davam etdirilir.

ŞƏRH YAZ
0

Bakıda "BMW X5" dəhşətli qəza törətdi: Ölən var

Bakıda
11:03
Bu gün
1597
Hadisə
A
Bu gün Bakıda dəhşətli yol qəzası baş verib.

"Ölkə.Az" Lent.az-a istinadən xəbər verir ki, səhər saat 7:00 radələrində Sabunçu rayonu ərazisində - Zabrata gedən yolda "BMW X5" markalı avtomobil 55-60 yaşlı qadını vurub.

Zərbənin gücündən qadın hadisə yerində ölüb və tanınmaz hala düşüb.

Ölən qadının şəxsiyyətini dəqiqləşdirmək hələlik mümkün olmayıb. Araşdırma aparılır.

ŞƏRH YAZ
0
BAĞLA