Sahibkarlara şad xəbər — Yoxlamaların dayandırılmasının müddəti artırılır

Sahibkarlara şad xəbər
13:21
12.09.2017
143
İqtisadiyyat
A
"Sahibkarlıq sahəsində aparılan yoxlamaların dayandırılması haqqında" qanunun tətbiqindən sonrakı 20 ay ərzində vergi yoxlamaları istisna olmaqla, sahibkarlıq subyektlərində cəmi 96, o cümlədən 2017-ci ilin ilk yarısında 26 yoxlama aparılıb.

"Ölkə.Az" "APA-Economics"ə istinadən xəbər verir ki, bu barədə Azərbaycan Respublikasında kiçik və orta sahibkarlıq səviyyəsində istehlak mallarının istehsalına dair strateji yol xəritəsinin yanvar-iyun ayları ərzində icra vəziyyətinə dair monitorinq və qiymətləndirmə hesabatında qeyd edilib.
 
Sənəddə deyilir ki, yoxlamaların dayandırılmasından əvvəlki 20 ay ərzində vergi yoxlamaları istisna olmaqla, sahibkarlıq subyektlərində keçirilmiş yoxlamaların sayı 100 mindən çox olub.
 
"Azərbaycan prezidenti tərəfindən verilən tapşırıqlara uyğun olaraq, ölkədə qeyri-neft sektorunun inkişafının dəstəklənməsi, o cümlədən biznes mühitinin daha da yaxşılaşdırılması istiqamətində həyata keçirilən tədbirlər barədə sahibkarlarla mütəmadi olaraq keçirilən görüşlər zamanı onlara ətraflı məlumatlar verilib və həyata keçirilən islahatlar, o cümlədən yoxlamaların 2 il müddətinə dayandırılması onlar tərəfindən yüksək qiymətləndirilib. Göstərilənləri nəzərə alaraq, ölkədə sahibkarlığın inkişafının stimullaşdırılması məqsədilə sahibkarlıq sahəsində aparılan yoxlamaların dayandırılmasının növbəti müddətə artırılması məqsədilə qanunvericilik aktlarının layihələri hazırlanıb. Həmin layihələrin yaxın günlərdə Azərbaycan Respublikası Prezidentinin Administrasiyasına təqdim olunması nəzərdə tutulur", - deyə hesabatda vurğulanıb.

ŞƏRH YAZ
0

SOCAR neft və təbii qaz hasilatını stabilləşdirib

SOCAR neft və təbii qaz hasilatını stabilləşdirib
15:38
Bu gün
74
İqtisadiyyat
A
Azərbaycan Dövlət Neft Şirkəti (SOCAR) 2017-ci ildə qazma işlərin həcmini artırmaqla, neft və təbii qaz hasilatını stabilləşdirib.

İl ərzində SOCAR tərəfindən 138 min metr qazma işi həyata keçirilib ki, bu da əvvəlki ilin müvafiq göstəricisi ilə müqayisədə 30,7% çoxdur.

Socar-dan "Ölkə.Az"a verilən məlumata görə, bu sahədə görülmüş işlərin 93 %-i istismara, 7 %-i kəşfiyyata aid olub. Ümumiyyətlə, ötən il 81 quyuda qazma işləri uğurla başa çatdırılaraq, mədənçilərə təhvil verilib. 2017-ci ildə SOCAR üzrə hasilat 7,4 milyon ton neft, 6,1 milyard kubmetr qaz təşkil edərək, əvvəlki ilin analoji göstəriciləri ilə müqayisədə, müvafiq olaraq, 1,4% və 3,3 % nisbətində cüzi dəyişib. Ümumiyyətlə, 2017-ci ildə respublika üzrə 38,7 milyon ton neft və 28,6 milyard kubmetr təbii qaz hasil olunub. 

SOCAR üzrə 2017-ci ildə xam neftin ixracı 20,7 milyon ton təşkil eib. Ümumi gəlirlərin artımında neft və neft-kimya məhsulları mühüm yer tutur. Ötən ildə SOCAR üzrə Azərbaycandan 1,5 milyon ton neft emalı və neft-kimya məhsulu ixrac edilib. İxrac olunan emal və kimya sənayesi məhsullarının əsas həcmi dizel və təyyarə yanacaqları, yüksək təzyiqli polietilen, koks, propilen, maye qaz və maye piroliz qətranı kimi maddələrin payına düşür. 

ŞƏRH YAZ
0

"UniBank"dan müştərilərə "komissiya haqqı" kələyi — İpoteka kreditində yalan vəd

13:00
Bu gün
567
İqtisadiyyat
A
"UniBank" müştərilərini aldatmaqda davam edir.

"Ölkə.Az" xəbər verir ki, bankdan ipoteka krediti almaq istəyən müştərilərdən bank tərəfindən əlavə olaraq 0,1% komissiya haqqı tutulur. Amma bankın rəsmi internet saytında ipoteka krediti alan müştərilərə bu haqda məlumat verilmir.

Bankın İpoteka krediti haqqında verdiyi məlumatda (xəbərdə) bildirilir ki, məbləğ 150 000 manatdan (sosial ipotekada 100.000) və girov qoyulan yaşayış sahəsinin bazar dəyərinin 80%-indən artıq ola bilməz. 3 ildən 25 ilədək rəsmiləşdirilən ipoteka kreditinin illik faiz dərəcəsi isə 8%-dən artıq ola bilməz. Yaşayış sahəsini girov qoyaraq ipoteka krediti əldə etmək istəyən müştəri 20% ilkin ödəniş edərək sözügedən krediti əldə edə bilər.

Bank rəsmi saytında bütün məlumatları əks etdirsə də komissiya haqqı barədə heç bir məlumat vermir.

 Yəni saytdan məlumat əldə edən müştəri bankın Sahil, Kəpəz, Sumqayıt filiallarına müraciət etdikdə (ipoteka krediti sadəcə bu filiallarda verilir) əlavə olaraq 0,1% komissiya haqqı olduğunu öyrənir.

Azərbaycan Respublikası reklam haqqında qanunun 18.0.5. maddəsi bildirir ki, malların (xidmətlərin, işlərin) mənşəyi, kəmiyyəti və keyfiyyəti, yararlılıq müddəti, satış şərtləri, qiyməti barədə yalan və (və ya) natamam məlumatlar verməklə, yaxud yolverilməz reklam vasitəsilə satıcılar və (və ya) reklamçılar tərəfindən istehlakçıların (istifadəçilərin) aldadılmasının qarşısının alınması, bankın sözügedən məlumatında (reklamında) natamam reklam verməsinə icazə vermir.

Bundan başqa bank ipoteka kreditinin verilməsinin sığortası haqqında bildirir ki, borcalanın həyatı və əmək qabiliyyəti, habelə girov qoyulan yaşayış sahəsi kreditin məbləğinə bərabər məbləğdə sığorta olunmalıdır. Kreditin məbləği (ən az halda, ilkin ödəniş 20%-i çıxmaqla 80%) sığortalanan əmlak (ev) baş verəcək hansısa hadisədə sığorta şirkəti tərəfindən sadəcə 80%-lik ödənişi olunur. Bu, natamam sığorta hesab edilir ki, bank bu barədə də müştəriyə əvvəlcədən məlumat vermir.

Odər Qəni

Ölkə.Az

ŞƏRH YAZ
1
BAĞLA