KORONAVİRUSA YOLUXANLARIN SAYI - CANLI STATİSTİKA

Sahil Babayev əhaliyə paylanılan xəstə mal-qara məsələsinə AYDINLIQ GƏTİRDİ

Sahil Babayev əhaliyə paylanılan xəstə mal-qara məsələsinə AYDINLIQ GƏTİRDİ
11:04
25.06.2019
2048
Ölkə
A
“Əhaliyə paylanılan mal-qaranın xəstə və ya qoca olması ilə bağlı 700-dən çox şikayət aldıq. Buna görə də, 700 araşdırma təyin olundu. Araşdırma zamanı şikayətlərin 25-nin düz olduğu ortaya çıxdı”.

“Ölkə.Az” xəbər verir ki, bunu Əmək və sosial müdafiə naziri Sahil Babayev deyib.

“ Siz indi saxtakarlığın dərəcəsinə baxın. Mən həmişə deyirəm ki, niyə 2017-ci ildə heyvanlar veriləndə kimsə danışmırdı? 2018- ci ildə hamı eşitdi, bildi. 30 min heyvan verildi. Ancaq kiçik bir faizi şişirtdilər. İndi isə ikinci tendensiya başlayıb. Gəlib deyirlər ki,verilən heyvan xəstədir. Noyabr ayında biz heyvanı verəndə onun baytar arayışı da var idi. Heyvanın şəkli də var idi. Qida Təhlükəsizliyi Agentliyindən xahiş etdim, getdilər, baxdılar.146 heyvanda xəstəlik aşkar olundu”, - deyə nazir qeyd edib.

Nazirin sözlərinə görə, istənilən fermer heyvan götürüb 6 ay saxlayandan sonra həmin heyvanlar içərisindən xəstələnəni də olacaq. “Mənim yanıma vətəndaş gəlib deyir ki, inək öskürür. Deyirəm ki, ay ağsaqqal, bu heyvanları harada saxlayırsan? Deyir həyətdə saxlayıram. Həyətdə saxlayanda xəstələnəcək də. Mən demək istəmirəm ki, gələn vətəndaş yalan deyir. Ola bilər ki, düz deyir. Ola bilər ki, bizimkilərin səhvi olub”-nazir bildirib.
S.Babayev əlavə edib ki, bu məsələdə səhvə yol verdiyi üçün 25 əməkdaşımla bağlı mən prokurorluğa özüm təqdimat vermişəm: 

“Cinayət işi açılıb. Bunu özüm açıqlamamışam . Bunu açıqlamaq mənə nə verəcək ki? 9 milyon vəsaiti öz məkdaşlarımın hesabına dövlət büdcəsinə köçürülməsini təmkn etmişəm. Bu iş davam edəcək. Səhv tapanda cəzalandıracağıq. Əməkdaşlarıma ən böyük cəzanı da özüm verirəm. Heyvan veriləndə siyahıdan olan 1000 nəfəri kənarlaşdırmışıq. Çünki heyvan veriləndə görülüb ki bu adamın obyekti, maşını, torpağı var. Onlar da bəlkə 10 min dəfə şikayət məktubu yazıb. Aralarında çox gözəl yol tutanları da var. Bu nəfəri işdən çıxarırıq. 125 deputatımızın hamısına məktubu yazırlar. Eyni adama 125 dəfə cavab verməli oluruq, Bütün bunların mediada niyə yayılmasından, şişirdilməsindən xəbərdaram. Məşğulluq xidmətindən bəzi adamları işdən çıxardım. Dərhal mediada bu heyvanlarla bağlı məsələ yayılmağa başlanıldı”.

Mürtəza
Ölkə.Az

 

ŞƏRH YAZ
0

Xəzər rayonunda istirahət mərkəzlərində ad günü şənliyi edənlər saxlanılıb — FOTO

Xəzər rayonunda istirahət mərkəzlərində ad günü şənliyi edənlər saxlanılıb
11:22
Bu gün
2260
Ölkə
A
Paytaxtın Xəzər rayonunda istirahət mərkəzlərindən birində xüsusi karantin rejim qaydalarına zidd olaraq, sosial məsafənin, mövcud preventiv tədbirlərin şərtlərinin pozulması ilə müşayiət olunan ad günü şənliyinin iştirakçıları müəyyən olunaraq saxlanılıb.

"Ölkə.Az" Bakı Şəhər Baş Polis İdarəsinin mətbuat xidmətinə istinadən xəbər verir ki, Xəzər Rayon Polis İdarəsi əməkdaşlarının keçirdiyi müvafiq tədbirlərlə ad günü şənliyindən yayılan görüntülərdə əks olunan şəxslər müvafiq polis bölməsinə dəvət olunaraq barələrində inzibati tənbeh tədbiri tətbiq olunub.

Onların diqqətinə çatdırılıb ki, onların hərəkətləri epidemiya əleyhinə rejimin, sanitariya-gigiyena və karantin qaydalarına ziddir.

Saxlanılan şəxslər İnzibati Xətalar Məcəlləsinə uyğun olaraq məsuliyyətə cəlb olunublar.

Ölkə.Az

ŞƏRH YAZ
0

Koronavirus yoluxmuş alim xəstəxanaya yerləşdirilmir — ŞİKAYƏT

Koronavirus yoluxmuş alim xəstəxanaya yerləşdirilmir
10:31
Bu gün
3171
Ölkə
A
“Koronavirusa yoluxduğu təsdiqlənən AMEA-nın Nəsimi adına Dilçilik İnstitutunun Nəzəri dilçilik şöbəsinin müdiri İdris Abbasov və həyat yoldaşı hələ də xəstəxanaya yerləşdirilməyib və heç bir tibbi yardım almayıblar”.

"Ölkə.Az" report-a istinadən xəbər verir ki, bu barədə tənqidçi Əsəd Cahangir bildirib.

O qeyd edib ki, mədə-bağırsaq sistemində xroniki xəstəliyi olan və hepatitdən əziyyət çəkən İ.Abbasovun getdikcə kəskinləşən və böhran həddinə yaxınlaşan durumu xüsusilə təhlükəlidir:
“Onun kəskin mədə və böyrək ağrıları ilə yanaşı, ürək aritmiyaları da başlayır. Xəstəxanada yerin olub-olmaması ilə bağlı həyəcan və narahatlıq onların psixoloji durumuna əlavə təsir etməklə onsuz da ağırlaşan səhhətlərini bir az da pisləşdirib. İ.Abbasov getdikcə irəliləyən xəstəliyin hazırda elə bir durumuna gəlib çatıb ki, bir həftə bundan qabaq ev şəraitində öz gücünə apardığı müalicə təsir gücünü itirib”.

Əsəd Cahangir qeyd edib ki, bütün bu baş verənlərin psixoloji ağırlığı isə alimin qızı Məryəmin üzərinə düşüb:

“Valideynlərinə həkimliyi 13 yaşlı qız etməli olur. Amma bu durumda ev şəraitində, həkim nəzarəti olmadan aparılan müalicə sadəcə riskdir. Hətta İ.Abbasov həkimlərin övladlarının virusa yoluxduğunu ondan gizlətdiyindən narahatdır. Çünki uşaqların ikisinin quru öskürəyi və qızdırması var, həkimlər isə uşaqların analizlərinin nəticələrini nədənsə valideynlərinə vermirlər.

Siz İ.Abbasov və onun ailəsinin səhhəti ilə bağlı suallar verir, əlaqədar və səlahiyyətli şəxsləri bütün həyatını elmə həsr edən bir alimə, namuslu bir insana, qeyrətli bir vətəndaşa qarşı etinasızlıqda qınayır, bunu təkcə bir nəfər alim yox, ümumən elmə, namuslu əməyə, fədakarlığa, halallığa olan  etinasızlıq kimi dəyərləndirirsiniz. Mən də sizinlə birlikdə eyni sualı eyni təşkilatlar, idarələr və şəxslərə ünvanlayıram - bu qədər etinasızlıq olarmı?”.

Xatırladaq ki, ötən gün institutun yaydığı açıqlamaya görə, İdris Abbasovun səhhəti ilə bağlı məsələ AMEA-nın diqqətindəndir və rəhbərlik ona hər cür maddi və mənəvi kömək göstəriləcək.

ŞƏRH YAZ
0
BAĞLA