Sahil Babayev əhaliyə paylanılan xəstə mal-qara məsələsinə AYDINLIQ GƏTİRDİ

Sahil Babayev əhaliyə paylanılan xəstə mal-qara məsələsinə AYDINLIQ GƏTİRDİ
11:04
25.06.2019
1267
Ölkə
A
“Əhaliyə paylanılan mal-qaranın xəstə və ya qoca olması ilə bağlı 700-dən çox şikayət aldıq. Buna görə də, 700 araşdırma təyin olundu. Araşdırma zamanı şikayətlərin 25-nin düz olduğu ortaya çıxdı”.

“Ölkə.Az” xəbər verir ki, bunu Əmək və sosial müdafiə naziri Sahil Babayev deyib.

“ Siz indi saxtakarlığın dərəcəsinə baxın. Mən həmişə deyirəm ki, niyə 2017-ci ildə heyvanlar veriləndə kimsə danışmırdı? 2018- ci ildə hamı eşitdi, bildi. 30 min heyvan verildi. Ancaq kiçik bir faizi şişirtdilər. İndi isə ikinci tendensiya başlayıb. Gəlib deyirlər ki,verilən heyvan xəstədir. Noyabr ayında biz heyvanı verəndə onun baytar arayışı da var idi. Heyvanın şəkli də var idi. Qida Təhlükəsizliyi Agentliyindən xahiş etdim, getdilər, baxdılar.146 heyvanda xəstəlik aşkar olundu”, - deyə nazir qeyd edib.

Nazirin sözlərinə görə, istənilən fermer heyvan götürüb 6 ay saxlayandan sonra həmin heyvanlar içərisindən xəstələnəni də olacaq. “Mənim yanıma vətəndaş gəlib deyir ki, inək öskürür. Deyirəm ki, ay ağsaqqal, bu heyvanları harada saxlayırsan? Deyir həyətdə saxlayıram. Həyətdə saxlayanda xəstələnəcək də. Mən demək istəmirəm ki, gələn vətəndaş yalan deyir. Ola bilər ki, düz deyir. Ola bilər ki, bizimkilərin səhvi olub”-nazir bildirib.
S.Babayev əlavə edib ki, bu məsələdə səhvə yol verdiyi üçün 25 əməkdaşımla bağlı mən prokurorluğa özüm təqdimat vermişəm: 

“Cinayət işi açılıb. Bunu özüm açıqlamamışam . Bunu açıqlamaq mənə nə verəcək ki? 9 milyon vəsaiti öz məkdaşlarımın hesabına dövlət büdcəsinə köçürülməsini təmkn etmişəm. Bu iş davam edəcək. Səhv tapanda cəzalandıracağıq. Əməkdaşlarıma ən böyük cəzanı da özüm verirəm. Heyvan veriləndə siyahıdan olan 1000 nəfəri kənarlaşdırmışıq. Çünki heyvan veriləndə görülüb ki bu adamın obyekti, maşını, torpağı var. Onlar da bəlkə 10 min dəfə şikayət məktubu yazıb. Aralarında çox gözəl yol tutanları da var. Bu nəfəri işdən çıxarırıq. 125 deputatımızın hamısına məktubu yazırlar. Eyni adama 125 dəfə cavab verməli oluruq, Bütün bunların mediada niyə yayılmasından, şişirdilməsindən xəbərdaram. Məşğulluq xidmətindən bəzi adamları işdən çıxardım. Dərhal mediada bu heyvanlarla bağlı məsələ yayılmağa başlanıldı”.

Mürtəza
Ölkə.Az

 

ŞƏRH YAZ
0

“Azərkosmos” Füzulinin təsvirini yaydı — FOTO

“Azərkosmos” Füzulinin təsvirini yaydı
17:36
Bu gün
403
Ölkə
A
“Azərkosmos” ASC təcavüzkar Ermənistan tərəfindən Füzuli rayonunda dağıdılmış Füzuli şəhərinin “Azersky” peyki vasitəsilə 2017-ci il iyulun 3-də əldə olunmuş təsvirini yayımlayıb.

"Ölkə.Az" ASC-yə istinadla xəbər verir ki, bu gün Füzuli rayonunun ermənilər tərəfindən işğal olunmasından 26 il ötür.

“Füzuli rayonunun ərazisində bir milyon il əvvələ aid qədim insanların yaşadığı mağaraların qalıqları yerləşir. Cənubi Qafqaz regionunda qazıntılar zamanı ən qədim metal tapıntılar məhz Füzuli rayonunda aşkar olunub”, - deyə “Azərkosmos”un məlumatında qeyd olunur. 

Qeyd edək ki, cari ilin iyun-iyul aylarında Yer səthinin məsafədən müşahidəsi peyki “Azersky” təsvirləri vasitəsilə Azərbaycanın Füzuli rayonunun təxminən 15 min hektar sahəsində Ermənistan tərəfindən yanğınların törədildiyi qeydə alınıb. 

Ölkə.Az

ŞƏRH YAZ
0

70 yaşlı arvadını qısqandı, ev sahibini öldürdü — Özünün 46 yaşı var - Mərdəkanda

70 yaşlı arvadını qısqandı, ev sahibini öldürdü
17:23
Bu gün
862
Ölkə
A
Xəzər rayonunda bağban işlədiyi bağ evinin sahibini xüsusi amansızlıqla qətlə yetirməkdə təqsirli bilinən Ruslan İlyasovun cinayət işi üzrə ibtidai istintaq başa çatıb.

"Ölkə.Az" xəbər verir ki, cinayət işinin materialları baxılması üçün Bakı Ağır Cinayətlər Məhkəməsinə göndərilib.

Cinayət işi hakim Azad Məcidovun icraatına verilib.

Qeyd edək ki, hadisə bu ilin aprel ayında baş verib. İttihama görə, 46 yaşlı Ruslan İlyasov Mərdəkan qəsəbəsində bağban işlədiyi bağ evinin sahibi Musayev Sergey Anatolyeviçi balta ilə qətlə yetirib. 

Daha sonra Ruslan İlyasov polisə zəng edərək, qətl törətdiyini bildirib. R.İlyasov polis əməkdaşlarının narahat olmamasını istəyib, ən qısa zamanda öz xoşu ilə bölməyə gələcəyini vurğulayıb. İstintaq-əməliyyat qrupunun üzvləri hadisə yerinə gələn zaman İlyasov orada olmayıb.
Keçirilən əməliyyat-axtarış tədbirləri nəticəsində saxlanılan İlyasov dindirilən zaman Musayevi qısqanclıq zəminində qətlə yetirdiyini açıqlayıb. O bildirib ki, Musayevin onun həyat yoldaşına gözü düşüb və ona sataşıb.

Ruslan İlyasovun həyat yoldaşının 70-dən çox yaşının olduğu faktını nəzərə alan polis əməkdaşları bu ifadənin inandırıcı olmadığından şübhələniblər. R.İlyasova Cinayət Məcəlləsinin 120.2.4-cü (xüsusi amansızlıqla adam öldürmə) maddəsi ilə ittiham verilib.

İlyasovun bundan əvvəl qəsdən adam öldürmə maddəsi ilə məhkumluğu olub, onu təhqir edən şəxsi doğrayıb.

Natiq Allahverdiyev
Ölkə.Az

 

ŞƏRH YAZ
0
BAĞLA