Şahin Mustafayev İranın Prezident Aparatının rəhbəri ilə görüşdü

Şahin Mustafayev İranın Prezident Aparatının rəhbəri ilə görüşdü
18:34
14.03.2018
1025
Siyasət
A
İqtisadiyyat naziri, Azərbaycan Respublikası ilə İran İslam Respublikası arasında iqtisadi, ticarət və humanitar sahələrdə əməkdaşlıq üzrə Dövlət Komissiyasının həmsədri Şahin Mustafayev İrana səfəri zamanı Prezident Aparatının rəhbəri Mahmud Vaezi ilə görüşüb.

Nazirlikdən "Ölkə.Az"a verilən məlumata görə, görüşdə Azərbaycan nümayəndə heyətinin İrana səfərindən məmnunluq ifadə edilib, səfərin ölkələrimiz arasında müxtəlif sahələrdə əlaqələrin genişlənməsinə müsbət töhfə verəcəyi vurğulanıb, Azərbaycan-İran iqtisadi əlaqələrinə və İran Prezidentinin Azərbaycana nəzərdə tutulan səfərinə dair fikir mübadiləsi aparılıb, sənaye, kənd təsərrüfatı, ticarət, nəqliyyat-tranzit, səhiyyə və s. sahələrdə əlaqələrin genişləndirilməsi üçün böyük potensialın olduğu qeyd edilib.

Vurğulanıb ki, Azərbaycan və İran Prezidentləri uğurlu xarici siyasət apararaq regionda dostluğu və mehriban qonşuluğu əsas tuturlar. Dövlət başçılarının səyləri nəticəsində Azərbaycan və İran beynəlxalq əhəmiyyətli layihələrin reallaşmasında fəal iştirak edir və bu layihələr ölkələrimizin iqtisadi inkişafına töhfə verməklə yanaşı, digər ölkələrə də fayda verəcək.

Görüşdə “Azərbaycan Dəmir Yolları” QSC-nin sədri Cavid Qurbanov, Xarici İşlər nazirinin müavini Xələf Xələfov, Naxçıvan Muxtar Respublikasının İqtisadiyyat naziri Famil Seyidov da iştirak ediblər.

ŞƏRH YAZ
0

Oqtay Əsədov Zurabişvilinin andiçmə mərasimində iştirak edəcək

Oqtay Əsədov Zurabişvilinin andiçmə mərasimində iştirak edəcək
20:58
15.12.2018
2379
Siyasət
A
Dekabrın 16-da Milli Məclisin (MM) sədri Oqtay Əsədovun başçılıq etdiyi nümayəndə heyəti Gürcüstanın yeni seçilmiş prezidenti xanım Salome Zurabişvilinin andiçmə mərasimində iştirak etmək üçün bu ölkənin Telavi şəhərinə səfər edəcək.

"Ölkə.Az" bildirir ki, parlamentin mətbuat xidmətindən oxu.az-a bildiriblər ki, nümayəndə heyətinin tərkibinə MM-in Gürcüstanla parlamentlərarası əlaqələr üzrə İşçi Qrupunun rəhbəri Əflatun Amaşov, qrupun üzvü, deputat Hikmət Məmmədov və digər rəsmi şəxslər daxildir.

Parlamentin sədri inauqurasiya mərasimində ölkənin yeni seçilmiş prezidentini təbrik edəcək, ona gələcək fəaliyyətində uğurlar arzulayacaq.

Səfər dekabrın 17-də başa çatacaq.

Ölkə.Az

ŞƏRH YAZ
0

"Hüquq-mühafizə orqanları bu məsələdə öz sözünü deməlidir" — Deputatdan Mübariz İbrahimovu təhqir edən psixoloqla bağlı ÇAĞIRIŞ

18:19
15.12.2018
3050
Siyasət
A
Milli Məclisin deputatı, Xocalının keçmiş icra başçısı Elman Məmmədov psixoloq Nərmin Şahmarzadənin Azərbaycanın Milli Qəhrəmanı Mübariz İbrahimovu təhqir etməsi və ermənilər haqqında söylədiyi fikirlərə sərt şəkildə cavab verib.

Deputat "Ölkə.Az"a açıqlamasında bildirib ki, Azərbaycanın hüquq-mühafizə orqanları Nərmin Şahmarzadənin hərəkətləri ilə bağlı lazımı addımlar atmalıdır:

"Bu məsələ ilə bağlı həm dövlət qurumları, həm də insanlarımız çox kəskin münasibət bildirməlidir. Mübariz İbrahimov Azərbaycanın Milli Qəhrəmanı və şəhididir. Nərmin Şahmarzadə isə həm şəhid adını, həm də Milli Qəhrəmanı təhqir edir. Ona görə də hüquq-mühafizə orqanları bu məsələdə öz sözünü deməlidir. Eyni zamanda ictimaiyyət, xalq da öz etirazını bildirməlidir, Milli Qəhrəmanımızı, şəhidimizi müdafiə etməlidir. Xalqımız kütləvi şəkildə onun üzərinə getməlidir. Fərqi yoxdur, bu sözlə, mətbuatla, ictimai qınaqla olmalıdır. Xalq, millətə xəyanət edənlər belələri olur da! Bu adam çox murdar fikirlər səsləndirir. Mübariz İbrahimov bizim qürur, fəxr yerimizdir. Mübariz İbrahimovlar tək deyil, bizim minlərlə Mübariz İbrahimov kimi qəhrəmanlarımız var. Onlar öz canlarını Vətən yolunda fəda ediblər. Bu müqəddəsliyə bundan da betər toxunmaq olmaz. Mən onun bu cür hərəkətlərini lənətləyirəm, pisləyirəm. Hesab edirəm ki, Milli Qəhrəman və şəhid adını təhqir etdiyi üçün ona qarşı hüquq-mühafizə orqanları, ictimaiyyət, xalq, millət öz sözünü deməlidir".

E.Məmmədov deyib ki, Nərmin Şahmarzadə Azərbaycan xalqının heysiyyatı ilə oynayır:

"Bu adam psixoloq deyil, o psixdir".

Vasif Həsənli
Ölkə.Az

ŞƏRH YAZ
0
BAĞLA