Şahin Zəkizadənin ölümü dəqiqləşdi
Bu barədə APA-ya Ş. Zəkizadənin xalası oğlu Aqil Adiloğlu məlumat verib. O, bildirib ki, Ş. Zəkizadə sabah Maşatağada yerləşən “Seyidlər” qəbiristanlığında dəfn olunacaq.
Qeyd edək ki, Ş. Zəkizadə qan xərçəngindən əziyyət çəkirdi. O, Tibb Universitetinin Tədris Terapevtik Klinikasında müalicə olunurdu.
***
Rejissor Şahin Zəkizadə ölməyib.
Həkim reanimatoloq Emil Qasımov AzVision.az-a bildirib ki, xərçəng xəstəliyindən əziyyət çəkən rejissorun orqanizmi artıq müalicələrə cavab vermir, bu səbəbdən onun həyatda qalma şansı çox azdır.
“Onu itirmə ehtimalımız böyükdür. Şahinin orqanizmi bioloji olaraq hələ sağdır. Ancaq müalicələrə cavab vermir. Onu bir neçə saat sonra, bir neçə gün sonra itirmə ehtimalımız var”.
Qeyd edək ki, rejissorun xanımı isə jurnalistlərə onun öldüyünü bildirmişdi.
***
Xeyli müddətdir qan xərçəngindən əziyyət çəkən rejissor Şahin Zəkizadə vəfat edib
Ölkə.Az xəbər verir ki, bu barədə rejissorun həyat yoldaşı Səbinə Zəkizadə bildirib.
Xatırladaq ki, rejissor sabah Yasamal qəbiristanlığında dəfn ediləcək.
Allah rəhmət eləsin!
Ölkə.Az
