Salvador Dalinin bacısının portreti satıldı
"Ölkə.Az" xəbər verir ki, Londonda keçirilən hərracda rəsm əsəri 2 milyon funt sterlinqə satılıb. Rəsm əsəri "Bonhams" hərracında alıcısını tapıb.
1925-ci ildə çəkilmiş rəsm əsərində rəssamın bacısı Ana Mariya təsvir edilib. Dali bacısı ilə münasibətləri pozulana qədər bu əsəri ona hədiyyə edib. 1942-ci ildə Dali avto bioqrafiyasını nəşr etdirdi. Bu isə onun bacısının xoşuna gəlmir və Ana Mariya 1949-cu ildə şəxsi memuarlarını çap etdirir.
Ana Mariya sonradan bu rəsm əsərini onu satışa çıxaran lotun sahiblərinə hədiyyə edir. İlk olaraq rəsm əsərinə 800 min-1.2 milyon funt sterlinq qiymət qoyulmuşdu.
"Bonhams" hərrac evindən bildiriblər ki, bu rəsm əsəri Dalinin karyerası və həyatının vacib anlarını əks etdirir və heç vaxt hərraclarda satışa çıxarılmayıb.
Hikmət
Ölkə.Az