Salyan sakini bıçaqlandı
Salyan rayonunda bıçaqlanma hadisəsi baş verib.
"Ölkə.Az" APA-ya istinadən xəbər verir ki, rayonun Qaraçala kənd sakini, 1978-ci il təvəllüdlü Tarverdiyev Seymur Fəxrəddin oğlu həmkəndlisi tərəfindən bıçaqlanıb. Dörd bıçaq zərbəsi alan S. Tarverdiyev Şirvan şəhər xəstəxanasına yerləşdirilib və üzərində cərrahiyyə əməliyyatı aparılıb.
Hadisənin törədən şəxsin kimliyi dəqiqləşdirilir. Faktla bağlı Salyan Rayon Polis Şöbəsində araşdırma aparılır.
