Salyan sakinindən narkotik maddə aşkarlanıb

Salyan sakinindən narkotik maddə aşkarlanıb
23:25
22.03.2018
2402
Hadisə
A
Salyan şəhər sakininin həyətindən 18 ədəd narkotik tərkibli çətənə şitili aşkarlanıb.

“Report”un Aran bürosu xəbər verir ki, Salyan şəhər  sakini Cəfər Cabbarlı küçəsi, ev 48-də yaşayan, 1968-ci il təvəllüdlü Hüseynov Elçin İzzət oğlunun qanunsuz olaraq tərkibində narkotik maddələr olan bitkilərin əkməsi barədə RPŞ-nə məlumat daxil olub. 

Məlumat əsasında polis əməkdaşları tərəfindən onun yaşadığı evin həyətyanı sahəsinə baxış keçirilən zaman həyətyanı sahənin bağ hissəsində yerləşən üstü yarımörtülü yardımçı tikilidən 18 ədəd çətənə şitilii aşkar edilərək götürülüb.

Faktla bağlı Salyan Rayon Polis Şöbəsində Cinayət Məcəllənin 237. 2.3 maddələri ilə cinayət işi başlanılıb, araşdırmalar aparılır. 

Ölkə.Az

ŞƏRH YAZ
0

Şabranda yeniyetmə qonşusunu güllələdi

Şabranda yeniyetmə qonşusunu güllələdi
15:40
Bu gün
109
Hadisə
A
Oktyabrın 13-də Şabran rayonunun Zeyvə kənd sakini Mahir Şıxəliyev qırma yaraları ilə xəstəxanaya gətirilib və həmin gün orada ölüb.

DİN-dən "Ölkə.Az"a verilən xəbərə görə, polis və prokuroluq orqanlarının əməkdaşları tərəfindən aparılan araşdırmalar zamanı qonşusu olan bir yeniyetmənin ov tüfəngi ilə ehtiyatsız davranması nəticəsində açılmış atəşlə M.Şıxəliyevin baş nahiyəsinə xəsarət yetirməsi müəyyən edilib.

Yeniyetmə saxlanılıb, “TOZ-12” və “İJ-16” markalı tüfənglər maddi sübut kimi götürülüb. 
Faktla bağlı cinayət işi başlanılıb.

ŞƏRH YAZ
0

Lerikdə dəhşət: Qadın iki kişi ilə birləşərək ərini öldürdü

Lerikdə dəhşət: Qadın iki kişi ilə birləşərək ərini öldürdü
12:36
Bu gün
248
Hadisə
A
Lerik rayonunda qadın iki kişi ilə birləşərək ərini öldürüb.

Bu barədə "Ölkə.Az"a Daxili İşlər Nazirliyinin (DİN) mətbuat xidmətindən bildirilib.

Belə ki, bu il iyunun 29-da Lerik-Yardımlı yolunun 1-ci kilometrliyində meşə zolağında Lerik rayon sakini Mail Ağayevin üzərində xəsarətləri olan meyitinin “UAZ-469B” markalı avtomobilinin yaxınlığında tapılması barədə məlumat daxil olub.

Bununla əlaqədar polis və prokurorluq orqanlarının əməkdaşları tərəfindən müvafiq tədbirlər görülüb.

Araşdırmalar zamanı M.Ağayevin sinəsindən aldığı ağır xəsarətlər nəticəsində öldüyü məlum olub. Məhkəmə tibbi ekspertizasının rəyində də onun döş qəfəsindən daxilə nüfuz edən 3 bıçaq zərbəsi aldığı qeyd olunub.

Həyata keçirilmiş istintaq və əməliyyat-axtarış tədbirləri nəticəsində qətli törətməkdə şübhəli bilinən M.Ağayevin arvadı Nailə Ağayeva, Lerik rayon sakini Aqil Baxşıyev və Bakı şəhər sakini Vəfalı Əliyev müəyyən edilərək saxlanılıblar.

Faktla bağlı Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanılıb.

İstintaq-əməliyyat tədbirləri davam etdirilir. 

ŞƏRH YAZ
0
BAĞLA