Salyanda qətlə yetirilən ana və 4 qızının meyit qalıqları çıxarıldı — FOTO

Salyanda qətlə yetirilən ana və 4 qızının meyit qalıqları çıxarıldı
12:14
07.12.2017
4341
Hadisə
A
Salyanda 3 il əvvəl qətlə yetirilən ana və 4 qızının meyiti basdırıldığı yerdən çıxarılıb.

"Ölkə.Az" “Report”a istinadən xəbər verir ki, meyitlər Salyan Rayon Polis Şöbəsinin və rayon prokurorluğunun əməkdaşlarının nəzarəti altında şəhərin Tale Davudzadə küçəsindəki evin zirzəmisindən çıxarılıb.

Meyitlər ekspertiza üçün Məhkəmə Tibbi Ekspertiza və Patoloji Anatomiya Birliyinin Salyan şöbəsinə aparılıb.

Qeyd edək ki, Salyan rayon sakini Mehparə Əliyeva və dörd övladının qəsdən öldürülərək yaşadıqları ünvanda basdırılmaları barədə rayon prokurorluğuna daxil olmuş məlumat əsasında dərhal prokurorluq, polis əməkdaşları məhkəmə-tibb ekspertinin iştirakı ilə hadisə yerinə gedərək baxış keçirdikdə insan bədəninin hissələrinin basdırılması aşkar edilib.

Fakta görə Baş Prokurorluğun Ağır cinayətlərə dair işlər üzrə istintaq idarəsində Cinayət Məcəlləsinin 120.2.7-ci (iki və ya daha çox şəxsi qəsdən öldürmə) maddəsi ilə cinayət işi başlanılıb, prokurorluq və polis əməkdaşlarından ibarət istintaq-əməliyyat qrupu yaradılıb.

Həyata keçirilən təxirəsalınmaz istintaq-əməliyyat tədbirləri nəticəsində M.Əliyevanın əri Fərhad Əliyev və oğlu Fəqan Əliyev şübhəli şəxs qismində tutulublar.

Hazırda iş üzrə daxili işlər orqanları ilə əlaqəli şəkildə zəruri istintaq-əməliyyat tədbirləri davam etdirilir. 

ŞƏRH YAZ
0

Goranboyda avtomobilin aşması nəticəsində sürücü xəsarət alıb

Goranboyda avtomobilin aşması nəticəsində sürücü xəsarət alıb
00:19
Bu gün
120
Hadisə
A
Goranboy rayonunda bir nəfərin xəsarət alması ilə nəticələnən yol-nəqliyyat hadisəsi baş verib.

"Ölkə.Az" Report-a istinadən xəbər verir ki, rayonun 1974-cü il təvəllüdlü Başqışlaq kənd sakini Qasımov Ağa Əliş oğlu Safikürd kəndinə gedən yolda avtomobili aşırdıb.

Nəticədə sürücü müxtəlif bədən xəsarətləri alaraq Gəncə şəhərində yerləşən xəstəxanaların birinə aparılıb. Onun vəziyyətinin orta-ağır olduğu bildirilir.

Faktla bağlı araşdırma aparılır.

Ölkə.Az

ŞƏRH YAZ
0

Qaxda yanğın olub

Qaxda yanğın olub
00:16
Bu gün
77
Hadisə
A
Qaxda yanğın qeydə alınıb.

"Ölkə.Az"ən Fövqəladə Hallar Nazirliyinin saytına istinadən məlumatına görə, Qax rayonunun Əlibəyli kəndində “T-80” markalı traktorun qoşqusuna yıgılmış 1,75 ton ot bağlamasının 875 kq və qoşqunun 4 ədəd təkəri yanıb.

Traktor, qoşqu və ot bağlamasının qalan hissəsi yanğından mühafizə olunub.

Yanğın yanğın bölmələri tərəfindən söndürülüb.

Ölkə.Az

ŞƏRH YAZ
0
BAĞLA