Salyanda raket aşkar olunub — FOTO

Salyanda raket aşkar olunub
23:30
22.01.2019
4803
Hadisə
A
Bu gün Dövlət Sərhəd Xidmətinin Sahil Mühafizəsindən Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Salyan rayonu, Bəndovan qəsəbəsi ərazisində 1 ədəd mərminin tapılması barədə məlumat daxil olub.

"Ölkə.Az" ANAMA-ya istinadən xəbər verir ki, məlumata əsasən agentliyin xüsusi mobil çevik əməliyyat qrupu və Dövlət Sərhəd Xidmətinin Sahil Mühafizəsinin əməkdaşları həmin əraziyə göndərilib.

Agentliyin mütəxəssisləri və Dövlət Sərhəd Xidmətinin Sahil Mühafizəsinin əməkdaşları tərəfindən birlikdə qeyd olunmuş ərazidə dəniz sahilinə baxış keçirilib. Yerli əhalinin təhlükəsizliyini təmin etmək məqsədilə ərazi Dövlət Sərhəd Xidmətinin Sahil Mühafizəsinin əməkdaşları tərəfindən mühasirəyə alınıb. Agentliyin mütəxəssisləri tərəfindən aparılan təcili təxirəsalınmaz əməliyyat-axtarış tədbirləri nəticəsində 1 ədəd 140 mm raket (M-14) aşkar olunub, zərərsizləşdirilməsi üçün götürülərək agentliyin mərkəzi məhvetmə ərazisinə daşınıb.

Raketin ətrafında 100 kv.m əraziyə yerüstü baxış keçirilib, əlavə təhlükəli əşya və qurğu aşkarlanmayıb.

Ümumilikdə agentlik tərəfindən 1-22 yanvar tarixlərində 17 siqnal (əməliyyat çağırışı) əsasında 12 operativ və təxirəsalınmaz əməliyyat çıxışı olub. Nəticədə Ağstafa, Goranboy, Göygöl, Qazax, Salyan, Şəmkir, Tovuz rayonları, Şəki və Lənkəran şəhərləri ərazisində 2 ev və həyətyanı sahəyə, 1 əkin sahəsinə, yol kənarına, dəniz sahilinə baxış keçirilib, 10 ədəd partlamamış hərbi sursat (PHS) və 2 ədəd tank əleyhinə mina zərərsizləşdirilib, 6,790 kv.m ərazi yerüstü yoxlanılıb.

Ölkə.Az

ŞƏRH YAZ
0

Bakıda 3 uşaq anasının öldüyü qəzadan dəhşətli GÖRÜNTÜLƏR — ANBAAN VİDEO

Bakıda 3 uşaq anasının öldüyü qəzadan dəhşətli GÖRÜNTÜLƏR
13:30
Bu gün
436
Hadisə
A
Bakının mərkəzində - Zərifə Əliyeva küçəsi ilə Səməd Vurğun küçəsinin kəsişməsində, Muzey Mərkəzi binasının arxasında yol-nəqliyyat hadisəsi baş vermişdi.

"Ölkə.Az" avtosfer.az-a istinadən xəbər verir ki, "Hyundai Tucson” markalı avtomobilin sürücüsü idarəetməni itirib və nəticədə maşın ağaca çırpılıb. 40 yaşlı Könül Abbaslı hadisə yerində ölüb.

Avtomobilin sükanı arxasında K.Abbaslının dayısının həyat yoldaşı olub. Maşında cəmi dörd nəfər olub. Üç nəfər Kliniki Tibbi Mərkəzin reanimasiya şöbəsinə yerləşdirilib.

Qeyd edək ki, ölən qadın üç uşaq anasıdır. 

Ölkə.Az

ŞƏRH YAZ
0

Yardımlıdakı meşə yanğınları barədə — SON MƏLUMAT - VİDEO

Yardımlıdakı meşə yanğınları barədə
11:43
Bu gün
656
Hadisə
A
Yardımlıdakı meşə yanğınlarına FHN-nin helikopteri cəlb olunub.

Ekologiya və Təbii Sərvətlər Nazirliyindən “Ölkə.Az”a bildirilib ki, avqustun 21-də gecə saatlarında Yardımlı rayonunun Ləzir kəndi yaxınlığında çətin keçilən yüksək dağlıq meşə ərazisində baş verən yanğın Ekologiya və Təbii Sərvətlər Nazirliyinin yerli qurumlarının, Fövqəladə Hallar Nazirliyinin yanğından mühafizə xidmətinin əməkdaşlarının və yerli əhalinin səyləri nəticəsində əsasən əl əməyindən istifadə olunmaqla  ətrafa yayılmasının qarşısı alınıb. 

Buna baxmayaraq,  yanğın baş verən ərazi çox mürəkkəb coğrafi relyefə,  hündür. Sərt keçilməz yamac  olduğundan yanğınsöndürən maşınların əraziyə qalxması mümkün olmayıb. Artıq bu gün səhərdən etibarən yanğının söndürülməsi üçün əraziyə FHN-nin aviasiya dəstəsinin helikopteri də cəlb olunub. Hazırda tüstülənən sahələrin tam söndürülməsi istiqamətində işlər davam etdirilir.

Qeyd edək ki, son günlərdə Yardımlının digər ərazilərində də meşə yanğınları olub. Bir neçə gün öncə “Böyük Avaraq” deyilə ərazidə meşə massivində yanğın baş vermişdi. 

Ölkə.Az

ŞƏRH YAZ
0
BAĞLA