Salyanda yol qəzası — Xəsarət alanlar var

Salyanda yol qəzası
09:00
17.04.2018
874
Hadisə
A
Salyan rayonunda 3 nəfərin xəsarət alması ilə nəticələnən yol-nəqliyyat hadisəsi baş verib.

"Ölkə.Az" Report-a istinadən  xəbər verir ki, hadisə Salyan şəhər İncəsənət Məktəbinin yaxınlığında qeydə alınıb.

Qəza zamanı rayonun Aşağı Kürkənd kənd sakinləri: - 1996-cı il təvəllüdlü Cəlil Əhəd oğlu Məmmədov, 1988-ci il təvəllüdlü Ramil Rasif oğlu Abbasov və 1996-cı il təvəllüdlü Vasif Vidadi oğlu Hüseynov müxtəlif dərəcəli bədən xəsarətləri alıblar. Yaralılar Salyan Mərkəzi Rayon Xəstəxanasına çatdırılıb.

Faktla bağlı araşdırma aparılır.

ŞƏRH YAZ
0

Gəncədə ana və qucağındakı 5 yaşlı oğlunu maşın vurdu

Gəncədə ana və qucağındakı 5 yaşlı oğlunu maşın vurdu
13:45
Bu gün
91
Hadisə
A
Gəncə şəhərində avtomaşınla ana və 5 yaşlı oğlunu vuraraq ölümünə səbəb olan sürücü İqbal Yaşar oğlu Şərifov Ali Məhkəməyə müraciət edib.

"Ölkə.Az" xəbər verir ki, cinayət məcəlləsinin 263-1.4 maddəsi ilə təqsirli bilinən İqbal Şərifovun müraciətinə aprel ayının 17-də hakim Hafiz Nəsibovun sədrliyi ilə keçirilən prosesdə baxılacaq.

Qeyd edək ki, hadisə 2017-ci ilin iyul ayında Gəncə şəhərinin Nizami Gəncəvi prospektində baş verib.  Göygöl rayon Səmədli qəsəbə sakini, 1993-cü il təvəllüdlü Şərifov İqbal Yaşar oğlu sürücülük vəsiqəsi olmadan dostunun "QAZ 3110” markalı avtomobilini Nizami Gəncəvi prospekti ilə yüksək sürətlə idarə edib. Qarşısındakı avtomobil dayanaraq piyadalara yol verən zaman İ. Şərifov yandan ötüb keçmək istəyib. Bu zaman yolu keçən Abbasov Altay 11 yaşlı oğlu ilə dayansalar da, onun həyat yoldaşı, 1987-ci il təvəllüdlü Abbasova Aynurə qucağında 5 yaşlı oğlu Məhəmmədlə yolu keçmək istəyib. Nəticədə avtomobil onları vurub. Qadın hadisə yerində dünyasını dəyişib. 2012-ci il təvəllüdlü Abbasov Məhəmməd xəstəxanaya aparılsa da, onun həyatını xilas etmək mümkün olmayıb.

Qəzanı törədən sürücü İ. Şərifov avtomobillə hadisə yerindən uzaqlaşaraq aralıda olan Eminbəyli küçəsində maşını saxlayaraq qaçıb. Polis əməkdaşlarının həyata keçirdikləri əməliyyat tədbirləri nəticəsində o saxlanılaraq istintaqa təhvil verilib.

Natiq Allahverdiyev
Ölkə.Az

ŞƏRH YAZ
1

Bakıda dəhşətli yanğın: zəhərlənənlər var — FOTO / VİDEO

Bakıda dəhşətli yanğın: zəhərlənənlər var
09:51
Bu gün
5521
Hadisə
A
“Diqlas” Ticarət Mərkəzində başlayan yanğın güclənib.

"Ölkə.Az" xəbər verir ki, ticarət mərkəzi yararsız hala düşüb.

Yanğının yaxınlıqdakı yaşayış binasına keçməsi təhlükəsinin qarşısı alınıb.

Alov elektrik naqillərini də sıradan çıxarıb. Ərazidəki insanlardan bir neçəsi tüstüdən zəhərlənib, onlar təcili tibbi yardım maşınları ilə xəstəxanaya aparılıblar.

Bakı şəhərinin Nizami rayonu ərazisində ticarət və digər təyinatlı obyektlərin yerləşdiyi ərazidə davam edən yanğının söndürülməsinə Fövqəladə Hallar Nazirliyinin Aviasiya dəstəsinin helikopteri cəlb olunub.
Əlavə məlumat veriləcək. 

***

Bakının Nizami rayonu ərazisində yanğın hadisəsi baş verib.

“Ölkə.Az” Report-a istinadən xəbər verir ki, yanğın paytaxtın 8-ci kilometr adlanan ərazisindəki "Diqlas" ticarət mərkəzində qeydə alınıb.

Hazırda əraziyə FHN-in canlı qüvvə və texnikası əraziyə cəlb olunub. Bina təxliyyə edilir. 

 

ŞƏRH YAZ
0
BAĞLA