Şamaxı və Yardımlıda yanğın söndürüldü, indi də Ağsuda da başladı
Avqustun 21-də Yardımlı rayonunun Ləzir kəndi yaxınlığında dağlıq zonada başlamış yanğın FHN-in qüvvələri tərəfindən söndürülüb.
“Ölkə.Az” FHN-ə istinadən xəbər verir ki, bu gün günorta saatlarında Şamaxı rayonunun Meysəri kəndi yaxınlığında baş vermiş yanğın FHN-in müvafiq qüvvələri tərəfindən saat 17:10-da söndürülüb.
Bu iki rayonda yanğınlar söndürülsə də, axşam saatlarında Ağsu rayonu Kəndəxan kəndi yaxınlığında dağlıq ərazidə yanğın başlayıb.
Yanğının söndürülməsi üçün əraziyə FHN-in Aviasiya dəstəsinin 2 ədəd helikopteri, Dövlət Yanğından Mühafizə Xidmətindən 5 ədəd texnika və 30 nəfər şəxsi heyət, Mülki müdafiə qoşunlarından 4 ədəd texnika və 41 nəfər şəxsi heyət cəlb olunub.
Hazırda yanğının qarşısının alınması istiqamətində tədbirlər davam etdirilir.
Ölkə.Az
