Şamaxıda kənd sakinləri 2 gürzə tapıb — Uzunluqları 2,2 metrdir

Şamaxıda kənd sakinləri 2 gürzə tapıb
20:45
14.03.2018
2628
Maraqlı
A
Şamaxı rayonunda bu mövsüm üçün xarakterik olmayan hadisə baş verib.

"Ölkə.Az"ın Trend-ə istinadən məlumatına görə, rayonun Çöl Göylər kəndində iki gürzə peyda olub. Gürzələrin hər birinin uzunluğu 2 metr 20 santimetr olub.

Sakinlər bildirirlər ki, ilanlar heyvanların otlaq sahəsində aşkarlanıb. Həddindən artıq təhlükəli olan hər iki ilan kənd sakinləri tərəfindən öldürülüb.

Xatırladaq ki, ötən il Ağsu rayonunun Bico kəndi ərazisində də belə bir hadisə baş vermişdi.

Kənd sakinləri dağlıq ərazidə uzunluğu 2 metr 60 santimetr olan nəhəng Qafqaz gürzəsini ov tüfəngi ilə öldürmüşdülər.

Ölkə.Az

ŞƏRH YAZ
0

“Facebook” “Messenger”ə yeni faydalı funksiya əlavə edib

“Facebook” “Messenger”ə yeni faydalı funksiya əlavə edib
19:57
21.03.2019
1838
Maraqlı
A
Bir müddət bundan öncə “Facebook” şirkəti “Messenger”ə “Dark Mode” rejimi əlavə etmişdi. İndi isə şirkət daha bir faydalı funksiyanı anons edib.

“Ölkə.Az” “Technote”yə istinadən xəbər verir ki, bu barədə “Gagadget” saytı məlumat yayıb.

Xəbərə əsasən, “Messenger”ə konkret bir mesaja cavab vermək funksiyası əlavə olunub. Bunun sadəcə olaraq müəyyən bir mesajın üzərinə klikləyib saxlamaq və daha sonra “Reply” düyməsini klik etmək lazımdır.

Maraqlısı ondadır ki, bu funksiya “Facebook Messenger”ə hələ indi əlavə olunub. Belə ki, “Facebook”un sahib olduğu “Whatsapp”da bu funksiya artıq çoxdandır ki, var. Konkret mesajlara cavab vermək funksiyası “Messenger”də artıq aktivləşdirilib.

Ölkə.Az

ŞƏRH YAZ
0

Qaraciyəri qoruyan ərzaqlar — Piylənmənin də qarşısını alır

Qaraciyəri qoruyan ərzaqlar
18:50
21.03.2019
1660
Maraqlı
A
Qaraciyərin fəaliyyətinə, eyni zamanda, bir sıra xəstəliklərin və piylənmənin qarşısını almağa faydalı ərzaqlar hansılardır?

“Ölkə.Az”ın Medicina.az-a istinadən məlumatına görə, bir çox ərzaqlar kimi yulafın da tərkibində olan lifli maddələr artıq çəkidən qurtulmağa kömək edir ki, bu da qaraciyərin fəaliyyətinə müsbət təsir göstərir.

Qəhvə

Düzgün qidalanmamaq və ya alkoqollu içkilərin qəbuluna baxmayaraq gündə 2-3 fincan qəhvə qaraciyərin fəaliyyətinin tənzimlənməsinə kömək edir və xərçəng riskini aradan qaldırır.

Yaşıl çay

Yaşıl çayın tərkibindəki antioksidantlar xərəçəngin yaranma riskini aradan qaldırır. Bu xüsusiyyət ispanaqda da var.

Qaragilə

Qaragilə bitkisinin tərkibi polifenol birləşmələrlə zəngindir. Bu da qaraciyərdə piy toplanmasının qarşısını alır.

Badam

Badamın tərkibində çoxlu miqdarda E vitamini var ki, bu da qaraciyər piylənməsi ilə mübarizədə kömək edir.

Ölkə.Az

ŞƏRH YAZ
0
BAĞLA