"Samir qanun qarşısında cavab verəcək" — QALMAQAL BÖYÜYÜR

20:19
05.11.2017
2422
Maqazin
A
Müğənni Samir Piriyevlə aparıcı Kamran Həsənli arasındakı pul qalmaqalı daha da böyüyüb.

Ölkə.Az-ın məlumatına görə, sənətçi şoumenin ona şikayətini geri götürməsi üçün pul təklif etdiyini iddia edib. Kamran Samirə deyib ki, 35 min verim ərizəni geri götür.

K.Həsənlinin vəkili Türkəl Süleymanlı axşam.az-a açıqlamasında qarşı tərəfin iddiasını yalanlayıb:

"Guya Kamran tərəfindən onlara 35 min təklif edilib. Kamran Həsənli tərəfindən Samir Piriyevə və ya onun vəkilinə heç bir pul təklif olunmayıb ki, cinayət işini geri çəksin. Samir Piriyevin saxta ərizəsi əsasında müvafiq orqanlara müraciət edilib. Əvəllər Kamran Samirə nəsə edibsə, yazığı gəldiyi üçün verib. Bundan sonra ona 35 qəpik belə vermək niyyəti yoxdur. Bu da Samir Piriyevin yeni yalanıdır. Şantaj yolu ilə pul əldə etməyə çalışırlar. Əvvəldə Samir Kamrana demişdi ki, evini keçirt adıma, səndən şikayət etməyib. Həmin gündən Kamran onun niyyətini başa düşüb. 

Onlar tərəfindən kimə nə qədər pul verdikləri, işin yolunda getməməsi və narazı olmaları haqda məlumatımız var. Ən yaxın zamanda bəyanat yayaraq Samir Piriyevin hansı cinayətlərə əl atdığını aşkarlayacağıq. Hətta Samir bu işə görə gedib kimin toyunda pulsuz oxuyub onu da deyəcəyik.

Samir Piriyev yalançı ərizəsində yazıb ki, Türkiyədə obyekt yox idi. Niyə yalan ərizə yazırsınız? Kamran heç bir yerdə deməyib ki, məsələ həll olundu. Onlar növbəti şər atmaq işinə keçiblər. Əsası olmayan sözlərə görə qanun qarşısında cavad verəcəklər".

Xatırladaq ki, müğənni Samir Piriyev hüquq-mühafizə orqanlarına müraciət edərək K. Həsənlinin onun 80 min dollarını mənimsədiyini bildirib. Daxil olmuş şikayət əsasında Nərimanov rayon Prokurorluğunda fakta görə Cinayət Məcəlləsinin 178.3.2-ci (dələduzluq) maddəsi ilə cinayət işi başlanıb. E.Məmmədoğlu isə polisə ifadə verərək K.Həsənlinin günahsız olduğunu bildirib.

ŞƏRH YAZ
0

“Emmy” mükafatı alan aktrisa səhnədə söyüş söydü — VİDEO

“Emmy” mükafatı alan aktrisa səhnədə söyüş söydü
16:09
18.09.2018
4276
Maqazin
A
Hər il ən yaxşı televiziya işlərinin seçildiyi “Emmy” mükafatlarının təqdimetmə mərasimi keçirilib.

“Ölkə.Az” xəbər verir ki, “ən yaxşı qadın aktrisa” mükafatına layiq görülən Tandi Nyuton təşəkkür çıxışı üçün səhnəyə çıxıb. Bu zaman o, söyüş söyüb və zaldakıların gülüşünə səbəb olub.

Tandi “Westworld” serialındakı roluna görə “ən yaxşı köməkçi qadın aktrisa” mükafatına layiq görülüb. O, çıxışı zamanı “Birlikdə işlədiyim insanlarla işlədiyim üçün çox xoşbəxtəm” deyərkən ağzından söyüş çıxıb. Qısa müddət ərzində özünü toplayan aktrisa gülümsəyərək çıxışını tamamlayıb.

 

Hikmət Həsənov
Ölkə.Az

ŞƏRH YAZ
0

Anar Nəcəfli aparıcılığa qayıtdı — VİDEO

Anar Nəcəfli aparıcılığa qayıtdı
13:21
18.09.2018
9021
Maqazin
A
Yeni mövsümdə “ARB” kanalına dəvət edilən növbəti aparıcının kimliyi məlum olub.

“Ölkə.Az” xəbər verir ki, uzun illərdir aparıcılıqdan uzaqlaşan Anar Nəcəfli yenidən efirlərə qayıdıb.

Belə ki, məşhur sima 24 sentyabrdan etibarən hər axşam saat 20:00-da ARB TV-də xəbərlər proqramına aparıcılıq edəcək.

Qeyd edək ki, Anar Nəcəfli həm də “Azəryolservis” ASC-nin mətbuat xidmətinin rəhbəridir.

ŞƏRH YAZ
0
BAĞLA