Samir Şərifov ABŞ rəsmilərini qəbul etdi

Samir Şərifov ABŞ rəsmilərini qəbul etdi
17:25
21.06.2018
481
İqtisadiyyat
A
İyunun 20-21-də maliyyə naziri Samir Şərifov Bakıda səfərdə olan Asiya İnkişaf Bankının (ADB) Mərkəzi və Qərbi Asiya departamentinin direktoru Verner Lipaxın başçılıq etdiyi nümayəndə heyəti və Kshatrapati Shivajinin rəhbərlik etdiyi bankın İcraçı Direktorlar Şurasının üzvlərindən ibarət nümayəndə heyəti ilə görüşlər keçirib.

"Ölkə.Az" Maliyyə Nazirliyinə istinadən xəbər verir ki, görüşlər zamanı S.Şərifov ölkəmizin makroiqtisadi vəziyyəti, Prezident İlham Əliyevin rəhbərliyi altında hökumət tərəfindən həyata keçirilən iqtisadi islahatlar, bank sektorunun gücləndirilməsi tədbirləri, büdcə-vergi siyasəti və maliyyə intizamının daha da gücləndirilməsi, həyata keçirilən infrastruktur və investisiya layihələri, ölkədə işgüzar mühitin yaxşılaşdırılması və asanlaşdırılması, eləcə də digər istiqamətlərdə həyata keçirilən tədbirlər barədə ətraflı məlumat verib.

Ölkəmizin əlverişli nəqliyyat və logistika mövqeyi, iri enerji və regional nəqliyyat-infrastruktur layihələrinin təşəbbüskarı və iştirakçısı kimi tranzit imkanlarından bəhs edən nazir bu günlərdə Azərbaycan və Türkiyədə rəsmi açılış mərasimləri keçirilən Cənub Qaz Dəhlizi, ötən il istismara verilən Bakı-Tbilisi-Qars dəmir yolu, eləcə də Şimal-Cənub nəqliyyat dəhlizi, Bakı Beynəlxalq Dəniz Ticarət Limanı kimi layihələrin qlobal miqyasda böyük əhəmiyyət daşıdığını, bu tranzit və nəqliyyat xətlərinin region ölkələri üçün böyük imkanlar yaratdığını vurğulayıb.

ADB-nın Cənub Qaz Dəhlizi layihəsini dəstəkləyən ilk beynəlxalq maliyyə qurumu olduğunu xatırladan S.Şərifov Bankın Azərbaycanda həyata keçirdiyi layihələrin dövlət və özəl sektorları əhatə etdiyini və dövlətin inkişaf strategiyalarına uyğun olaraq həyata keçirildiyini qeyd edib. Hazırda Azərbaycanda qeyri-neft sektorunun inkişafı və iqtisadiyyatın şaxələndirilməsini təmin etmək üçün ölkə rəhbəri tərəfindən hökumət qarşısında mühüm vəzifələr qoyulduğunu deyən nazir S.Şərifov Azərbaycanda davamlı iqtisadi inkişafın təmin olunması istiqamətində qarşıya qoyulan məqsədlərə çatmaq üçün ADB-nin öz töhfəsini verməkdə davam edəcəyinə əminliyini ifadə edib.

Azərbaycana səfərdə məqsədlərinin ADB-nin fəaliyyətini müşahidə etmək, ölkənin inkişaf ehtiyacları ilə daha yaxından tanış olmaqla bankın fəaliyyətinin səmərəliliyini daha da artırmaq üçün strateji istiqamətləri müəyyən etmək olduğunu bildirən İcraçı Direktorlar Şurasının üzvlərindən ibarət nümayəndə heyətinin rəhbəri Kshatrapati Shivaji ölkəmizdə qazanılan iqtisadi uğurları və həyata keçirilən islahatları yüksək qiymətləndirib.

ADB rəsmləri Azərbaycanla bank arasında əməkdaşlığın sürətlə inkişaf etməsindən məmnunluqlarını ifadə edərək mühüm və etibarlı tərəfdaş kimi Azərbaycanda davamlı iqtisadi inkişafın təmin olunması istiqamətində AİB-nın öz töhfəsini verməkdə davam edəcəyini vurğulayıblar.

Görüşlər zamanı həmçinin Azərbaycan ilə ADB arasında əməkdaşlığın hazırkı vəziyyəti və gələcək istiqamətləri, o cümlədən neft-qaz, avtomobil və dəmir yolları nəqliyyatı, energetika, su təchizatı və kanalizasiya sisteminin yenidən qurulması layihələri, Kontrtsiklik Proqramının maliyyələşdirilməsi və digər qarşılıqlı maraq doğuran məsələlər ətrafında fikir mübadiləsi aparılıb.

ŞƏRH YAZ
0

“İsrail Gömrük Xidməti ilə əməkdaşlığa xüsusi önəm veririk” — Səfər Mehdiyev

“İsrail Gömrük Xidməti ilə əməkdaşlığa xüsusi önəm veririk”
21:45
Bu gün
54
İqtisadiyyat
A
Azərbaycan Respublikası Dövlət Gömrük Komitəsinin sədri, gömrük xidməti general-leytenantı Səfər Mehdiyevin rəhbərlik etdiyi nümayəndə heyəti İsraildə işgüzar səfərdədir.

Dövlət Gömrük Komitəsinin mətbuat və ictimaiyyətlə əlaqələr idarəsindən "Ölkə.Az"a bildirilib ki, İsrail Gömrük Xidmətinin rəhbəri Avraham Ben Ardetenin dəvəti ilə reallaşan səfər zamanı dekabrın 16-da iki ölkənin gömrük xidməti nümayəndələrinin iştirakı ilə görüş keçirilib. Görüşdə Dövlət Gömrük Komitəsinin sədri Səfər Mehdiyev Azərbaycan Prezidenti İlham Əliyevin rəhbərliyi ilə ölkədə aparılan uğurlu siyasət, iqtisadi islahatlar, həyata keçirilən irimiqyaslı infrastruktur layihələri və qeyri-neft sektorunun inkişafı məqsədilə iqtisadiyyatın şaxələndirilməsi istiqamətində görülən işlərdən danışıb. Qeyd edilib ki, hökumətlərarası birgə komissiyanın iclasının protokoluna uyğun olaraq, gömrük qurumlarına protokolda əksini tapan aidiyyəti məsələlərin müzakirə edilməsi və müvafiq işin aparılması tapşırılıb.

Səfər Mehdiyev, həmçinin Azərbaycan və İsrail arasında əlaqələrin ildən-ilə inkişaf etdiyini, İsrail Gömrük Xidməti ilə əməkdaşlığa xüsusi önəm verildiyini bildirib. O, son zamanlar Azərbaycan gömrük sistemində aparılan islahatlar haqqında məlumat verib, eyni zamanda, malların ixracı və idxalı zamanı tətbiq edilən təhlükəsizlik tədbirləri, riskin idarə olunması sistemi sahəsində İsrail tərəfi ilə qarşılıqlı təcrübə mübadiləsinin önəmindən söz açıb.

İsrail Gömrük Xidmətinin rəhbəri Avraham Ben Ardete iki ölkənin gömrük orqanları arasında əlaqələrdən danışıb, İsrail tərəfinin öz təcrübəsini bölüşməyə daim hazır olduğunu deyib.

Görüşdə Azərbaycan Respublikası Dövlət Gömrük Komitəsi sədrinin müavini İqbal Babayev gömrük sisteminin təkmilləşdirilməsi üçün tətbiq olunan innovasiya metodları mövzusunda təqdimatla çıxış edib.

İsrail nümayəndələri isə bu ölkənin gömrük xidmətində malların ixracı və idxalı zamanı tətbiq edilən təhlükəsizlik tədbirləri, riskin idarə olunması sistemi, informasiya və kommunikasiya texnologiyalarına dair təqdimatlar keçirib.

Sonra gömrük işi sahəsində əməkdaşlığın genişləndirilməsi perspektivlərinə dair fikir mübadiləsi aparılıb və əldə olunan razılıqlar üzrə müvafiq işlərin həyata keçirilməsi nəzərdə tutulub.

Dekabrın 17-də Azərbaycan Gömrük Xidmətinin nümayəndə heyəti İordaniya Haşimilər Krallığı ilə sərhəddə yerləşən “Allenby” gömrük-buraxılış məntəqəsinə səfər edib, burada gömrük orqanlarının iş prinsipi ilə yaxından tanış olublar.

Ölkə.Az

ŞƏRH YAZ
0

76 dövlət əmlakı hərraca çıxarılıb

76 dövlət əmlakı hərraca çıxarılıb
19:45
Bu gün
945
İqtisadiyyat
A
Əmlak Məsələləri Dövlət Komitəsi yanvarın 22-də keçirəcəyi növbəti hərraca 76 dövlət əmlakı çıxarılıb.

Komitədən "Ölkə.Az"a bildiriblər ki, onlardan 23-ü səhmdar cəmiyyət, 33-ü kiçik dövlət müəssisə və obyekti, 20-si qeyri-yaşayış sahəsidir. Hərraca çıxarılan kiçik dövlət müəssisə və obyektləri respublikanın müxtəlif şəhər və rayonlarında yerləşir. Bu növ dövlət əmlaklarının ümumi faydalı sahəsi 12,2 kvadratmetr ilə 11 min 266 kvadratmetr arasındadır. İnvestorlar seçdikləri dövlət əmlaklarının fəaliyyətini bərpa etməklə yanaşı, həm də digər istiqamət üzrə yenidən quraraq gəlir qazana bilər. Oğuz rayonu, Kərimli kəndindəki anbar kompleksi 13 min kvadratmetrlik torpaq sahəsi ilə birgə özəlləşməyə çıxarılıb. Bu dövlət əmlakının ümumi faydalı sahəsi 3 min 100 kvadratmetrdir. Ən yüksək ümumi faydalı sahəsi olan dövlət əmlakı Balakən şəhəri, Atatürk prospektində yerləşir. 

Kiçik sahibkarlıq fəaliyyəti üçün uyğun olan qeyri-yaşayış sahələrindən 11-i paytaxtda, 4-ü Sumqayıtda, digərləri isə Gəncə, Ağdaş və Daşkəsəndə yerləşir. Ümumi faydalı sahəsi 5,8 kvadratmetr ilə 162,9 kvadratmetr intervalında olan bu obyektlər qiymət baxımından da hər kəsə uyğun ola bilər. Paytaxtın Suraxanı rayonu, Qaraçuxur qəsəbəsi, Y.Eyvazov küçəsindəki dövlət əmlakının ümumi faydalı sahəsi 147 kvadratmetrdir. Sahibi bu qeyri-yaşayış sahəsindən həm ofis, həm də xidmət obyekti kimi istifadə edə bilər. 

Özəlləşdiriləcək səhmdar cəmiyyətləri təmir-tikinti, sənaye, aqrar, nəqliyyat və digər sahələrə aiddir. Belə iri müəssisələr sırasında "Ağdaş Quşçuluq", "Material Təchizat", "Goranboy Aqrotexservis", "İsmayıllı Təmir Tikinti" kimi səhmdar cəmiyyətləri var. Paytaxtla yanaşı, ölkənin müxtəlif bölgələrində yerləşən səhmdar cəmiyyətlərinin səhm paketləri nizamnamə kapitalının 30-45 faizini təşkil edir. 

Hərraca çıxarılan əmlaklar haqqında ətraflı məlumatı komitənin rəsmi saytı (emdk.gov.az) və Özəlləşdirmə portalı (privatization.az) vasitəsilə öyrənmək mümkündür. İştirakçı statusu qazanmaq üçün isə sadalanan elektron mənbələrdən seçilən dövlət əmlakı üzrə sifariş vermək və satış qiymətinin 10 faizi məbləğində beh ödəmək kifayətdir. Sifarişlər hərracın keçirilməsinə 3 bank günü qalanadək verilməlidir. 

Əmlak Məsələləri Dövlət Komitəsi yerli və xarici investorları, sahibkarları, iş adamlarını və mülkiyyət sahibi olmaq istəyən hər bir kəsi özəlləşmədə fəal iştirak etməyə dəvət edir. 

Geniş seçim, rahat sifariş və iştirak imkanlarının olduğu hərraclara qatılmaq üçün məkanı dəyişməyə və əlavə vaxt itirməyə ehtiyac yoxdur. İnvestorlar Elektron hərrac sistemi ilə virtual müstəvidən sifariş verməklə yanaşı, hərrac günü prosesdə onlayn formada iştirak edə bilər. Yaradılan bu fürsətlər hər kəsin şəffaf və əlçatan formada dövlət əmlaklarının özəlləşdirilməsində iştirakına şərait yaradır. 

ŞƏRH YAZ
0
BAĞLA