Samir Şərifov Milli Məclisdə karantin rejimindən DANIŞDI

“Ölkə.Az” xəbər verir ki, bunu Maliyyə naziri Samir Şərifov Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında deyib. 

Onun sözlərinə görə, həmin göstəricilər 2019-cu ildə hədəfə qarşı çox sürətlə icra olunub: “31,1 faizə qarşı 26,6 faiz təşkil edib. Bu da onun göstəricisidir ki, neft sektorundan asıllığımızın tədricən azaldılması istiqamətində əməli tədbirlər görülməkdədir. Büdcə qaydası da bu məqsədlərə xidmət edir”.
Nazir əlavə edib ki, 2020-ci ilin büdcəsinin icrası ilə bağlı hər hansı bir problem yoxdur. 
Nazir deyib ki, beş ayın nəticəsi olaraq kifayət qədər profisit var: “Bu, yaxşı mənzərədir”.

 Nazir onu da əlavə edib ki, dövlət büdcəsinə yenidən baxılması üçün müraciət etməmişik: “Hazırda biz tələsmirik, daha çox gözləyici mövqe nümayiş etdiririk”.

Nazir ölkədə karantin rejiminin tətbiq edildiyini xatırladıb:

“Şübhəsiz ki, karantin rejiminin mənfi təsirləri qaçılmaz idi. Lakin biz bu gün karantindən çıxmaqla ölkə iqtisadiyyatında başqa prosesləri izləyirik. Dörd ay haqqında artıq məlumatlar mövcuddur. Beş ay haqqında məlumatlar isə yaxın vaxtlarda olacaq”.

Mürtəza
Ölkə.Az