Santa Klausa məxsus sümük parçası tapıldı
Oksford universitetinin mütəxəssisləri radio karbon analiz vasitəsilə müəyyən ediblər ki, əllərində olan sümük fraqmenti Nikolay Çudotvorsa məxsus ola bilər. Çünki sümük IV əsrə məxsusdur və Nikolay bu dövrdə yaşayıb.
Artefakt alimlərə onun keçmiş sahibi ABŞ-ın İllinoys ştatının rahibi Dennis Onil verib. Məhz kasıbların hamisi Nikolay haqqında miflərdən Santa Klaus haqqında əfsanə yaranıb. Santa Milad bayramında uşaqlara hədiyyə paylayıb.
Universitetin professoru Tom Hayem bildirib ki, sümük fraqmenti Nikolaya məxsus ola bilər.
Nikolay Bizansın Mira şəhərinin yepiskopu olub. Onun ölümündən 700 il sonra meyiti oğurlanaraq İtaliyanın Bari şəhərinə aparılıb. Nikolayın türbəsi hələ də Baridədir. Bununla yanaşı, yepiskopun skeletinin müxtəlif hissələri dünyanın bir sıra kilsələrinə aparılıb.
Hikmət Həsənov
Ölkə.Az
