Sarkisyan etiraf etdi: “Azərbaycan tərəfi Qarabağ problemini müharibə yolu ilə də olsa həll edəcək”
Ermənistanda baş nazir postuna namizəd Serj Sarkisyan parlamentdə deputatların suallarını cavablandırıb.
“Ölkə.Az” xəbər verir ki, Sarkisyan çıxışı zamanı Qarabağ məsələsi ilə bağlı da danışıb. Görünən odur ki, üstündən iki il keçsə də, aprel savaşı erməni tərəfində əməlli-başlı qorxu yaradıb və bu qorxu hələ də keçmir.
“Aprel savaşı gözlənilməz oldu. Buradan nəticə çıxarmaq lazımdır ki, Azərbaycan tərəfi Qarabağ problemini güc yolu ilə həll etməkdən çəkinməyəcək. Bu səbəbdən silahlanmaya fikir verməliyik”.
Qeyd edək ki, 2016-cı ildə baş verən aprel döyüşü erməni tərəfini ciddi qorxuya salıb. Sarkisyanın bu çıxışı da bunu bir daha sübut edir.
Hikmət Həsənov
Ölkə.Az
