Sarkozi sərbəst buraxıldı — YENİLƏNİB

Sarkozi sərbəst buraxıldı
23:40
21.03.2018
5135
Dünya
A
Fransanın sabiq prezidenti Nikola Sarkozi sərbəst buraxılıb.

Fransanın sabiq prezidenti Nikola Sarkozi dindirildikdən sonra sərbəst buraxılıb. Sabiq prezidentin dindirilməsi 25 saat davam edib.

***

“Ölkə.Az” xəbər verir ki, Nikola Sarkozi 2007-ci ildə keçirilən seçkilərə görə istintaqa cəlb edilib. Bu gün isə istintaqa gedən Nikolanın fotoları çəkilib.

Sarkozi vəkili ilə istintaqa getmək üçün evdən çıxıb.

Qeyd edək ki, Sarkozi 2007-ci ildəki seçkilərdə Liviyanın mərhum lideri Müəmmar Qəddafidən pul yardımı almaq iddiası ilə açılan cinayət işində şübhəli şəxsdir. Fransa mətbuatının xəbərinə əsasən, 2006-cı ilin dekabr ayında Trablusdan Parisə 5 milyon avro aparılıb. Bu pul Sarkoziyə çatıb.

Hikmət Həsənov
Ölkə.Az

ŞƏRH YAZ
0

Sarkisyan Ermənistandan qaçıb?

Sarkisyan Ermənistandan qaçıb?
00:49
Bu gün
777
Dünya
A
Bir neçə saat əvvəl vəzifəsindən istefa verən baş nazir Serj Sarkisyan Ermənistandan qaçmayıb.

"Ölkə.Az"ın "Ria Novosti"yə istinadən verdiyi xəbərə görə, bu barədə  Ermənistan hökumət dairələrindən bildirilib.

"Bu məlumat tamamilə yalnışdır. Bu, axmaqlıqdır", - deyə mənbə qeyd edib.

Onu da bildirək ki, ölkədə bazar ertəsi günü həbs olunan bütün nümayişçilər azadlığa buraxılıb.

Ölkədə nümayişlərin kütləvi xarakter alması nəticəsində S.Sarkisyan apreli 23-də istefa verib. Bəzi erməni KİV-ləri onun Ermənistandan qaçdığı barədə məlumat yayıb.

Ölkə.Az

ŞƏRH YAZ
0

Ulu öndər Heydər Əliyevə həsr olunmuş beynəlxalq konfransın növbəti bölmə iclası Çində keçirilib

Ulu öndər Heydər Əliyevə həsr olunmuş beynəlxalq konfransın növbəti bölmə iclası Çində keçirilib
00:36
Bu gün
486
Dünya
A
Azərbaycan Dillər Universiteti (ADU) Yeni Azərbaycan Partiyasının və Bakı Beynəlxalq Multikulturalizm Mərkəzinin dəstəyi ilə, ümummilli lider Heydər Əliyevin anadan olmasının 95-ci ildönümünə həsr edilən “Heydər Əliyev: multikulturalizm və tolerantlıq ideologiyası” mövzusunda birinci beynəlxalq elmi konfrans keçirir.

"Ölkə.Az" "Azərtac"a istinadən xəbər verir ki, konfransın bölmə iclasları Azərbaycan, Türkiyə, Almaniya, İtaliya, Serbiya, Rusiya, Çin, Ukrayna, Belarus və Gürcüstanın universitetlərində təşkil olunub.

Aprelin 22-də Çinin Huzhou Universitetində beynəlxalq konfransın “Bir qurşaq – bir yol: multikulturalizmin öyrənilməsi” mövzusunda bölmə iclası keçirilib.

İclasda ADU-nun nümayəndə heyəti, Huzhou Universitetinin müəllim və tələbələri, Mədəniyyətlərarası Dialoq Araşdırmaları Mərkəzinin əməkdaşları və Çinin Azərbaycandakı səfirliyinin nümayəndələri iştirak ediblər.

Bölmə iclası işinə görkəmli dövlət xadimi Heydər Əliyevin həyat və fəaliyyətini əks etdirən sənədli filmin nümayişi ilə başlayıb.

Tədbirdə Huzhou Universitetinin prezidenti Zhang Licinin və ADU-nun rektoru akademik Kamal Abdullayevin təbrik və təşəkkür məktubu oxunub.

Azərbaycan Milli Elmlər Akademiyası Şərqşünaslıq İnstitutunun elmi işçisi, professor Solmaz Rüstəmova-Tohidi əsası ümummilli lider Heydər Əliyev tərəfindən qoyulmuş multikulturalizm siyasətinin müasir dövrdə Prezident İlham Əliyev tərəfindən uğurla inkişaf etdirildiyini xatırladıb. Professor bildirib ki, multikulturalizm Azərbaycanda dövlət siyasətidir, multikulturalizm xalqımızın həyat tərzinə çevrilib və bu gün xalqımızın xarakterik xüsusiyyətlərindən biri olan tolerantlığın gələcək inkişafı üçün Azərbaycanda hüquqi baza artıq yaradılıb.

ADU-nun nəzdində fəaliyyət göstərən Konfutsi İnstitutunun direktoru, professor Rafiq Abbasov “Azərbaycan xalqının ümummilli lideri Heydər Əliyevin siyasi irsində İpək Yolu” mövzusunda məruzə ilə çıxış edib. Professor bildirib ki, Azərbaycan tolerantlıq və multikulturalizm ölkəsidir, Ulu Öndərin müəyyənləşdirdiyi bu strateji istiqamətdə inkişaf edən Azərbaycan dünyaya örnək ola biləcək multikultural dəyərlər sistemini və modelini formalaşdırıb.

Huzhou Universitetinin Ali Təhsil Tədqiqatları Mərkəzinin direktoru, professor Yan Denke "İpək Yolu üzərində mədəniyyətlərarası dialoq" mövzusunda məruzə ilə çıxış edib. Bildirilib ki, tarixi “İpək Yolu” istiqamətində Azərbaycan iki min ildən artıq müddətdə Şərq və Qərb arasında elmin, mədəniyyətin və ideyaların yayılması istiqamətində körpü rolu oynayır.

Huzhou Universitetinin Beynəlxalq Kollecinin direktoru, professor Zhu Din Avropa və Asiya ölkələrinin gəncləri arasında əməkdaşlığın qurulması, tolerantlığın və qarşılıqlı anlaşmanın təbliği sahəsində səylərin birləşdirilməsinin və təcrübələrin bölüşdürülməsinin vacibliyini vurğulayıb. Bildirilib ki, Azərbaycan çoxmillətli və çoxkonfessiyalı ölkədir. Azərbaycanın bu istiqamətdə apardığı siyasi xətdən danışan professor ölkəmizin Şərq və Qərb arasında yalnız coğrafi körpü deyil, həm də mədəniyyət körpüsü olduğunu diqqətə çatdırıb.

Sonda Huzhou Universitetinə Prezident İlham Əliyevin çoxcəhətli fəaliyyətlərini əks etdirən "Azərbaycan-Çin: diplomatik əlaqələrin qurulmasının 25-ci ildönümü" adlı kitabı təqdim olunub.

Ölkə.Az

ŞƏRH YAZ
0
BAĞLA