Satıcının gözü qarşısında 2 min manatı belə oğurladı — VİDEO

Satıcının gözü qarşısında 2 min manatı belə oğurladı
21:24
17.06.2017
22
Hadisə
A
Bakıda ərzaq mağazalarından birindən oğurluq olub.

Həmin an mağazanın təhlükəsizlik kamerasına da düşüb.

Ölkə.Az xezerxeber.az-a istinadən bildirir ki, bir gənc satıcının başının qarışdığını görüb və piştaxtanın arxasındakı kassadan 2 min manat pulu götürüb. Görüntülərdən aydın olur ki, mağazada özünü müştəri kimi qələmə verən şəxs guya ərzaq mallarına baxır.

Satıcınıun digər müştərilərə başının qarışdığını görən kimi planını icra edir. Ancaq oğurluğunun kameraya düşdüyünü bilmir. Görüntülər paytaxtın Nəsimi rayonu metronun ''28-may'' stansiyası yaxınlığında yerləşən bir ərzaq mağazasındandır. Mağazaya oğurluğa gələn gənc özünü müştəri kimi aparır. Satıcı isə tərəzidə digər müştərilərə ərzaq çəkir.

Bir neçə cəhddən sonra nəhayət ki, satıcının gözündən yayınaraq piştaxtanın arxasındakı kassadan 2 min manat pulu götürüb cibinə qoyur.
Külli miqdarda pulu götürdükdən sonra o, şübhə yaratmasın deyə mağazanı dərhal tərk etmir. Öz növbəsini gözləmiş kimi dayanır, bir müddətdən sonra mağazadan çıxır.

Zərərçəkmişlər hadisədən axşam mağazanı bağlayıb, pulları hesablayarkən xəbər tutublar. Dərhal mağaza sahibi təhlükəsizlik kameralarına baxış keçirib. Pulun oğurlandığını gördükdən sonra ərazi üzrə Nəsimi rayon 22-ci polis bölməsinə məlumat veriblər.

Bölmədən 'verilən mlumata görə, hələlik həmin şəxs saxlanılmayıb. Onun əvvəlcə şəxsiyyətinin müəyyən edilməsi, daha sonra isə saxlanılması istiqamətində əməliyyat-axtarış tədbirləri görülür.

 

ŞƏRH YAZ
0

Cəlilabadda avtomobil piyadanı vurdu

Cəlilabadda avtomobil piyadanı vurdu
10:27
Bu gün
298
Hadisə
A
Cəlilabad rayonunda bir nəfərin ölümü ilə nəticələnən yol qəzası baş verib.

"Ölkə.Az" “Report”-a istinadən xəbər verir ki, hadisə Ələt-Astara magistral yolunda, rayonun Olimpiya İdman Kompleksinin yaxınlığından keçən hissəsində qeydə alınıb.

Qəza nəticəsində Cəlilabadın Göytəpə şəhər sakini, 1986-cı il təvəllüdlü Natiq Fazil oğlu Nəzərov aldığı xəsarətlərdən dünyasını dəyişib. 

Faktla bağlı araşdırma aparılır. 

ŞƏRH YAZ
0

Bakıda güllələnmə — Bacısının ərini və qayınatasını yaraladı

Bakıda güllələnmə
10:00
Bu gün
629
Hadisə
A
Bakıda güllələnmə hadisəsi baş verib.

"Ölkə.Az" Trend-ə istinadən məlumat verir ki, hadisə Bakının Sabunçu rayonunda qeydə alınıb. Suraxanı rayonu, Bülbülə qəsəbə sakini Vüsal Tufan oğlu Tanrıverdiyev Ramanı qəsəbəsində bacısının həyat yoldaşının yaşadığı evə gəlib. V.Tanrıverdiyev həmin evdə yeznəsi Anar Vaqif oğlu Rəsulov və onun atası Vaqif Rəsulova ov tüfəngi ilə atəş açaraq onları öldürməyə cəhd edib.

Hadisə nəticəsində ata və oğul güllə yarası ilə xəstəxanaya yerləşdirilib.

Sabunçu rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində hadisəni törədən şəxs saxlanılıb.

Faktla bağlı Sabunçu rayon prokurorluğunda Cinayət Məcəlləsinin 29, 120.1-ci (qəsdən adam öldürməyə cəhd) maddəsi ilə cinayət işi başlanıb.

ŞƏRH YAZ
0
BAĞLA