\"Savaşçı\" Mübariz İbrahimovdan bəhs etdi
Türkiyənin "Fox" TV telekanalında yayımlanan “Savaşçı” serialında Azərbaycanın Milli Qəhrəmanı Mübariz İbrahimovdan bəhs edilib.
"Ölkə.Az" xəbər verir ki, serialın yanvarın 21-də yayımlanan böümündə əsgərlərdən biri Mübariz İbrahimovu tanımayan yoldaşına onun qəhrəmanlığından danışır:
"Sən necə Mübariz İbrahimovu tanımırsan? O, Azərbaycanın qəhrəmanıdır. Təsəvvür edirsən, bu insan tək başına düşmən tərəfə keçib. Öncə postu ələ keçirib və 24 saat – öz yoldaşlarına şəhid olana qədər vuruşub, 50 nəfəri öldürüb. Əsl əfsanə budur. Mübariz əsl əfsanədir".
