“Savaşçı” serialında Turan ordusu qurulur
Daha əvvəl də xəbər verdiyimiz kimi Türkiyədə yayımlanan “Savaşçı” serialına azərbaycanlı aktyor və rejissor Kənan MM və aktyor Elvin Əhmədov dəvət edilib.
“Ölkə.Az” xəbər verir ki, serialın növbəti seriyaları barədə Kənan MM yeni məlumat paylaşıb.
Kənanın verdiyi xəbərə əsasən, serialın süjet xəttinə uyğun olaraq, Turan ordusu qurulur. Turan ordusuna isə türkdilli ölkələrin xüsusi təyinatlıları dəvət edilir.
Eyni zamanda məlum olub ki, bundan sonra Kənan hələ bir neçə seriya da çəkilişlərdə olacaq. “Savaşçı” serialında çəkilişlərinə görə aktyorun başqa layihədə iştirakı gecikməkdədir.
Hikmət Həsənov
Ölkə.Az
