KORONAVİRUSA YOLUXANLARIN SAYI - CANLI STATİSTİKA

Saxlanıldığı deyilən Neftçala RİH-nin başçısı KİMDİR?

Saxlanıldığı deyilən Neftçala RİH-nin başçısı KİMDİR?
15:18
20.02.2020
3948
Ölkə
A
Bu gün verilən rəsmi açıqlamaya görə, Dövlət Təhlükəsizliyi Xidmətinin xüsusi təyinatlıları Neftçala İcra hakimiyyətinin binasına daxil olub. Açıqlamada saxlanılanlar haqqında məlumat olmasa da, yerli mediada Neftçalanın icra başçısı İsmayıl Vəliyev rüşvət alarkən DTX tərəfindən tutulması ilə bağlı məlumatlar yayılıb.

Qeyd edək ki, Neftçala RİH-nin başçısı Vəliyev İsmayıl Məhərrəm oğlu 31 oktyabr 1959-cu ildə Gəncə şəhərində anadan olub. 1981-ci ildə Bakı Dövlət Universitetini bitirib, əmək fəaliyyətinə 1981-ci ildə Əli Bayramlı (indiki Şirvan şəhəri-E.H) şəhər Xalq Deputatları Sovetinin İcraiyyə Komitəsində ümumi şöbənin müdiri kimi başlayıb. 29 may 1996-cı il tarixdən 21 may 1998-ci il tarixədək Sumqayıt Gömrükxanasının rəisi ,21 may 1998-ci il tarixdən 21 yanvar 1999-cu il tarixədək Gömrük Komitəsi sədrinin müşaviri, 21 yanvar 1999-cu il tarixdən 03 yanvar 2001-ci il tarixədək Dövlət Analitik Şöbənin rəisi, 03 yanvar 2001-ci il tarixdən 31 may 2005-ci il tarixədək Gömrük Nəzarətinin Təşkili İdarəsinin rəis müavini vəzifələrində işləyib. 2005-ci ildən Qobustan RİH-in başçısı olub. 26 aprel 2011-ci il tarixdən etibarən isə Neftçala rayonuna rəhbər təyin edilib.

Ölkə.Az

 

ŞƏRH YAZ
0

Nazirlər Kabineti: Azərbaycanda 3 aylıq ərzaq ehtiyatı var

Nazirlər Kabineti: Azərbaycanda 3 aylıq ərzaq ehtiyatı var
18:22
Bu gün
463
Ölkə
A

"Bu gün 3 aylıq ərzaq tədarükümüz var. Hətta özümüzü 6 aya kimi sığortalamışıq".

"Ölkə.Az" xəbər verir ki, bunu Nazirlər Kabinetinin mətbuat xidmətinin rəhbəri İbrahim Məmmədov brifinqdə çıxışı zamanı deyib.

Onun sözlərinə görə, kənd təsərrüfatı sahəsində çalışanlara sərbəst hərəkət azadlığı da verilib: "Bu da ölkəni ərzaqla təmin edəcək. Müəyyən dalğalanma ola bilər və bu da indiki vəziyyətlə əlaqəli ola bilər".

ŞƏRH YAZ
0

Boşandığı arvadının ərə gedəcəyini eşidən kişi keçmiş qayınatasını öldürdü — MƏHKƏMƏ

Boşandığı arvadının ərə gedəcəyini eşidən kişi keçmiş qayınatasını öldürdü
18:22
Bu gün
218
Ölkə
A
Bakı Ağır Cinayətlər Məhkəməsində keçmiş qayınatasını qətlə yetirməkdə təqsirləndirilən Səfər Qurbanovun cinayət işi üzrə məhkəmə prosesi davam edir.

"Ölkə.Az" xəbər verir ki, hakim İlham Mahmudovun sədrliyi ilə keçiriləcək növbəti baxış iclası aprelin 14-nə təyin olunub. 

Qeyd edək ki, hadisə ötən il oktyabr ayında Xaçmazın Qımıl kəndində qeydə alınıb. Kənd sakini, 1961-ci il təvəllüdlü Qədirov Əlihüseyn Cəlil oğlu keçmiş kürəkəni, 1990-cı il təvəllüdlü Qurbanov Səfər İlham oğlu tərəfindən bıçaqlanıb. S.Qurbanov keçmiş qayınatasına 8 bıçaq zərbəsi vurub. Yaralı xəstəxanaya aparılarkən yolda dünyasını dəyişib.

İlkin məlumata görə, S.Qurbanov 2017-ci ildə Ə.Qədirovun qızından rəsmi qaydada ayrılaraq ikinci dəfə ailə həyatı qurub. Hadisədən bir neçə gün əvvəl keçmiş arvadı G.Qədirovanın başqası ilə ailə qurmaq istəməsi barədə eşidib və keçmiş qayınatasının evinə gedərək yayılan xəbərə etirazını bildirib. Yaranmış mübahisə zamanı özü ilə gətirdiyi bıçaqla keçmiş qayınatasına bıçaqla 8 dəfə xəsarət yetirib. 

S.Qurbanova Cinayət Məcəlləsinin 120.1-ci (qəsdən adamöldürmə) maddəsi ilə ittiham verilib.

Natiq Allahverdiyev

Ölkə.Az

ŞƏRH YAZ
0
BAĞLA