Saxta profili olanlara bəd xəbər — Cərimələr artırılır

Saxta profili olanlara bəd xəbər
20:00
20.04.2017
111
Maraqlı
A
Azərbaycanda internet informasiya ehtiyatında saxta istifadəçi adlar, profil və ya hesablardan istifadə edərək böhtan atma və ya təhqir etməyə görə cərimələrin məbləği artırılır.

"Ölkə.Az" Trend-ə istinadən xəbər verir ki, Cinayət Məcəlləsinə bununla bağlı dəyişikliklər təklif edilir.

Təklif edilən yeni layihəyə görə, internet informasiya ehtiyatında saxta istifadəçi adlar, profil və ya hesablardan istifadə edərək kütləvi nümayiş etdirməklə böhtan atma və ya təhqir etməyə görə 1000 manatdan 2000 manatadək (hazırda 1000 manatdan 1500 manatadək) miqdarda cərimə və ya üç yüz altmış saatdan dörd yüz səksən saatadək müddətə ictimai işlər və ya iki ilədək müddətə islah işləri və ya bir ilədək müddətə azadlıqdan məhrum etmə ilə cəzalandırılmaq nəzərdə tutulur.

Digər dəyişikliyə görə, təhqir, yəni kütləvi çıxışlarda, kütləvi nümayiş etdirilən əsərdə, kütləvi informasiya vasitəsində və ya kütləvi nümayiş etdirildiyi halda internet informasiya ehtiyatında şəxsiyyətin şərəf və ləyaqətini nalayiq formada qəsdən alçaltmaya görə 1000 manatdan 1500 manatdək (hazırda üç yüz manatdan min manatadək) miqdarda cərimə və ya iki yüz qırx saatdan dörd yüz səksən saatadək müddətə ictimai işlər və ya bir ilədək müddətə islah işləri və ya altı ayadək müddətə azadlıqdan məhrum etmə ilə cəzalandırılma təklif edilir.

Ölkə.Az

ŞƏRH YAZ
0

Eynşteynin nisbilik nəzəriyyəsi başqa qalaktikada sübut edildi

Eynşteynin nisbilik nəzəriyyəsi başqa qalaktikada sübut edildi
09:42
Bu gün
1155
Maraqlı
A
Məşhur alim Albert Eynşteynin nisbilik nəzəriyyəsi Günəş sistemindən kənarda, başqa bir qalaktikada müəyyən edilib.

“Ölkə.Az” xəbər verir ki, araşdırmanın nəticələsi “Science” jurnalında yayımlanıb. Araşdırma çərçivəsində “Hubble” və “Avropa Cənub Abservatoriyası” teleskopundan əldə edilən məlumatlar incələnib.

Alim Tomas Kolletin liderliyindəki mütəxəssislər cazibə qüvvəsinin yaxın bir qalaktikada Eynşteynin nisbilik teoriyasında olduğu kimi hərəkət etdiyini müşahidə edib.

“ESO325-G004” qalaktikası Yerdən 500 milyon işıq ili uzaqdadır. Belə bir məsafə isə cazibə qüvvəsini müşahidə etməyə imkan verib. Tomas Kollet deyib:
“Ümumi nisbilik böyük obyektlərin surətinin kosmik zamanda xarab olduğunu ehtiva edir. Bu, bir başqa qalaktikanın yanından keçəndə işığın istiqamət dəyişdirməsi mənasına gəlir. İki qalaktika bizim görüntü xəttimizə düzülsə, güclü cazbiə qırılması adlandırılan hadisə üzə çıxır. Belə bir vəziyyətdə qalaktikanın keçmişinə aid müxtəlif məlumatlar əldə edilir”.

Alim yeni qalaktikanın ulduzlarını orbitində saxlamaq üçün hansı kütləyə sahib olduğunu anlamaq məqsədi ilə ulduzların hərəkət sürətini ölçüb. 

Hikmət Həsənov
Ölkə.Az

ŞƏRH YAZ
0

İncənin səs verdiyi seçki məntəqəsində maraqlı məqam — Ən çox səs Ərdoğana verilib

İncənin səs verdiyi seçki məntəqəsində maraqlı məqam
20:31
24.06.2018
4881
Maraqlı
A
Türkiyədə keçirilən növbədənkənar prezident seçkilərində maraqlı məqam qeydə alınıb.

“Ölkə.Az” Türkiyə mətbuatına istinadən xəbər verir ki, seçkilərdə Türkiyənin hazırki prezidenti Rəcəb Tayyib Ərdoğanın əsas rəqibi olan Məhərrəm İncənin səs verdiyi seçki məntəqəsində səslər artıq hesablanıb. Sandıqdan ən çox səs Ərdoğana çıxıb. Belə ki, səslərin 167-si Ərdoğana, 144-ü İncəyə, 23-ü Meral Akşenerə, 4-ü Dəmirdaşa, cəmi 1-i isə Doğu Perinçek-ə verilib.

Qeyd edək ki, bu saata kimi hesablanan səslərə görə, səsverməyə R. T. Ərdoğan liderlik edir. 

Ölkə.Az

 

ŞƏRH YAZ
0
BAĞLA