Saxta viza ilə Azərbaycana gələn 3 əcnəbi tutulub

Saxta viza ilə Azərbaycana gələn 3 əcnəbi tutulub
09:45
17.05.2018
1088
Ölkə
A
Azərbaycana saxta viza ilə gəlmək istəyən 3 əcnəbi saxlanılıb

DSX-dən "Ölkə.Az"a verilən məlumata görə, “Şarja-Bakı” reysinin rəsmiləşdirilməsi zamanı 3 Nepal vətəndaşı tərəfindən sərhəd nəzarətinə təqdim etdikləri elektron viza­larının başqa dövlətlərin vətəndaşlarına aid olmaları müəyyən olun­ub.

Sərhəd nəzarəti zamanı təqdim olunmuş sənədlərə laboratoriya şəraitində dərinləşdirilmiş baxış keçirilərkən Nepal vətəndaşı 1952-ci il tə­vəllüdlü Ali Bakhsi Ghodrollahın təqdim etdiyi elektron vizanın İİR vətəndaşı Şahi Ram Bahadurun adına, Nepal vətəndaşı 1993-cü il tə­vəl­lüdlü Khand Satrughmanın təqdim etdiyi elektron vizanın Çexiya vətəndaşı Mozek Ondrejin adına, Nepal vətəndaşı 1991-ci il təvəllüdlü Thapa Sunanın təqdim etdiyi elektron vizanın Böyük Britaniya vətən­daşı Shah Qasım Alinin adına verilməsi aşkar olunub.

ŞƏRH YAZ
0

Naxçıvanda qadın hərbçilər təlimə toplandı — FOTO

Naxçıvanda qadın hərbçilər təlimə toplandı
15:42
Bu gün
47
Ölkə
A
Naxçıvan qarnizonunda qadın hərbi qulluqçuların bilik, bacarıq və peşəkarlıqlarının artırılması məqsədi ilə növbəti təlim-məşq toplantısı keçirilib.

Əlahiddə Ümumqoşun Ordunun mətbuat xidmətindən "Ölkə.Az"a verilən məlumata görə, toplantı çərçivəsində qadın hərbi qulluqçular sinif şəraitində hərbi-nəzəri dərslərdə, poliqonlarda isə praktiki məşğələlərdə, təlim-atış çalışmalarında iştirak ediblər.

ŞƏRH YAZ
0

Dənizin sahilini çirkləndirən istirahət mərkəzləri cərimələndi — SİYAHI

Dənizin sahilini çirkləndirən istirahət mərkəzləri cərimələndi
14:50
Bu gün
523
Ölkə
A
Ekologiya və Təbii Sərvətlər Nazirliyinin Ətraf Mühitin Mühafizəsi Departamentinin və Daxili İşlər Nazirliyinin Baş İctimai Təhlükəsizlik İdarəsinin əməkdaşları tərəfindən Xəzər dənizinin sahil zolağında və çimərliklərdə məişət tullantılarının atılması, qalaqlanması, çirkab suların dənizə axıdılması hallarının qarşısının alınması məqsədilə birgə reyd keçirilib.

Bu barədə "Ölkə.Az"a nazirliyin mətbuat xidmətindən məlumat verilib.

Reyd zamanı Xaçmaz rayonu Müqtədir-Nabran zonasında fəaliyyət göstərən istirahət mərkəzlərində, ictimai-iaşə obyektlərində formalaşan məişət tullantılarının və çirkab suların qanunvericiliyə uyğun qaydada idarə olunmadığı müəyyən edilib.

“Bulaq”, “Üç qardaş”, “Green ville”, “Panorama”, “Əlincə”, “Raduqa”, “Çıraq qala” və “Venesiya” istirahət mərkəzlərində əmələ gələn məişət tullantılarının ərazidə qalaqlanması, “Təbib”, “Sunset”, “Elay”, “Jalə” istirahət mərkəzlərində və “Panorama” restoranında formalaşan məişət-çirkab suların təmizlənmədən birbaşa Xəzər dənizinə axıdılması faktları aşkar olunub.

Faktlarla bağlı qanun pozucuları barəsində protokol tərtib olunub və onlar İnzibati Xətalar Məcəlləsinə əsasən ümumilikdə 9400 manat məbləğində cərimə ediliblər. Nöqsanların aradan qaldırılması məqsədilə obyekt sahiblərinə icrası məcburi olan müddətli “məcburi göstəriş”lər verilib.

Reydlər davam etdirilir.

ŞƏRH YAZ
0
BAĞLA