Sayğacların sayı abonentlərin sayından 50 min ədəd çoxdur — SƏBƏB?

Sayğacların sayı abonentlərin sayından 50 min ədəd çoxdur
09:00
26.09.2017
428
Ölkə
A
"Azərsu" Açıq Səhmdar Cəmiyyəti ölkədə 1 milyon 406 min abonentə xidmət göstərir.

"Ökə.Az" xəbər verir ki, bu barədə Trend-ə açıqlamasında "Azərsu" ASC-nin mətbuat xidmətinin rəhbəri Anar Cəbrayıllı deyib.

Qurum rəsmisi bildirib ki, həmin abonentlərdən 1 milyon 50 mini, yəni 75 faizi sayğacla təmin edilib. Ümumilikdə isə 1 milyon 100 min sayğac quraşdırılıb: "Elə mənzillər var ki, onlar iki sayğac tələb edirlər. Buna görə də, quraşdırılan sayğacların sayı abonentlərin sayından 50 min çoxdur. Quraşdırılan sayğaclardan 470 mini smart kart tipli sayğaclardır".

A.Cəbrayıllı bildirib ki, ölkədə əhali üzrə abonentlərin 74,6 faizi, qeyri-əhali üzrə 85 faiz, kommersiya obyektlərinin isə 100 faizi sayğaclaşdırılıb. Büdcə təşkilatları abonentlərinin isə 6,5 faizində sayğaclaşma olub.

ŞƏRH YAZ
0

Polis “ağdamlı Faiq”i tapdı

Polis “ağdamlı Faiq”i tapdı
23:14
22.07.2018
977
Ölkə
A
Sosial şəbəkələrdə avtoxuliqanlıq edərək canlı yayıma çıxan “ağdamlı Faiq” tapılıb.

“Ölkə.Az”ın xəbərinə görə, hadisə ilə bağlı Ağdam rayon Yol Polisi Şöbəsindən Avtosfer.az-a bildiriblər ki, sözügedən şəxslə bağlı məlumat efirə gedəndən 10 dəqiqə sonra həmin şəxs aşkarlanıb. Onun barəsində toplanmış materiallar Ağdam rayon məhkəməsinə göndərilib. 

Sabah (həftənin bazar ertəsi) sürücü barədə məhkəmə qərar qəbul edəcək.

Qeyd edək ki, sürücü və atası Ağdamda kondisioner ustasıdır. O, bu hərəkətlərini çılğınlıq adlandırıb və “cavanlıq” etdiyini deyib.

Ölkə.Az

ŞƏRH YAZ
0

Bu gün 8 nəfər ölümün əlindən alındı

Bu gün 8 nəfər ölümün əlindən alındı
22:55
22.07.2018
782
Ölkə
A
Dənizdə batma təhlükəsi ilə üzləşən 8 nəfər xilas edilib.

"Ölkə.Az" FHN-in saytına istinadən xəbər verir ki, bu gün Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti tərəfindən Hövsan, Bilgəh, Mingəçevir, Mərdəkan sularda xilasetmə məntəqələrinin ərazisində və qeyri-çimərlik (nəzarətsiz) ərazidə çimərkən batma təhlükəsi ilə üzləşmiş 8 nəfər xilas olunub​.

Ölkə.Az

ŞƏRH YAZ
0
BAĞLA