\"Səbail\"dən ayrılan hücumçu \"Neftçi\"yə qayıdıb
"Səbail" klubu futbolçusu Mirabdulla Abbasovla yollarını ayırıb.
"Ölkə.Az"ın klubun rəsmi saytına istinadən verdiyi məlumata görə, 24 yaşlı hücumçunun “Səbail”lə icarə müqaviləsinə xitam verilib.
25 yaşlı hücumçu müqavilə ilə məxsus olduğu "Neftçi"yə qayıdıb. Onun icarə müddəti bu ilin yayında sona çatmalı idi.
Abbasov “Neftçi”də 22 nömrəli formanı geyinəcək.
Qeyd edək ki, Mirabdulla Abbasov Azərbaycan millisinin də üzvüdür. O, 2018-ci ildə ölkənin ən yaxşı futbolçusu seçilib.
