Səbuhi Xanlarovdan yaşlı insana qarşı aşağılayıcı hərəkətlər — Cəzası nədir? + VİDEO

Səbuhi Xanlarovdan yaşlı insana qarşı aşağılayıcı hərəkətlər
17:15
21.03.2019
10575
Ölkə
A
"Bir vətəndaşın digərinə qarşı aşağılayıcı hərəkəti, onu təhqir etməsi yolverilməz haldır və belə hallara qarşı Azərbaycan qanunvericiliyində müvafiq cəzalar nəzərdə tutulur".

Bunu “Ölkə.Az”a açıqlamasında ictimai-siyasi xadim, Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının üzvü, Vətəndaşların Əmək Hüquqlarını Müdafiə Liqası İcraiyyə Komitəsinin sədri Sahib Məmmədov sosial şəbəkələrdə Səbuhi Xanlarov adlı birisi tərəfindən yaşlı insana qarşı aşağılayıcı hərəkətlər edərək, onun videosunu çəkib sosial şəbəkələrdə yerləşdirilməsi ilə bağlı məsələyə mövqeyini açıqlayarkən deyib.

Onun sözlərinə görə, insanın şərəf və layəqətini alaçaltmaqla bağlı Mülki Məcəllədə 23-cü maddə var. “Bundan əlavə olaraq Cinayət Məcəlləsində də 147-ci maddə var ki, təhqir yolu ilə insanın şərəf və ləyaqətinin açladılmasına görə cinayət məsuliyyəti nəzərdə tutulur. Lakin bu maddə üzrə cinayət işi xüsusi ittiham qaydasında ola bilər. Yəni ləyaqəti alçaldılan şəxsin və ya onun qanuni nümayəndəsinin şikayəti əsasında belə hallara yol verən şəxs cinayət məsuliyyətinə cəlb oluna bilər. Orda açıq-aşkar təhqir elementləri və şəxsin şərəf və ləyaqətini alçaldan davranış varsa onda şikayət verilə bilər”- deyə, S.Məmmədov bildirib.

Ölkə.Az

ŞƏRH YAZ
0

Ermənistanla sərhəddə olan Azərbaycan kəndində qoruyucu hasar tikilir — FOTO

Ermənistanla sərhəddə olan Azərbaycan kəndində qoruyucu hasar tikilir
18:48
21.04.2019
16333
Ölkə
A
Qazax rayonunun Ermənistanla sərhəd zonasında yerləşən kəndində 500 metr uzunluğunda qoruyucu hasar inşa olunur.

"Ölkə.Az" oxu.az-a istinadən bildirir ki, söhbət Məzəm kəndindən gedir.

Artıq bir neçə istiqamətdə hazırlıq işlərinə başlanılıb. Əvvəlcə beton işləri, sonra isə hasarın keyfiyyətli olması üçün təməl hissəsində çay daşlarından hörgü işləri görüləcək. Məzəm və Quşçuayrım kəndlərinin sakinləri rayon mərkəzinə gəldikdə, dəfələrlə düşmən silahının hədəfinə tuş gəlib. Məzəm gölünün əks tərəfi düşmən tərəfindən 1992-ci ildə işğal olunduğundan təmas xəttində olan kəndlərimiz Xeyrimlidə yerləşən erməni postları tərəfindən hədəfdə saxlanılır.

Bu ərazidə heyvan otaran kənd sakinləri də nişangahda olduqlarını yaxşı bilirlər. Nəzərə alsaq ki, Məzəm sakinlərinin əkib becərdikləri torpaq sahələri qarşı tərəfdən asan görünür, vəziyyətin ciddiliyini anlamaq çətin deyil.

Kənd sakini Bəkir Yusibov ailəsi ilə birgə əkin sahəsinə gedərkən idarə etdiyi avtomobil hasarın tikildiyi ərazidə düşmən tərəfindən atəşə tutulub. 58 yaşlı B. Yusibov bildirib ki, 35 il əvvəl ailə həyatı qurub, yeni evə köcüb. Sonra müharibə zamanı erməni ordu birləşmələrinin yaşayış məntəqələrimizi aramsız atəşə tutması nəticəsində B. Yusibovun evinə 6 mərmi düşüb.

Kənd sakini bildirib ki, iki ildir onun evinin qarşısında tikilmiş qoruyucu hasar ailəsini düşmən gülləsindən sığortalayır.

Son 3 ildə Məzəm kəndində bir çox evin qarşısında rayon rəhbərliyi tərəfindən 3 metr hündürlüyündə hasar tikilib.

Qeyd edək ki, qoruyucu hasarlarla yanaşı Qazax rayon icra hakimiyyəti tərəfindən Quşçuayrım kəndində düşmənin açdığı atəş nəticəsində evlərinin damları sıradan çıxmış vətəndaşlara dam örtüyü də verilib.

Oxu.az

ŞƏRH YAZ
0

Həftənin ilk iş gününün havası

Həftənin ilk iş gününün havası
15:08
21.04.2019
8318
Ölkə
A
Aprelin 22-də respublika ərazisində gözlənilən hava proqnozu açıqlanıb.

"Ölkə.Az" "Report"-a istinadən xəbər verir ki, Ekologiya və Təbii Sərvətlər Nazirliyinin Milli Hidrometeorologiya Departamentinə istinadən xəbər verir ki, Bakıda və Abşeron yarımadasında dəyişkən buludlu olacağı, arabir tutulacağı, gün ərzində bəzi yerlərdə yağış yağacağı gözlənilir.

Gün ərzində arabir güclənən şimal-qərb küləyi əsəcək. Havanın temperaturu gecə 4-6° isti, gündüz 7-11° isti, Bakıda gecə 4-6° isti, gündüz 8-10° isti təşkil edəcək.

Atmosfer təzyiqi normadan yüksək 763 mm civə sütunundan 767 mm civə sütununa yüksələcək. Nisbi rütubət 75-85 % olacaq.

Azərbaycanın rayonlarında şimşək çaxacağı, fasilələrlə yağış, dağlıq və dağətəyi rayonlarda qar yağacağı gözlənilir. Bəzi yerlərdə leysan xarakterli intensiv olacağı, dolu düşəcəyi ehtimalı var. Ayrı-ayrı yerlərdə duman olacaq, həmçinin arabir güclənən qərb küləyi əsəcək. Havanın temperaturu gecə 2-7° isti, gündüz 8-13° isti, dağlarda gecə 0-5° şaxta, gündüz 0-5° isti təşkil edəcək.

Ölkə.Az

ŞƏRH YAZ
0
BAĞLA