“Seçkidə iştirak edəcəm” — Putindən çoxdan gözlənilən açıqlama + VİDEO

“Seçkidə iştirak edəcəm”
21:45
06.12.2017
6092
Dünya
A
Rusiya Prezidenti Vladimir Putin 2018-ci ilin martında keçiriləcək prezident seçkilərində iştirak edəcək.

“Ölkə.Az” xəbər verir ki, bu barədə V.Putin Nijni Novqorod şəhərində avtomobil zavodunun işçiləri ilə görüşü zamanı bildirib. Onun sözlərinə görə, gələn il keçirilən prezident seçkilərində iştirak edəcək.

“Rusiya xalqına göstərdiyi etimad və dəstəyə görə minnətdaram. Hər kəsə sağol deyirəm. Düşünürəm ki, öz qərarımı açıqlamaq üçün ən yaxşı yer ola bilməz. Mən 2018-ci ildə keçiriləcək prezident seçkilərinə öz namizədliyimi verəcəyəm. Əminəm ki, bizim Rusiyanın inkişafı üçün göstərdiyimiz səylər boşa getməyəcək. Əminəm ki, hər şey qaydasında gedəcək”, - deyə Putin bildirib.

Rusiyada növbəti prezident seçkiləri 2018-ci ilin martında keçiriləcək. Seçki kampaniyası dekabr ayında başlamalıdır.
 
Ziya Səccad
Ölkə.Az

РИА Новости https://ria.ru/politics/20171206/1510351878.html

ŞƏRH YAZ
1

Türk polisi Səudiyyə Ərəbistanı konsulluğunda axtarış aparacaq

Türk polisi Səudiyyə Ərəbistanı konsulluğunda axtarış aparacaq
19:31
15.10.2018
1086
Dünya
A
Türkiyə hökuməti İstanbul şəhərindəki Səudiyyə Ərəbistanı konsulluğunda axtarış aparacaq.

“Ölkə.Az” xəbər verir ki, axtarışa səbəb müxalif jurnalist Camal Kaşıkçının itkin düşməsidir. Türkiyənin NTV kanalının xəbərinə əsasən, axtarış üçün Ər-Riyaddan icazə alınıb.

Səudiyyə Ərəbistanı kralı Salman jurnalistin itkin düşməsi ilə bağlı daxili istintaqın aparılması barədə əmr verib:

“Kral prokurora Kaşıkçının itkin düşməsi barədə əldə edilən məlumat əsasında istintaq aparmaq barədə göstəriş verib. Bu məlumatlar İstanbuldakı müştərək qrupdan alınıb”.

Qeyd edək ki, jurnalist 2017-ci ildə Səudiyyəni tərk edib və ABŞ-da yaşamağa başlayıb. O, ABŞ mətbuatında Ər-Riyadı tənqid edən məqalələrlə çıxış edib. Oktyabr ayının əvvəlində Səudiyyə Ərəbistanının İstanbuldakı konsulluğuna yollanıb və yoxa çıxıb.

Hikmət Həsənov
Ölkə.Az

ŞƏRH YAZ
0

Zöhram Mnatsakanyan: ““Dağlıq Qarabağ münaqişəsi üzrə danışıqlar dinamikasını saxlayıb”

Zöhram Mnatsakanyan: ““Dağlıq Qarabağ münaqişəsi üzrə danışıqlar dinamikasını saxlayıb”
18:47
15.10.2018
865
Dünya
A
Ermənistanın XİN başçısı Zöhrab Mnatsakanyan Lüksemburqda "Şərq tərəfdaşlığı" proqramına üzv ölkələrin XİN başçılarının görüşündən əvvəl jurnalistlərə müsahibə verib.

“Ölkə.Az” xəbər verir ki, erməni diplomat bildirib ki, Ermənistanda yeni hökumət hakimiyyətə gəldikdən sonraDağlıq Qarabağ münaqişəsi üzrə danışıqlar dinamikasını saxlayıb.

Mən bu il Azərbaycan xarici işlər naziri Elmar Məmmədyarovla iki dəfə - iyul və sentyabr aylarında görüşmüşəm”, - deyə Mnatsakanyan bildirib.
Erməni nazir qeyd edib ki, dinamika olduğu kimi qalacaq. Eyni zamanda tezliklə ATƏT-in Minsk qrupunun həmsədrlərinin regiona səfəri gözlənilir.

Hikmət Həsənov
Ölkə.Az

ŞƏRH YAZ
0
BAĞLA