“Seçkilərdəki rəqiblərimin əməlidir” — Atasına heykəl qoyan deputatdan ŞOK AÇIQLAMA

“Seçkilərdəki rəqiblərimin əməlidir”
10:10
21.08.2017
48
Ölkə
A
“Mənə şər-böhtan atdığına görə Şamaxı rayon sakini Ağamikayıl Cəbrayılovu məhkəməyə verməyi düşünürəm”.

Bunu “Ölkə.Az”-a açıqlamasında Milli Məclisin 64 saylı Sabirabad ikinci seçki dairəsindən seçilmiş deputatı Rüstəm Xəlilov atasına heykəl qoyulması ilə bağlı yayılan xəbərlərə münasibət bildirərkən deyib. 

Deputat bildirib ki, Ağamikayıl Cəbrayılov onun nüfuzuna xələl gətirməyə çalışır:

“Mən o adamı ömrümdə bir dəfə də olsun görməmişəm və tanımıram. Bilirəm ki, qardaşı bizim kənddə yaşayır. Bu adamın birdən-birə mənə şər atmasının da səbəblərini bilmirəm. Ehtimal var ki, parlament seçkiləri öncəsi kimlərsə mənim təmsil olunduğum dairədən deputatlığa namizəd olmaq istəyir. Bunun üçün də Ağamikayıl Cəbrayılov vasitəsilə məni nüfuzdan salmağa çalışır. Ola bilsin ki, bu seçkilərdə rəqibim olmuş şəxslərin əməlidir. Yaxud da son vaxtlar Azərbaycanda ayrı-ayrı deputatlara və məmurlara qarşı aparılan qarayaxma kampaniyasının tərkib hissəsi də ola bilər. İstənilən halda mən məsələnin qanuni yolla aydınlaşmasına tərəfdaram. Ola bilsin ki, mənə qarşı atılan şər-böhtanlara görə məhkəməyə müraciət edim”.

Xatırladaq ki, Şamaxı rayon sakini Cəbrayılov Ağamikayıl Oruc oğlu deputat Rüstəm Xəlilov barədə ciddi ittihamlar irəli sürüb.

O qeyd edib ki, deputat və qardaşı onun yaxın qohumlarına qarşı qərəzli olmaqla yanaşı, onları yaşadıqları kənddən sürgün etdirməyə çalışır.

Vasif Həsənli
Ölkə.Az

ŞƏRH YAZ
0

General: Azarkeşlərin təhlükəsizliyi tam təmin ediləcək

General: Azarkeşlərin təhlükəsizliyi tam təmin ediləcək
20:57
Bu gün
577
Ölkə
A
Noyabrın 22-də Bakı Olimpiya Stadionunda keçiriləcək “Qarabağ” – “Çelsi” oyununda azarkeşlərin təhlükəsizliyi tam təmin olunacaq.

Ölkə.Az-ın xəbərinə görə, bu barədə Trend-ə açıqlamasında Bakı Şəhər Baş Polis İdarəsinin rəis müavini, polis general-mayoru Səhlab Bağırov deyib.

Rəis müavini bildirib ki, bununla bağlı daxili işlər naziri, general-polkovnik Ramil Usubov tədbirlər planı təstiqləyib: 

“Cənab nazirin təsdiq etdiyi tədbirlər planına uyğun olaraq, əraziyə polis qüvvəsi cəlb ediləcək və azarkeşlərin təhlükəsizliyi təmin ediləcək”.

S.Bağırov əlavə edib ki, futbol matçı zamanı ərazi tam mühafizə olunacaq.

Xatırladaq ki, noyabrın 22-si saat 21:00-da Bakı Olimpiya Stadionunda UEFA Çempionlar Liqasının qrup mərhələsi çərçivəsində “Qarabağ” – “Çelsi” oyunu keçiriləcək.

Oyun üçün nəzərdə tutulan 67 500 bilet artıq satılıb.

ŞƏRH YAZ
0

Bakının bu hissəsində qaz olmayacaq

Bakının bu hissəsində qaz olmayacaq
20:13
Bu gün
1017
Ölkə
A
Bakının Xətai rayonunun təbii qaz təchizatında məhdudiyyət olacaq.

"Azəriqaz" İB-nin ictimaiyyətlə əlaqələr şöbəsindən Ölkə.Az-a verilən məlumata görə, Xətai rayonu Nəcəfqulu Rəfiyev küçəsində 2 ədəd qaz tənzimləyicinin quraşdırılması ilə əlaqədar, noyabrın 22-də saat 10:00-dan işlər yekunlaşanadək rayonun Babək prospekti,Y.Səfərov və Əbilov küçələrinin bir hissəsində təbii qazın verilişində fasilələr yaranacaq.

Görülən təmir işləri gün ərzində yekunlaşdırılaraq təbii qazın verilişi təmin ediləcək. Yaranacaq məhdudiyyətlə bağlı "Azəriqaz" İB bütün istehlakçılardan təbii qazdan istifadə zamanı xüsusilə diqqətli olmalarını və texniki təhlükəsizlik qaydalarına riayət edilməsini xahiş edir.

ŞƏRH YAZ
0
BAĞLA