Səddam Hüseynin nəvəsi ilk dəfə İraqdan necə qaçdıqlarından danışdı

 "Ölkə.Az" xəbər verir ki, Harir Hüseyn Kamil “Səddamın nəvəsi” kitabı ilə bağlı müsahibə verib: “Mən İraq vətəndaşıyam və Səddam Hüseynin qızı Rağadın oğluyam”.

Kamil bildirib ki, İordaniyada Kanada Menecment və İqtisadiyyat fakultəsində təhsil alır. O, İraq 2003-cü ildə ABŞ tərəfindən işğal ediləndə ailəsi ilə birlikdə ölkəni necə tərk etdiklərindən danışıb: “ABŞ qüvvələri İraqa girəndə bütün ailə fərdlərimiz, hamı uşaqları ilə birlikdə ölkəni tərk etdi”.

“Ölkəni tərk etdiyimiz gecə soyuq və qaranlıq idi. Səddamın qızları Rağad və Rənanın uşaqları ilə Mosulda olduqları barədə xəbər sızdırıldığı üçün ölkəni tərk etdik. Biz uşaqlar və qadınlar təhlükəsizliyimiz üçün İraq-Suriya sərhədindən piyada keçdib. Bizim üçün böyük risk idi. Suriya tərəfi bizi görsəydi, atəş aça bilərdi. Suriyada bir neçə gün keçirdik. İraq pasportumuz yox idi və nəsə düşünməli idik. Sonra İordaniyaya keçdik. Bu günə qədər İraq pasportumuz olmadığı üçün bizə ərəb pasportu verildi. Əlavə olaraq aylıq maaş və ev verildi. Vəziyyət bu günə qədər də eynilə davam edir. Mənim kimi evlənən və təhsil üçün xaricə gedənlər isə istisnadır”, - deyə Harir Hüseyn bildirib.

Kamil Səddamın ailəsinin, anasının və bacılarının ölümlə təhdid edildiyini bildirib. Səddamın nəvəsi bildirib ki, İngiltərədən də təklif alıblar amma bu təklif digər ölkələr kimi orada heç bir siyasi fəaliyyət göstərməmək şərti qarşılığında edilib.

Hikmət Həsənov
Ölkə.Az