Səddamın yaxtasını otelə çevirdilər
Səddam Hüseynin qızıla tutulmuş “Basrah Breeze” adlı yaxtası otel kimi fəaliyyətə başlayacaq.
“Ölkə.Az” xəbər verir ki, 82 metr uzunluğu olan yaxtanın 17 otağı var. Yaxtanın Bəsrə körfəzində müştərilər üçün turlara çıxacağı gözlənilir. 1981-ci ildə inşa edilən yaxtaya Səddam Hüseyn heç vaxt minməyib.
Yaxtada ipək pərdədən tutmuş, qızılla işlənmiş hamama, xüsusi bərbər kreslosuna qədər bir çox lüks detal var.
Yaxtada Səddamın prezident otağı ilə yanaşı özəl qonaq otağı, yemək otaqları, yataq otaqları, 17 qonaq otağı, personal üçün 18 kabina və özəl klinika var.
Yaxta 2010-cu ildə 30 milyon dollara satışa çıxarılsa da, satılmamışdı.
Hikmət Həsənov
Ölkə.Az
