"Sədr Moskvada ruslara konsert verməyə gedir, goranboylu aşığınsa gücü ancaq it toyunda oxumağa çatır" — QALMAQAL - FOTO

09:55
29.04.2017
53
Mədəniyyət
A
Aşıqlar Birliyinin sədri Məhərrəm Qasımlı bu gün Moskvada çıxış edəcək.

"Ölkə.Az"-ın məlumatına görə, o, aşıq Ramin Qarayevin Rusiyada baş tutacaq "Sazın avazında" adlı solo konsertinin qonaqları sırasındadır.

Bu arada saytımızın elektron ünvanına Əli Miriyev adlı oxucumuzdan bir məktub daxil olub. Məktubu olduğu kimi təqdim edirik:

"Son həftə bütün mətbuat itin toyunda oxuyan aşıqdan yazdı. Düz də elədi. Aşıqlar Birliyi də həmin aşığın yanında olan balabançını üzvlükdən çıxartdı. Yəni gücü palana çatdı. Belə hallar ona görə baş verir ki, Aşıqlar Birliyi aşıqlarla işini düz qura bilmir. Onlarınki hardan olur olsun, ancaq pul qazanmaqdır. Dara düşəndə də aşığı üzvlükdən çıxarar, vəssalam. Baxın, bu gün aprelin 29-da aşıq Ramin Qarayev Moskvada konsert verir. Afişada isə özüylə bərabər birliyin sədri Məhərrəm Qasımlının da şəkli var. Bu nə deməkdir? Birlik sədri indi də gedib konsertmi verir? Belə çıxır ki, birliyin sədri Moskvada ruslara konsert verməyə gedir, goranboylu aşığınsa gücü ancaq it toyunda oxumağa çatır. Birlik sədrinin gürcüstanlı aşığın konsertində çıxış eləmək üçün Moskvaya getməsinin adı nədir? Yəqin sədr aşıqlıqda ilk addımını Moskvadan atmaq istəyir".

Qeyd edək ki, bu yaxınlarda Goranboyda itlərinə toy edən iş adamının təşkil etdiyi məclisdə iştirak edən balaban ifaçısı Aşıqlar Birliyindən xaric edilmişdi.

İntiqam VALEHOĞLU
Ölkə.Az

ŞƏRH YAZ
0

Leyla Əliyeva Xocalı faciəsinə həsr olunmuş tamaşada — FOTO

Leyla Əliyeva Xocalı faciəsinə həsr olunmuş tamaşada
00:02
23.02.2018
342
Mədəniyyət
A
Fevralın 22-də Akademik Milli Dram Teatrında Xocalı faciəsinin 26-cı ildönümü ilə bağlı “Badam ağacı çiçəkləyəndə” tamaşasının premyerası olub.

"Ölkə.Az" xəbər verir ki, tədbirdə Prezident Administrasiyasının gənclər siyasəti və idman məsələləri şöbəsinin müdiri Yusuf Məmmədəliyev, Heydər Əliyev Fondunun vitse-prezidenti, “Xocalıya ədalət!” beynəlxalq kampaniyasının təşəbbüskarı Leyla Əliyeva, xarici ölkələrin Azərbaycandakı səfirliklərinin nümayəndələri, gənclər təşkilatlarının təmsilçiləri iştirak ediblər.

Tamaşadan əvvəl Xocalı soyqırımı, həmçinin Azərbaycanın Ermənistan tərəfindən işğal olunmuş torpaqları barədə məlumat verilib. Bildirilib ki, 1992-ci il fevralın 25-dən 26-na keçən gecə Xocalının dinc əhalisinə qarşı Ermənistan silahlı birləşmələri soyqırımı törədiblər. Bu qanlı qırğında 613 nəfər, o cümlədən 106 qadın, 63 uşaq və 70 ahıl qətlə yetirilib, 1275 nəfər girov götürülüb, 150 nəfərin taleyi isə bu günə qədər məlum deyil. Faciə zamanı Xocalının 487 sakini, o cümlədən yetkinlik yaşına çatmamış 76 uşaq əlil olub, 26 uşaq hər iki valideynini itirib.

Sonra tamaşaya baxış olub.

“Badam ağacı çiçəkləyəndə” tamaşası Azərbaycan Respublikasının Prezidenti yanında Gənclər Fondunun təşkilatçılığı ilə “Xocalıya ədalət!” kampaniyası çərçivəsində hazırlanıb. Tamaşa Xocalıdan didərgin düşmüş sakinlərin xatirələri üzərində qurulub. Qayğısız həyat yaşayan xocalılar bir gecədə vəhşicəsinə qətlə yetirilirlər, erməni silahlıları tərəfindən əsl soyqırımına məruz qalırlar.

Tamaşa Akademik Milli Dram Teatrının səhnəsində Gənc Tamaşaçılar Teatrının yaradıcı heyəti tərəfindən ərsəyə gətirilib. “Badam ağacı çiçəkləyəndə” tamaşasında Gənc Tamaşaçılar Teatrının aktyor heyəti ilə yanaşı, kütləvi səhnələrdə Azərbaycan Dövlət İqtisad Universitetinin tələbələri də yer alıblar.

Tamaşanın “Badam ağacı çiçəkləyəndə” adlandırılması heç də təsadüfi deyil. Çünki badam ağacı çiçəkləməyə başlayan ilk ağacdır. “Xocalıya ədalət!” kampaniyasının loqosunda əks olunmuş badam çiçəyi Azərbaycanın Dağlıq Qarabağ regionunun qədim yaşayış məskənlərindən olan Xocalıda 1992-ci il fevralın 25-dən 26-na keçən gecə ermənilər tərəfindən törədilmiş soyqırımına münasibətdə ədalətin təmin edilməsinə və bu cür qəddar əməllərin təkrar olunmamasına ümidi əks etdirir.

Rejissor Gülnar Hacıyevanın quruluş verdiyi tamaşada əsas obrazları aktyorlar Kərəm Hadızadə, Zemfira Əbdülsəməd, Mirzağa Mirzəyev, Elnur Kərimov, Asya Atakişiyeva, Güşvər Şərifova, Mehriban Hüseynova, Zülfiyyə Alhüseynova, Elşən Şıxəliyev və Manaf Dadaşov canlandırıblar.

Tamaşa başa çatandan sonra Heydər Əliyev Fondunun vitse-prezidenti Leyla Əliyeva aktyorlarla görüşüb qısa söhbət edib.

Sonda xatirə şəkli çəkdirilib.

Ölkə.Az

ŞƏRH YAZ
0

Bəxtiyar Vahabzadənin həyat yoldaşı vəfat etdi

Bəxtiyar Vahabzadənin həyat yoldaşı vəfat etdi
10:21
22.02.2018
647
Mədəniyyət
A
Azərbaycanın mərhum Xalq şairi Bəxtiyar Vahabzadənin ailəsinə ağır itki üz verib.

Mərhum Xalq şairinin həyat yoldaşı Dilarə Vahabzadə ötən gecə vəfat edib. "Ölkə.Az" xəbər verir ki, bu barədə Modern.az-a ailənin yaxınları məlumat veriblər.

Bildilib ki, Dilarə xanımla vidalaşma mərasimi bu gün Təzəpir məscidində keçiriləcək.

Xatırladaq ki, Bəxtiyar Vahabzadənin özü də fevral ayında vəfat edib. Mərhum xalq şairi 2009-cu il fevral ayının 13-də 83 yaşında dünyasını dəyişmişdi.

ŞƏRH YAZ
0
BAĞLA