KORONAVİRUSA YOLUXANLARIN SAYI - CANLI STATİSTİKA

Səfayə Əhmədovaya yeni vəzifə verildi

Səfayə Əhmədovaya yeni vəzifə verildi
18:08
12.09.2019
2457
Siyasət
A
Tanınmış jurnalist, Səhiyyə Nazirliyinin mətbuat xidmətinin keçmiş əməkdaşı Səfayə Əhmədova yeni vəzifəyə təyin edilib.

Aldığımız xəbərə görə S.Əhmədova İçərişəhər Qoruq İdarəsinin mətbuat xidmətində baş məsləhətçi vəzifəsinə təyin edilib.
Səfayə Əhmədova musavat.com-un əməkdaşımı ilə söhbətində məlumatı təsdiqlədi və artıq işinin başında olduğunu dedi: “Etimad göstərib bu vəzifəyə layiq bildiyi üçün İçərişəhər Qoruq İdarəsinin rəhbərinə minnətdarlığımı bildirirəm”. 
 
12 il Səhiyyə Nazirliyinin mətbuat xidmətində çalışdığı dönəmdə mətbuatla səmərəli əməkdaşlıq qurmağı bacaran, peşəkarlığı, davranışları ilə nüfuz qazanan Səfayə Əhmədova 2019-cu il avqustun 16-da həmin işindən öz istəyi ilə ayrılmışdı.
Qeyd edək ki, S.Əhmədova Səhiyyə Nazirlyindən əvvəl "Burc Fm" radiosunda, "Space", "Lider" telekanallarında aparıcı, xəbərlər departametinin rəhbəri vəzifəsində, habelə “Kaspi” qəzetində çalışıb.

Həmkarımıza uğurlar diləyirik!  (musavat.com)

Ölkə.Az

ŞƏRH YAZ
0

“Ermənistan başqa ölkə tərəfindən işğal olunub, forpost ölkədir” — Erməni deputatdan şok etiraf

“Ermənistan başqa ölkə tərəfindən işğal olunub, forpost ölkədir”
16:36
Bu gün
657
Siyasət
A
“Ermənistan başqa ölkə tərəfindən ələ keçirildiyindən, Rusiyanın bizə münasibəti digər ölkələrlə fərqlidir”.

“Ölkə.Az” xəbər verir ki, bu fikri Ermənistan parlamentinin deputatı Azat Arşakyan “1in.am”- açıqlamasında  Belarusla Ermənistanın Rusiya ilə  münasibətlərindəki fərqliliyi şərh edərkən deyib.

Erməni deputat bildirib ki,  Belarusla “Ermənistan arasında çox böyük fərq var. “Rusiya ilə münasibətdə, biz özümüzü heç vaxt Belarusla müqayisə edə bilmərik. Çünki biz çox fərqliyik.  Biz Belarusun Rusiya  ilə  həqiqətən müttəfiq və qardaş xalqlar olduğunu deyə bilərik. Rusiya Ermənistana heç də dost ölkə kimi baxmır, ona görə də Belarusla bizə tamamilə fərqli münasibət sərgiləyir. Bizim ölkə - ələ keçirilmiş (forpost-red), işğal olunmuş ərazidir və ona görə də müəyyən münasibətlər hökm sürür”.

Erməni politoloq Robert Qevondyan isə deyib ki,  Ermənistan Rusiya ilə münasibətlərində öz maraqlarını təmin etməyə çalışsa da,  alınmadı. “Çünki  Ermənistanın  geopolitik vəziyyəti Belarusdan tamamilə fərqlənir. İlk növbədə geocoğrafi yerləşmə şəraiti baxımından fərqlidir.  O baxımdan Belarusun Rusiyaya  təsir etmək imkanları daha çoxdur.  Belarusun ən azından Qarabağ kimi  ciddi problemi yoxdur ki, Rusiya onunla  spekulyasiya etsin”- politoloq deyib.

Erməni politoloq onu da əlavə edib ki, Belarus hakimiyyəti Ermənistanın mövcud hakimiyyəti kimi Rusiyaya “başağrısı” deyil: “Ona görə də Belarus Ermnistandan fərqli olaraq Rusiya ilə daha qəti formada mövqeyini ortaya qoyub, maraqlarını təmin edə bilir”. 

 Mürtəza
Ölkə.Az

ŞƏRH YAZ
0

Prezident Ərdoğana təşəkkür məktubu göndərdi

Prezident Ərdoğana təşəkkür məktubu göndərdi
15:35
Bu gün
516
Siyasət
A
Azərbaycan Respublikasının Prezidenti İlham Əliyev Türkiyə Respublikasının Prezidenti Zati-aliləri Rəcəb Tayyib Ərdoğana məktub göndərib.

"Ölkə.Az" xəbər verir ki, məktubda deyilir:

"Hörmətli cənab Prezident,

Əziz Qardaşım.

Sizin 2020-ci il 5 iyul tarixli məktubunuza görə təşəkkür edirəm.

Mən də öz növbəmdə qardaş Türkiyədə yeni növ koronavirus xəstəliyi səbəbindən həyatını itirənlərin ailələrinə və yaxınlarına dərin hüznlə başsağlığı verir, virusa yoluxanlara Allahdan şəfa diləyirəm.

Bəşəriyyətin üzləşdiyi koronavirus pandemiyası ilə mübarizədə Sizin rəhbərliyinizlə hökumətinizin milli və beynəlxalq səviyyədə fəaliyyəti təqdirəlayiqdir.

Bütün sahələrdə olduğu kimi, COVID-19-a qarşı mübarizədə də Azərbaycan və Türkiyə “Bir millət, iki dövlət” şüarı əsasında həmrəylik nümayiş etdirir. Əminəm ki, birgə səylərimizlə koronavirus bəlasının öhdəsindən gələcəyik.

Bu xüsusda qardaş Türkiyə Respublikası tərəfindən göndərilən humanitar yardıma görə Sizə öz adımdan və Azərbaycan xalqı adından dərin minnətdarlığımı bildirirəm. Bu, ölkələrimiz arasında qardaşlıq və dostluq münasibətlərinin növbəti bariz nümunəsidir.

Sizə möhkəm cansağlığı, işlərinizdə uğurlar, qardaş Türkiyə xalqına daim rifah və əmin-amanlıq arzulayıram".

ŞƏRH YAZ
0
BAĞLA