Şəfiqə Məmmədova gənclər üçün yeni pullu mükafat — TƏSİS ETDİ

Şəfiqə Məmmədova gənclər üçün yeni pullu mükafat
13:50
15.04.2019
1972
Mədəniyyət
A
Azərbaycan Respublikası Kinematoqrafçılar İttifaqının İdarə heyətinin növbəti iclası keçirilib.

İttifaqın mətbuat xidmətinin rəhbəri Əli Vəliyev "Ölkə.Az"a bildirib ki, iclasda prezident İlham Əliyevin imzaladığı “Azərbaycan Kinematoqrafiyasının İnkişaf konsepsiyası” ilə bağlı sərəncamın icrasına uyğun olaraq, müzakirələr aparılıb, təkliflər verilib. Sərəncamın icrasına uyğun, iclasda veteranlara və gənclərə yardım fondu yaradılıb. Bu fond vasitəsiylə vetereanlara və gənclərə mütamadi olaraq maddi yardımlar ediləcək.

Ə.Vəliyevin sözlərinə görə, iclasda İttifaqın İdarə heyəti tərəfindən gənc kinematoqrafçılar üçün “Yeni nəfəs” Milli Mükafat ı(pullu mükafat) təsis edilib. Mükafat hər il 2 avqust “Milli Kino” Günündə yaradıcıllıq axtarışında olan, öz işi ilə fərqlənən, uğurlar qazanan və Azərbaycan Respublikası Kinematoqrafçılar İttifaqının üzvü olan gənc kinematoqrafçılara təqdim ediləcək. 

Daha sonra iclasda gündəlikdə olan digər məsələlər müzakirə olunub, otuzdan çox kino sahəsində çalışan şəxslər İttifaqa üzv qəbul edilib. 

Ölkə.Az

ŞƏRH YAZ
0

Prezident İlham Əliyevdən universitetə — TƏBRİK

Prezident İlham Əliyevdən universitetə
23:35
21.10.2019
822
Mədəniyyət
A
Azərbaycan Prezidenti İlham Əliyev Moskva Dövlət Beynəlxalq Münasibətlər İnstitutunu (Universitetini) (MDBMİ) yubiley münasibətilə təbrik edib.

“Ölkə.Az” xəbər verir ki, Azərbaycanın Rusiyadakı səfiri Polad Bülbüloğlu MDBMİ-nin 75 illiyi münasibətilə təntənəli tədbirdə Azərbaycan Prezidenti İlham Əliyevin təbrik məktubunu oxuyub.

Məktubda deyilir: “Hörmətli Anatoli Vasilyeviç, Rusiya Federasiyası Xarici İşlər Nazirliyinin Moskva Dövlət Beynəlxalq Münasibətlərin İnstitutunun (Universitetinin) 75 illiyi münasibətilə səmimi təbriklərimi və ən xoş arzularımı qəbul edin.

Diplomatik kadrların unikal ocağı olan MDBMİ böyük və şanlı yol keçib. Bu gün MDBMİ haqlı olaraq Rusiya ali təhsilinin flaqmanı, keyfiyyətli təhsilin rəmzi sayılır və həqiqətən də dünya əhəmiyyətli nüfuzlu təhsil ocaqlarından biridir.

Onun divarları arasından dövlət və ictimai xadimlərin, siyasətçi, alim, yüksəkixtisaslı mütəxəssislərin parlaq pleyadası çıxıb. Təhsil illərində əldə edilən dərin biliklər, geniş dünyagörüşü, peşə bacarığı və vərdişləri MDBMİ məzunlarının təkcə öz vətənində deyil, həm də bütün dünyada hörmət və nüfuz sahibi olmalarına imkan verir.

Mənə çox xoşdur ki, MDBMİ mənim üçün də alma-materdir. Mən tələbəlik illərimi həmişə xüsusi minnətdarlıq və səmimiyyətlə xatırlayıram və MDBMİ-nin məzunu adını qürurla daşıyıram.

Əminəm ki, tədris prosesinin yüksək səviyyədə təşkili və pedaqoji heyətin təcrübəsi sayəsində MDBMİ müasir dünyanın tələblərinə cavab verən kadrların hazırlanması üçün öz sarsılmaz ənənələrinə bundan sonra da sadiq qalacaq.

Hörmətli Anatoli Vasilyeviç, Sizə, MDBMİ-nin bütün müəllim və tələbələrinə qarşıya qoyulan məqsədlərə çatmaq üçün müvəffəqiyyət arzu edirəm və ən xoş arzularımı yetirirəm”.

MDBMİ-nin rektoru Anatoli Torkunov jurnalistlərə müsahibəsində vurğulayıb ki, Azərbaycan Prezidenti İlham Əliyevin təbrikini yüksək qiymətləndirir. O deyib: “Azərbaycan Prezidentinin təbrik sözləri bizim üçün hədiyyədir. Çoxumuz onu şəxsən tanıyırıq. Onu gözəl insan kimi tanıyırıq. O, nəinki burada təhsil alıb, həm də 5 il MDBMİ-də işləyib. Biz onun səmimi münasibətini qoruyub saxlamasını və universiteti daim xatırlamasını yüksək qiymətləndiririk. Ümumi yubileyimiz münasibətilə ona xoşbəxtlik, cansağlığı və firavanlıq diləyirəm!”

Səfir P.Bülbüloğlu təntənəli tədbirdə MDBMİ-nin rektoru Anatoli Torkunova “Azərbaycan Respublikasının diplomatik xidmət orqanlarının 100 illiyi” medalını da təqdim edib.

Ölkə.Az

ŞƏRH YAZ
0

Teatr Xadimləri İttifaqında SEÇKİ QALMAQALI — Azərpaşa Nemətov Afaq Bəşirqızına QARŞI

Teatr Xadimləri İttifaqında SEÇKİ QALMAQALI
22:00
21.10.2019
1470
Mədəniyyət
A
Azərbaycan Teatr Xadimləri İttifaqının növbəti sədr seçkisi keçiriləcək. Seçki “Park Inn” hoteldə baş tutacaq.

“Ölkə.Az”ın əldə etdiyi məlumata görə, seçkidə 4 namizəd olacaq.

Onlar Xalq artisti Afaq Bəşirqızı, qurumun hazırki sədri, Azərbaycan Dövlət Akademik Milli Dram Teatrının baş direktoru Azərpaşa Nemətov, Xal artisti Nurəddin Mehdixanlı və Akademik Milli Dram Teatrın keçmiş direktoru İsrafil İsrafilovdur.

Seçki prosesində N.Mehdixanlının A.Nemətovun lehinə öz namizədliyini geri götürəcəyi bildirilir. Əsas mübarizənin A.Bəşirıqız ilə A.Nemətov arasında gedəcəyi gözlənilir.

Məsələnin maraqlı tərəflərindən biri də budur ki, seçkidə yalnız Akademik Milli Dram Teatrında aktyorlar iştirak edəcəklər. Bu isə Azərpaşa Nemətovun həmin teatrın baş direktoru olması ilə əlaqələndirilir. Digər teatrlarda isə Azərbaycan Teatr Xadimləri İttifaqının fəaliyyətindən narazı olan aktyorlar var və onlar ona görə dəvət eidlməyiblər ki, A.Nemətovun əleyhinə səs verməsinlər.

İddialara görə, digər teatrlardan sadəcə rəhbərlər və müavinlər orada təmsil olunacaqlar.

Məlumata görə, seçkini bir sıra mədəniyyət qurumlar boykot ediblər. Rejissorlar Gildiyasının sədri, Xalq artisti Eldar Quliyev, Azərbaycan Respublikası Kinematoqrafçılar İttifaqının sədri, Xalq Artisti Şəfiqə Məmmədova, Rəssamlar İttifaqının sədri, Xalq rəssamı Fərhad Xəlilov və Yazıçılar İttifaqının sədri Anar Rzayev boykot edənlər sırasındadır.

Ölkə.Az

ŞƏRH YAZ
0
BAĞLA