Şəfiqə Məmmədova gənclər üçün yeni pullu mükafat — TƏSİS ETDİ

Şəfiqə Məmmədova gənclər üçün yeni pullu mükafat
13:50
15.04.2019
2072
Mədəniyyət
A
Azərbaycan Respublikası Kinematoqrafçılar İttifaqının İdarə heyətinin növbəti iclası keçirilib.

İttifaqın mətbuat xidmətinin rəhbəri Əli Vəliyev "Ölkə.Az"a bildirib ki, iclasda prezident İlham Əliyevin imzaladığı “Azərbaycan Kinematoqrafiyasının İnkişaf konsepsiyası” ilə bağlı sərəncamın icrasına uyğun olaraq, müzakirələr aparılıb, təkliflər verilib. Sərəncamın icrasına uyğun, iclasda veteranlara və gənclərə yardım fondu yaradılıb. Bu fond vasitəsiylə vetereanlara və gənclərə mütamadi olaraq maddi yardımlar ediləcək.

Ə.Vəliyevin sözlərinə görə, iclasda İttifaqın İdarə heyəti tərəfindən gənc kinematoqrafçılar üçün “Yeni nəfəs” Milli Mükafat ı(pullu mükafat) təsis edilib. Mükafat hər il 2 avqust “Milli Kino” Günündə yaradıcıllıq axtarışında olan, öz işi ilə fərqlənən, uğurlar qazanan və Azərbaycan Respublikası Kinematoqrafçılar İttifaqının üzvü olan gənc kinematoqrafçılara təqdim ediləcək. 

Daha sonra iclasda gündəlikdə olan digər məsələlər müzakirə olunub, otuzdan çox kino sahəsində çalışan şəxslər İttifaqa üzv qəbul edilib. 

Ölkə.Az

ŞƏRH YAZ
0

Hacı Zeynalabdin Tağıyevin Mərdəkandakı evi təmir olunur — VİDEO

Hacı Zeynalabdin Tağıyevin Mərdəkandakı evi təmir olunur
07:29
Bu gün
1000
Mədəniyyət
A
Azərbaycanın məşhur messenatı Hacı Zeynalabdin Tağıyevin Mərdakanda yerləşən bağ evi təmir edilir.

“Ölkə.Az” xezerxeber.az-a istinadən xəbər verir ki, artıq ərazidə işlərə start verilib və təmirdən sonra malikanə əvvəlki görkəminə qaytarılacaq.

Təmir işləri çərçivəsində bağda sonralar tikilən binalar sökülüb və ərazi köhnə halına qaytarılıb. Evin tam köhnə halında görünməsi üçün xaricdən də müəyyən tikinti avadanlıqların gətirilməsi nəzərdə tutulur.

2 mərtəbəli və 10 metr hündürlükdə olan evin təmirdən sonrakı görkəminin necə olacağı da bəllidir.

Qeyd edək ki, xeyriyyəçinin vəfatından sonra 2-ci dünya müharibəsində bu evdə təxliyə hospitalı fəaliyyət göstərib və Qarabağ müharibəsindən sonra məcburi kökünlər bu evdə məskunlaşıb. Mədəniyyət Nazirliyinin sifarişi və Heydər Əliyev Fondunun təşəbbüsü ilə həyata keçirilən işlərin gələn ilin birinci yarısında yekunlaşdırılması nəzərdə tutulub.

Ölkə.Az

ŞƏRH YAZ
0

Sankt-Peterburqdan Füzulinin “Ərəb divanı” tapılıb

Sankt-Peterburqdan Füzulinin “Ərəb divanı” tapılıb
04:08
Bu gün
768
Mədəniyyət
A
“Ürək ağrısı ilə qeyd edirəm ki, əsrlər boyu xalqımızın milli müstəqilliyi olmadığına görə, qeyri-maddi mənəvi sərvətlərimiz, əlyazmalarımız talanaraq digər ölkələrə aparılıb”.

"Ölkə.Az" report-a istinadən xəbər verir ki, bunu millət vəkili Gövhər Baxşəliyeva bildirib.

O qeyd edib ki, Füzulinin “Ərəb divanı” uzun 10 illiklər ərzində mütəxəssislər tərəfindən axtarılsa da, son nəticədə Sankt-Peterburqda yerləşən kitabxanadan tapılıb:

“Ölkəyə gələn işğalçıların istilası nəticəsində əlyazmalar kütləvi şəkildə başqa ölkələrə aparılıb. Xarici ölkələrdə kütləvi şəkildə Azərbaycana məxsus əlyazmalar var. Düşünürəm ki, bu işlə məqsədyönlü şəkildə məşğul olunmalı, dünya kitabxanalarında mövcud olan əlyazmalarımızı ölkəmizə gətirməliyik”.

Ölkə.Az

ŞƏRH YAZ
0
BAĞLA