Səfir: ABŞ Azərbaycanın maraqlarına cavab verən layihələrdə iştirakda maraqlıdır

Səfir: ABŞ Azərbaycanın maraqlarına cavab verən layihələrdə iştirakda maraqlıdır
17:11
13.11.2017
596
İqtisadiyyat
A
Energetika Nazirliyində energetika naziri Pərviz Şahbazovla ABŞ-ın Azərbaycandakı fövqəladə və səlahiyyətli səfiri Robert Sekuta arasında görüş keçirilib.

Nazirlikdən "Ölkə.Az"a verilən məlumata görə, iki ölkə arasındakı diplomatik münasibətlərin enerji sahəsində əməkdaşlıq əlaqələrinə böyük töhfə verdiyini vurğulayan P.Şahbazov ölkəmizin karbohidrogen resurslarının dünya bazarına çıxarılmasında ABŞ-ın rolunun hər zaman yüksək olduğunu bildirib: “ABŞ vaxtilə Bakı-Tbilisi-Ceyhan layihəsinin icrasında göstərdiyi güclü dəstəyi bu gün “Cənub Qaz Dəhlizi”, eləcə də, onun mühüm bir seqmenti olan Trans-Adriatik boru kəməri layihələrində (TAP) davam etdirir. Avropada enerji təchizatının diversifikasiyasını təmin edəcək “Cənub Qaz Dəhlizi” layihəsi üzrə işlər hazırda uğurla həyata keçirilir”.

Görüşdə bildirilib ki, Azərbaycanla ABŞ arasındakı strateji əlaqələrdə enerji təhlükəsizliyi mühüm yer tutur.

Nazir gələcəkdə bərpa olunan enerji mənbələri və enerji səmərəliliyi üzrə də böyük əməkdaşlıq potensialının olduğunu deyib. Bildirib ki, bu istiqamətdə həyata keçirilən tədbirlərdə, yeni texnologiyaların tətbiqində ABŞ-ın təcrübəsindən faydalanmaq olar.

Səfir Robert Sekuta isə Azərbaycan-ABŞ münasibətlərində enerji məsələlərinin əhəmiyyətli yer tutduğunu bildirib. Onun sözlərinə görə, qlobal enerji təhlükəsizliyinin təminatına yönələn layihələrlə Azərbaycan ABŞ-ın diqqətindədir: “Bu diqqətin göstəricisi kimi ABŞ prezidenti Donald Trampın 28 May - Respublika Günü və XXIV Beynəlxalq "Xəzər Neft və Qaz-2017" sərgi və konfransı, eləcə də, dövlət katibi Reks Tillersonun “Cənub Qaz Dəhlizi” Məşvərət Şurasının üçüncü iclası ilə əlaqədar məktublarını göstərmək olar”.

“Cənub Qaz Dəhlizi”nin strateji əhəmiyyətindən bəhs edən səfir layihənin Balkan regionunun qaz təminatında da geniş imkanlar yaradacağını qeyd edib.

O, “Azəri”, “Çıraq” yataqlarının və “Günəşli” yatağının dərinlikdə yerləşən hissəsinin birgə işlənməsi və neft hasilatının pay bölgüsü ilə bağlı düzəliş edilmiş və yenidən tərtib olunmuş Sazişlə ölkəsinin Azərbaycanın uzunmüddətli tərəfdaşı kimi qalacağını bildirib. Yeni layihələrin bu tərəfdaşlığı daha da möhkəmləndirəcəyinə əminliyini ifadə edib. "ABŞ yalnız Azərbaycanın maraqlarına cavab verən layihələrdə iştirak edərək, əməkdaşlıqda maraqlıdır", - deyə səfir qeyd edib. Robert Sekuta “Azərbaycanın elektrik enerjisi bazarı haqqında” qanun layihəsinin hazırlanmasında Energetika Nazirliyinə bundan sonra da lazımi dəstəyin davam etdiriləcəyini söyləyib.

Görüşdə Neft İxrac Edən Ölkələr Təşkilatına (OPEC) üzv və qeyri-üzv dövlətlərin növbəti Vyana görüşü, neft bazarının inkişaf tendensiyaları, eləcə də, enerji əməkdaşlığının digər istiqamətləri üzrə də müzakirələr aparılıb.

ŞƏRH YAZ
0

Elektrik enerjisindən istifadə qaydaları dəyişdirildi

Elektrik enerjisindən istifadə qaydaları dəyişdirildi
09:21
Bu gün
2152
İqtisadiyyat
A
Nazirlər Kabineti "Elektrik enerjisindən istifadə Qaydaları"na dəyişikliklər edib.

"Ölkə.Az"ın məlumatına görə, bu barədə qərarı Baş nazir Novruz Məmmədov imzalayıb.

“Elektrik və istilik enerjisi, habelə qaz təchizatı sahəsində nəzarətin həyata keçirilməsi Qaydası”nın təsdiq edilməsi haqqında” Azərbaycan Respublikası Prezidentinin 2018-ci il 16 iyul tarixli 204 nömrəli Fərmanının 2.2-ci bəndinin icrasını təmin etmək məqsədi ilə Azərbaycan Respublikasının Nazirlər Kabineti Qərara alır:

3.2-ci bəndin ikinci cümləsində “layihə və tələb olunan həcmdə texniki təhviltəslim sənədlərini” sözləri “bu Qaydaların 3.2-1-ci bəndində göstərilən sənədləri” sözləri ilə əvəz edilsin; aşağıdakı məzmunda 3.2-1-ci bənd əlavə edilsin: “Enerji Məsələlərini Tənzimləmə Agentliyi tərəfindən 150 kVt-dan yuxarı elektrik qurğularının istismarına buraxılış aktı vermək üçün texniki baxış sifarişçilərin təqdim etdiyi aşağıdakı sənədlər əsasında keçirilir: enerji təchizatı müəssisəsinin və ya dövlət elektroenergetika müəssisəsinin verdiyi texniki şərtlər; Enerji Məsələlərini Tənzimləmə Agentliyi və enerji təchizatı müəssisəsi ilə razılaşdırılmış enerji təchizatı layihəsi; tikinti-quraşdırma işlərini aparmış şəxslə sifarişçi arasında təhvil-təslim aktı; elektrik təsərrüfatına cavabdeh şəxsin təyin olunması barədə əmrin surəti; kontur torpaqlama müqavimətinin ölçülməsi protokolu; transformatorun və avadanlıqların sınaq-sazlama protokolu; elektrik verilişi xəttinin sınaq protokolu və qapalı işlər aktı; elektrik sayğacının quraşdırılması aktı”.

Ölkə.Az

ŞƏRH YAZ
0

Milli valyutada olan əmanətlər artıb

Milli valyutada olan əmanətlər artıb
19:17
20.10.2018
1616
İqtisadiyyat
A
Mərkəzi Bankın məlumatına görə, sentyabr ayının 1-nə əhalinin banklardakı əmanətlərinin milli valyuta ekvivalentində məbləği əvvəlki ilin eyni dövrü ilə müqayisədə 16,3 faiz artaraq 8020,8 milyon manat təşkil edib.

Dövlət Statistika Komitəsindən "Ölkə.Az"a abildirilib ki, əmanətlərin 63,0 faizi xarici, 37,0 faizi isə milli valyutada qoyulub. 

Milli valyutada olan əmanətlər ötən ilin müvafiq dövrünə nisbətən 1,5 dəfə, xarici valyutada əmanətlər isə 1,5 faiz artıb.

ŞƏRH YAZ
0
BAĞLA