Səfir: ÜAK-la bağlı məsələnin Rusiya-Azərbaycan münasibətlərinə heç bir təsiri olmayacaq

Səfir: ÜAK-la bağlı məsələnin Rusiya-Azərbaycan münasibətlərinə heç bir təsiri olmayacaq
12:53
14.07.2017
6
Siyasət
A
Rusiyanın Azərbaycandakı səfiri Vladimir Doroxin Ümumrusiya Azərbaycan Konqresinin (ÜAK) bağlanması ilə bağlı məsələyə münasibət bildirib.

"Ölkə.Az"ın APA-ya istinadən məlumatına görə, səfir Rusiya-Azərbaycan münasibətlərinin dəyərinin çox böyük olduğunu qeyd edib.

Səfir bildirib ki, bütün təşkilatlar fəaliyyət göstərdiyi ölkənin qanunlarına uyğun hərəkət etməlidir.

“Mən bu mövqeyi dəstəkləyirəm. Ümumrusiya Azərbaycan Konqresinə Ədliyyə Nazirliyi tərəfindən məktub göndərilib, hamısı cavabsız qalıb. ÜAK-la bağlı məsələnin bizim münasibətlərinə heç bir təsiri olmayacaq. Azərbaycan-Rusiya münasibətlərini inkişaf etdirmək lazımdır”, - deyə diplomat vurğulayıb.

ŞƏRH YAZ
0

Serj Sərkisyan qorxdu

Serj Sərkisyan qorxdu
23:14
17.11.2017
1230
Siyasət
A
“Ermənistan prezidenti Serj Sərkisyan qorxdu”.

“Ölkə.Az” xəbər verir ki, bu barədə politoloq Elxan Şahinoğlu “Facebook” səhifəsində yazıb. Onun sözlərinə görə, Sərkisyan Ermənistanda məşhur analitik Sergey Minasyanı Gürcüstana səfir təyin etmək istəyirdi. Onun sözlərinə görə, Sərkisyanın bu istəyi ürəyində qalıb.

“Rəsmi Tbilisi aqreman vermədi, bu təyinatın əleyhinə çıxdı. Tbilisinin iki arqumenti var idi. Birinci arqumenti bu idi ki, Sergey Minasyan Gürcüstanda erməni separatçılarını dəstəkləyir, Rusiyanın Abxaziyanı və Cənubi Osetiyanı ələ keçirməsinə haqq qazandırır. İkinci arqument də sadə idi: Minasyan rusiyapərəstdir. Bu iki arqumentin qarşısında separatçı prezident Serj Sərkisyan təslim olmaq məcburiyyətində qaldı və o Minasyanı Ermənistan üçün vacib ölkə olan Gürcüstana deyil, Rumıniyaya səfir təyin etdi. Ermənilər deyir ki, Minasyan Buxaretsdə turist qismində olacaq, çünki Ermənistanla Rumıniya arasındakı münasibətlər sıfır səviyyəsindədir. İrəvana yaxşı dərs oldu. Separatçılarla ya hərbi güclə, ya da qapının ağzına qoymaqla danışmaq lazımdır”, politoloq bildirib.

Ziya Səccad
Ölkə.Az

ŞƏRH YAZ
0

İlham Əliyev Oman sultanını təbrik etdi

İlham Əliyev Oman sultanını təbrik etdi
18:24
17.11.2017
1382
Siyasət
A
Prezident İlham Əliyev Oman sultanı Qabus bin Səidə təbrik məktubu göndərib.

"Ölkə.Az"ın məlumatına görə, məktubda deyilir: "Oman Sultanlığının milli bayramı münasibətilə Sizə və Sizin simanızda bütün xalqınıza öz adımdan və Azərbaycan xalqı adından ən səmimi təbriklərimi yetirirəm.
 
Belə bir xoş gündə Sizə möhkəm cansağlığı və xoşbəxtlik, dost Oman xalqına daim əmin-amanlıq və firavanlıq diləyirəm".

ŞƏRH YAZ
0
BAĞLA