Sehiçin əvəzedici komandaya göndərilməsi xəbərinə \"Qarabağ\"dan
“Qarabağ” klubunun baş məşqçisi Qurban Qurbanovun klubun əsas qapıçısı İbrahim Sehiçi cəzalandırdığı ilə bağlı xəbərlər yayılıb.
Xəbərdə deyilir ki, "Qarabağ"ın baş məşqçisi Qurban Qurbanov Bosniya və Herseqovina millisinin üzvü İbrahim Sehiçi qeyri-müəyyən müddətə əvəzedici komandaya göndərib.
Məsələni aydınlaşdırmaq üçün klubun mətbuat xidmətinin rəhbəri Nurlan İbrahimovla əlaqə saxladıq.
Nurlan İbrahimov Ölkə.Az-a açıqlamasında yayılan xəbərləri təkzib edib edərək bildirib ki, bu, yalan xəbərdir:
"Qurban Qurbanov heç bir oyunçunu cəzalandırmayıb. İbrahim Sehiçin əvəzedici komandaya göndərilməsi uydurmadır".
Qeyd edək ki, 29 yaşlı qapıçı 2013-cü ildən "Qarabağ" klubun qapısını qoruyur.
Səxavət Məmməd
Ölkə.Az
