“Şəhid olmasından saat yarım öncə danışanda Babək dedi ki,…” — Evin tək oğlu olduğu deyilən ŞƏHİDİMİZİN ANASI VƏ QARDAŞLARI DANIŞDI - VİDEO

“Şəhid olmasından saat yarım öncə danışanda Babək dedi ki,…”
18:35
09.11.2019
6423
Ölkə
A
Bu, mənim şəhid evindən hazırladığım sayca ikinci reportajdır. Yadımdadır, ilk reportajım Saatlıda Cabbar adlı şəhidin evindən olmuşdu. Bu dəfə isə Dövlət Sərhəd Xidmətinin MAXE-si, şəhid Babək Aslanovun ailəsiylə görüşmək üçün Xaçmazın Mollabürhan kəndinə yollanıram. Nə yalan deyim, belə reportajlar ən sevmədiyim reportajlardır. Diktofondan səs yazısını çıxaranda şəhid anasının, qardaşının, atasının dediklərini yenidən eşitmək, yenidən o hissləri yaşamaq, bir anlıq da olsa özünü onların yerinə qoymaq…Ağırdı…Çox ağırdı…

Babəkin anası Gülcənnət xanımın (Səfərəliyeva) gözlərinə baxmaq, sual vermək isə ikiqat çətindi. Cəmi 3 günün yarasını qaysaqlamamış bir də qanatmaq… 

 -Gülcənnət xanım, bilirəm, dərdiniz böyükdür. Amma icazə versəydiniz, bəzi suallar vermək istərdim. Babəkin şəhid olmaq xəbərini…

- Xəbəri məndən bir gün gizlədiblər. Demişdilər ki, Babək yaralanıb. Beş oğlum, bir qızım var. Babək orta təhsilli idi. Əsgərliyini başa vurandan sonra müddətdən artıq xidmət edən (MAXE) qulluqçu kimi orduya qayıtdı. Fəxr edirəm ki, oğlum vətən yolunda şəhid olub. Oğlanlarımdan biri - Nurlan Aslanov da "Aprel döyüşləri"ndə iştirak edib.

- Vida mərasimində Xaçmaz rayonunun rəhbər şəxslərindən kimlər var idi?

(Sualı Babəkin böyük qardaşı Vaqif Aslanov cavablandırır)

- İcra nümayəndəsi, rayonun deputatı İlham Əliyev, rayon prokuroru, icra başçısı Anar Tağıyev, başçının müavinləri, rayonun polis rəisi, baş həkim gəlib başsağlığı verdilər. Beş qardaş, bir bacıyıq. Özüm də Dövlət Sərhəd Xidmətinin əməkdaşı olmuşam. Babək də əsgərlikdən sonra öz istəyi ilə hərbi qulluqda olub.  Xaçmazın deputatı İlham Əliyev gəlmişdi. Mətbuatdan heç kim gəlməmişdi. Hərbi hissənin gizir zabit heyətindən də gələnlər var idi. Babək kənd qəbristanlığında dəfn edildi. Sözün düzü o məqamda şəhidlər xiyabanında dəfn edilməsi heç kimin ağlına gəlmirdi.

- Bir sıra siyasilər, partiya sədrləri Babəkin fotosunu öz sosial şəbəkə hesablarında paylaşırdılar. Onlardan kimsə gəlib başsağlığı verdimi?

- Xeyr, heç kim bizə başsağlığı verməyib. Yalnız dünən bir jurnalist bizə zəng vurub, vəssalam. 

- Nurlan, qardaşınızın şəhid olması xəbərini ilk sizə vermişdilərmi?
 
- Xəbəri bizə dedilər, bir gün anamızdan gizlətdik. Amma nə qədər çətin olsa da, bu xəbəri anamıza deməliydik. Qardaşımız bizim fəxr, qürur yerimizdir. Biz də bundan sonra çalışacağıq ki, qardaşımızın adını uca tutaq. Sosial şəbəkədə yazırlar ki, guya biz Babəki hərbiyə məcbur göndərmişik ki, pul qazansın. Elə şey olmayıb. Babək özü istəyərək hərbini seçib. Məndən iki yaş böyük idi. Hətta əvvəl hərbi akademiyanı da oxumaq istəyirdi, sonra da dedi ki, çavuş, gizir olmaq mənə bəs edir. 


- Nurlan, qardaşınızla son danışığınız nə zaman olmuşdu?

- Babək şəhid olmamışdan təxminən saat yarım əvvəl telefonla danışmışdıq.

- Nə danışdınız?

- Həmişəki kimi kef-əhval tutduq, qardaşlarımı, anamızı soruşdu. Xüsusi bir şey danışmadıq. İyul-avqust aylarında isə məzuniyyətə gəlmişdi. 

Sonda Babək Aslanovun qardaşı Vaqif Aslanov qardaşının adından siyasi məqsədlər üçün istifadə etmək istəyənlərə qısa müraciət edir.

“Mən sizin vasitənizlə bəzi partiya üzvlərinə müraciət edirəm ki, qardaşımızın adından istifadə etməsinlər.  Babəkin adından sui istifadə edənlərə ar olsun!”

İntiqam VALEHOĞLU

Bakı-Xaçmaz-Bakı

ŞƏRH YAZ
0

Qaz sayğacları ilə bağlı — MÜHÜM AÇIQLAMA

Qaz sayğacları ilə bağlı
16:40
Bu gün
307
Ölkə
A
“Azəriqaz” İstehsalat Birliyi “smart-kart” tipli sayğaclardan imtina edilməsi ilə bağlı məlumat haqda daha bir açıqlama yayıb.

"Ölkə.Az"  həmin açıqlamanı təqdim edir:

Əslində Birlik maliyyə imkanlarını nəzərə alaraq “İTRON GALLUS” şirkətindən “smart-kart” tipli sayğacların alışını azaldıb.

“Azəriqaz” İB belə hesab edir ki, bu cür addım təşkilatın maliyyə resurslarını daha səmərəli istifadə etməyə və digər vacib istiqamətlərdə lazımi işləri görməyə imkan yaradacaq.

Digər tərəfdən “smart-kart” tipli sayğacların quraşdırılması bundan sonra da davam etdiriləcək.

Məsələn, Mənzil Tikinti Kooperativlərinin (MTK) inşa etdiyi çoxmərtəbəli binalarda sayğaclar daxildə (çöl eyvanlarda) olduğu üçün mexaniki sayğac quraşdırılmır, çünki bu, sərfiyyatın qeydiyyatı üçün çətinlik yaradır.

Ona görə də belə tikililərdə “smart-kart” tipli sayğaclar həm quraşdırılacaq, həm də nasazlıq zamanı, eləcə də yoxlama vaxtı çatarkən eyni markalı sayğaclarla əvəzlənəcək.

Daha bir məqama diqqət çəkmək istərdik ki, mexaniki sayğaclardan istifadə edən abonentlərimizin ödənişləri son illər xeyli yaxşılaşıb, yığımlar demək olar ki, 100 % yerinə yetirilir.

Belə olan halda, mexaniki sayğacların quraşdırılmasında hər hansı problem görülmür və bu həm də “Azəriqaz” İB üçün maliyyə baxımından xeyli sərfəli hesab olunur”.

“Azəriqaz” İB-dən bildirilib ki, “İTRON GALLUS” şirkətinin istehsal etdiyi sayğacların keyfiyyəti beynəlxalq sertifikatlarla təsdiqini tapıb və “Azəriqaz” İB-nin aldığı bu qurğularda hər hansı problem yaşanmır”.

Xatırladaq ki, bundan əvvəl açıqlama verən “Azəriqaz” İB-nin İctimaiyyətlə əlaqələr şöbəsinin rəisi Ceyhun Səfərov bildirmişdi ki, smart tipli sayğacların alışının azaldılması barədə qərar verilib:

“Mexaniki sayğaclarda abonent sərfiyyata görə ödəniş edir. Hər ay abonentə qaz sərfiyyatı barədə bildiriş verilir və o, ödənişini edir.

Hesab edirik ki, bundan sonra quraşdırılacaq mexaniki sayğaclarda hər hansı narazılıq yaranmayacaq. Bu zaman həm də vətəndaş balansına pul yükləyə bilmədiyinə görə qazsız qalmayacaq.

Ola bilər ki, sonrakı mərhələlərdə şirkət daha sərfəli və yeni nəsil sayğaclar təklif etsin. Təbii ki, biz bu təklifləri dəyərləndirəcəyik.

ŞƏRH YAZ
0

Bel disk yırtığının yeni əməliyyat metodu - 15 dəqiqəyə, qansız və kəsiksiz — VİDEO

Bel disk yırtığının yeni əməliyyat metodu - 15 dəqiqəyə, qansız və kəsiksiz
15:54
Bu gün
1102
Ölkə
A
Bel disk yırtığında icra olunan cərrahi əməliyyatların növü ve çeşidi çoxdur.

"Ölkə.Az" Onurga.com-a istinadən xəbər verir ki, bu əməliyyatların hər birində məqsəd bel və boyun disk yırtığının (qrija) xaric edilməsidir. Ancaq hər bir metodun üstün və çatışmayan cəhətləri vardır. Ona görə də, tibbin qarşıssnda duran ən önəmli məsələ odur ki, qısamüddətli, az travmatik, qanamasız , ağrısız, risksiz və fəsadsız bir disk yırtığı cərrahiyyəsi icad olunsun. Buna görə  də, bir çox elmi araşdırmalar və  ixtiralar icra olunmaqdadır. Hazırda  dünyada yeni bir metod olan və özünü doğruldan disk yırtığı cərrahiyyə “minimal invaziv spinal mikrocərrahiyyə”-dir. Amerikan alimlərindən ibarət olan qrup Medtronik medfix  şirkətinin tubular retractor sistemini ixtira edərəkdən , minimal invaziv metodda yeni bir qapı açmışlar. Bu üsul mükəmməl və üstünlükləri çox olduğuna görə hazırda dünyada tətbiq olunan ən son, müasir, təhlükəsiz metod hesab edilir.

Bel qrijasinin (yırtığının) xaric edilməsi üçün istifadə olunan bu metodu ilk dəfə Azərbaycanda istifadə edən  neyrocərrah Əliosman Qədimbəylidir.  Disk yırtığının (qrijasinin)  xaric ediməsi prosedurası tam ağrısız, qansız,oyanıq, narkozsuz , 15 dəqiqə ərzində və ən əsasi risksiz  icra olunur. Əməliyyatdan sonra xəstənin əlil və iflic olma təhlükəsi yoxdur.  12 saat sonra xəstə  evə göndərilir. Və həkimin tövsiyyəsinə əsasən pasient əvvəlki normal işinə geri dönür.

Bel və boyun yırtığının müalicəsində istifadə olunan, amerikan medtronik medfix şirketinin “tubular minimal invaziv mikrocerrahiyyəsi” , almaniyanin Zeiss opmio vario 700 mikroskopu vasitəsiylə Operator cərrah Əliosman doktor tərəfindən mükəmməl şəkildə icra olunur. Minimal invaziv mikrocərrahiyənin üstünlüyü nədir?
 

Bu metoda Amerika, İsrailin, Avropa institutlarinin və özəl klinikalarinin üstünlük verməsinin səbəblərini nələrdir?  İlk öncə bu sistem minimal invaziv mikrocərrahi metoddur.  Yəni adından da göründüyü kimi minimal, qapalı müdaxilədir, yəni ətraf əzələ toxuması zədələnmir. Çünki kəsik aparılmır, bunun üçün xüsusi genişləndirilən tubuluslardan istifadə olunur. Buna gorə də, mikrocərrahiyyədən sonra bel ağrısı  olmur. Faset oynağa toxunulmur, zədələnmir (amma açıq əməliyyatlarda faset oynağən mediali götürülür), buna görə də mikrocərrahiyyə sonrası beldə yatrogenik sürüşmə  (listezis ) olmur və xəstənin korset taxmağına  lüzum qalmır. Yara kiçik (18 mm) olduğu üçün  kobud çapıq toxuması yaranmır, mikrocərrahi  müddəti qısa olur (10-  15 dəq) . Bugünkü Avropa və Amerikada ən aparıcı metod olan “minimal invaziv spinal mikrocərrahiyyə” yayğın olaraq tətbiq olunmaqdadır. 

Bu metodun diger üstünlükləri onadan ibarətdir ki, şəkərli diabeti, osteoporozu, kecirilmiş infarkti , ürəkdə stendi, piylənməsi (obezitesi 100 kq dan cox cəki), insult kecirmiş  olan və yaş məhdudiyyətində asılı olmayaraq narkozsuz olaraq  bütün xəstələrdə disk yırtığı mikrəcərrahiyyəsi tətbiq oluna bilinir.

Neyrocərrah;      Əliosman Qədimbəyli          055 296 66 68,      070 296 66 68

ŞƏRH YAZ
0
BAĞLA