KORONAVİRUSA YOLUXANLARIN SAYI - CANLI STATİSTİKA

“Şəhid olmasından saat yarım öncə danışanda Babək dedi ki,…” — Evin tək oğlu olduğu deyilən ŞƏHİDİMİZİN ANASI VƏ QARDAŞLARI DANIŞDI - VİDEO

“Şəhid olmasından saat yarım öncə danışanda Babək dedi ki,…”
18:35
09.11.2019
8349
Ölkə
A
Bu, mənim şəhid evindən hazırladığım sayca ikinci reportajdır. Yadımdadır, ilk reportajım Saatlıda Cabbar adlı şəhidin evindən olmuşdu. Bu dəfə isə Dövlət Sərhəd Xidmətinin MAXE-si, şəhid Babək Aslanovun ailəsiylə görüşmək üçün Xaçmazın Mollabürhan kəndinə yollanıram. Nə yalan deyim, belə reportajlar ən sevmədiyim reportajlardır. Diktofondan səs yazısını çıxaranda şəhid anasının, qardaşının, atasının dediklərini yenidən eşitmək, yenidən o hissləri yaşamaq, bir anlıq da olsa özünü onların yerinə qoymaq…Ağırdı…Çox ağırdı…

Babəkin anası Gülcənnət xanımın (Səfərəliyeva) gözlərinə baxmaq, sual vermək isə ikiqat çətindi. Cəmi 3 günün yarasını qaysaqlamamış bir də qanatmaq… 

 -Gülcənnət xanım, bilirəm, dərdiniz böyükdür. Amma icazə versəydiniz, bəzi suallar vermək istərdim. Babəkin şəhid olmaq xəbərini…

- Xəbəri məndən bir gün gizlədiblər. Demişdilər ki, Babək yaralanıb. Beş oğlum, bir qızım var. Babək orta təhsilli idi. Əsgərliyini başa vurandan sonra müddətdən artıq xidmət edən (MAXE) qulluqçu kimi orduya qayıtdı. Fəxr edirəm ki, oğlum vətən yolunda şəhid olub. Oğlanlarımdan biri - Nurlan Aslanov da "Aprel döyüşləri"ndə iştirak edib.

- Vida mərasimində Xaçmaz rayonunun rəhbər şəxslərindən kimlər var idi?

(Sualı Babəkin böyük qardaşı Vaqif Aslanov cavablandırır)

- İcra nümayəndəsi, rayonun deputatı İlham Əliyev, rayon prokuroru, icra başçısı Anar Tağıyev, başçının müavinləri, rayonun polis rəisi, baş həkim gəlib başsağlığı verdilər. Beş qardaş, bir bacıyıq. Özüm də Dövlət Sərhəd Xidmətinin əməkdaşı olmuşam. Babək də əsgərlikdən sonra öz istəyi ilə hərbi qulluqda olub.  Xaçmazın deputatı İlham Əliyev gəlmişdi. Mətbuatdan heç kim gəlməmişdi. Hərbi hissənin gizir zabit heyətindən də gələnlər var idi. Babək kənd qəbristanlığında dəfn edildi. Sözün düzü o məqamda şəhidlər xiyabanında dəfn edilməsi heç kimin ağlına gəlmirdi.

- Bir sıra siyasilər, partiya sədrləri Babəkin fotosunu öz sosial şəbəkə hesablarında paylaşırdılar. Onlardan kimsə gəlib başsağlığı verdimi?

- Xeyr, heç kim bizə başsağlığı verməyib. Yalnız dünən bir jurnalist bizə zəng vurub, vəssalam. 

- Nurlan, qardaşınızın şəhid olması xəbərini ilk sizə vermişdilərmi?
 
- Xəbəri bizə dedilər, bir gün anamızdan gizlətdik. Amma nə qədər çətin olsa da, bu xəbəri anamıza deməliydik. Qardaşımız bizim fəxr, qürur yerimizdir. Biz də bundan sonra çalışacağıq ki, qardaşımızın adını uca tutaq. Sosial şəbəkədə yazırlar ki, guya biz Babəki hərbiyə məcbur göndərmişik ki, pul qazansın. Elə şey olmayıb. Babək özü istəyərək hərbini seçib. Məndən iki yaş böyük idi. Hətta əvvəl hərbi akademiyanı da oxumaq istəyirdi, sonra da dedi ki, çavuş, gizir olmaq mənə bəs edir. 


- Nurlan, qardaşınızla son danışığınız nə zaman olmuşdu?

- Babək şəhid olmamışdan təxminən saat yarım əvvəl telefonla danışmışdıq.

- Nə danışdınız?

- Həmişəki kimi kef-əhval tutduq, qardaşlarımı, anamızı soruşdu. Xüsusi bir şey danışmadıq. İyul-avqust aylarında isə məzuniyyətə gəlmişdi. 

Sonda Babək Aslanovun qardaşı Vaqif Aslanov qardaşının adından siyasi məqsədlər üçün istifadə etmək istəyənlərə qısa müraciət edir.

“Mən sizin vasitənizlə bəzi partiya üzvlərinə müraciət edirəm ki, qardaşımızın adından istifadə etməsinlər.  Babəkin adından sui istifadə edənlərə ar olsun!”

İntiqam VALEHOĞLU

Bakı-Xaçmaz-Bakı

ŞƏRH YAZ
0

Milli Məclisdən 190 manatla bağlı — YENİ TƏKLİF

Milli Məclisdən 190 manatla bağlı
12:09
Bu gün
188
Ölkə
A
“Aidiyyətli qurumlar 190 manatlıq birdəfəlik ödənişin iyun ayında da verilməsini nəzərə alsın”.

"Ölkə.Az" “report”a istinadən xəbər verir ki, bu təkliflə Milli Məclisin bu gün keçirilən iclasında parlamentin İqtisadi siyasət, sənaye və sahibkarlıq komitəsinin üzvü Əli Məsimli çıxış edib.

“Bu məsələnin həll olunması vacibdir. Həmçinin ölkədə işsizlərlə bağlı statistikanın dəqiqləşdirilməsinə də ehtiyac var. 190 manatlıq birdəfəlik ödəniş əvvəlcə 200 min adama, daha sonra isə 600 min adama şamil edildi.

Amma bu da son rəqəm deyil. Ona görə də təklif edirəm ki, statistika yenidən işlənib hazırlansın”, - deyə o qeyd edib.

Deputat həmçinin regionlarda yeni iş yerlərinin yaradılmasını da təklif edib.

Ölkə.Az

ŞƏRH YAZ
0

Şəkidə təşviş yaradan ayının aparılacağı yer açıqlandı — VİDEO

Şəkidə təşviş yaradan ayının aparılacağı yer açıqlandı
11:57
Bu gün
434
Ölkə
A
“Ayı Altıağac milli parkındakı Vəhşi Təbiətin Reabilitasiyası Mərkəzinə aparılacaq”.

Şəkidə küçəyə çıxan ayının aparılacağı yer açıqlandı - VİDEO

“Ayı Altıağac milli parkındakı Vəhşi Təbiətin Reabilitasiyası Mərkəzinə aparılacaq”.

“Ölkə.Az” xəbər verir ki, bunu Bioloji Müxtəlifliyin Qorunması Xidmətinin rəis müavini Arzu Səmədova bildirib.

O, əhalidən bir daha xahiş edib ki, vəhşi heyvanın olduğu əraziyə yaxınlaşmasınlar, təmkinli olsunlar, onu hürkütməsinlər:

“Bu, qeyri-adi bir hadisə deyil, vəhşi heyvanların şəhər və qəsəbələrdə görünməsi dünyanın bir çox yerində zaman-zaman müşahidə olunur.

O qeyd edib ki, qonur ayı Azərbaycan faunasının nəsli kəsilmək təhlükəsi olan növlərindəndir:

“Bütün tədbirləri görməliyik ki, insanlar üçün təhlükə yaranmasın, eyni zamanda qonur ayıya da zərər dəyməsin. Ayının sağ-salamat Altıağac milli parkındakı Vəhşi Təbiətin Reabilitasiyası Mərkəzinə aparılması üçün bütün zəruri tədbirlər görülür”.

Qeyd edək ki, ən son məlumata görə ayı keyidici ilə zərərsizləşdirilib və yuxuya gedib.

Ölkə.Az

ŞƏRH YAZ
0
BAĞLA