Gəncədə şəhid olan polis əməkdaşları dəfn olundu — VİDEO / YENİLƏNİB

Gəncədə şəhid olan polis əməkdaşları dəfn olundu
14:02
11.07.2018
8964
Ölkə
A
Gəncədə iğtişaşların qarşısını alarkən şəhid olan polis əməkdaşları ilə vida mərasimi başa çatıb.

"Ölkə.Az"ın APA-ya istinadən məlumata görə, Gəncə Şəhər Baş Polis İdarəsində keçirilən mərasimdə daxili işlər nazirinin müavini Oruc Zalov, nazirliyin digər yüksək vəzifəli şəxsləri, Gəncə şəhər İcra Hakimiyyətinin rəhbərliyi və şəhər ictimaiyyətinin nümayəndələri iştirak edib.

Vida mərasimi başa çatandan Gəncə Şəhər Baş Polis İdarəsinin rəis müavini,  polis polkovniki İlqar Balakişiyev və Nizami Rayon Polis İdarəsinin rəis müavini, polis polkovnik-leytenantı Səməd Abbasov Gəncədəki Şəhidlər xiyabanında torpağa tapşırılıb.

***

Gəncədə iğtişaşların qarşısını alarkən şəhid olan polis əməkdaşları ilə vida mərasimi başlayıb.

"Ölkə.Az"ın APA-ya istinadən məlumata görə, mərasimdə daxili işlər nazirinin müavini Oruc Zalov, nazirliyin digər yüksək vəzifəli şəxsləri, Gəncə şəhər İcra Hakimiyyətinin rəhbərliyi və şəhər ictimaiyyətinin nümayəndələri iştirak edir.

Şəhid polislər Gəncədəki Şəhidlər xiyabanında dəfn olunacaq.

Qeyd edək ki, ötən gün saat 20 radələrində 150-200 nəfərdən ibarət radikal dini yönümlü bir qrup şəxs Gəncə şəhər İcra Hakimiyyətinin inzibati binasının önündəki meydana toplaşaraq asayişi kobud şəkildə pozmağa cəhd göstərib. Xidməti vəzifələrini yerinə yetirən polis əməkdaşlarının xəbərdarlığına məhəl qoymayan qanunazidd hərəkətlərin iştirakçıları özləri ilə gətirdikləri küt və kəsici-deşici alətlərlə asayiş keçşikçilərinə müqavimət göstəriblər. 

Polis əməkdaşlarının həyata keçirdikləri qətiyyətli tədbirlərlə onların hüquqazidd əməllərinin qarşısı alınmaqla 40 nəfəri tutularaq Gəncə Şəhər Baş Polis İdarəsinə gətirilib, qalanları qaçaraq ərazini tərk ediblər.

Qanunsuz hərəkətlərin qarşısı alınarkən xidməti vəzifələrini yerinə yetirən iki polis zabiti – Gəncə Şəhər Baş Polis İdarəsinin rəis müavini,  polis polkovniki İlqar Balakişiyev və Nizami Rayon Polis İdarəsinin rəis müavini, polis polkovnik-leytenantı Səməd Abbasov radikal ünsürlərin kəsici-deşici alətlərlə yetirdikləri zərbələr nəticəsində şəhid olublar.

ŞƏRH YAZ
1

Bakının məşhur bazarı sökülür: yerində isə... — FOTO

Bakının məşhur bazarı sökülür: yerində isə...
23:00
12.11.2018
754
Ölkə
A
Bu ilin sonuna kimi Bakının məşhur "Nəsimi bazar"ı söküləcək.

"Ölkə.Az" unikal.org-a istinadən bildirir ki, bazarın ərazisi "Pilot layihə"yə salınıb. Artıq obyektin yaxınlığında söküntü işlərinə başlanılıb. Bu ilin sonunadək bazar tam sökülərək, yerində 4 böyük hündürmərtəbəli binanın tikintisinə başlanılacaq. Bina isə "OLYMPUS park" şirkəti tərəfindən inşa ediləcək.

"OLYMPUS park" şirkəti artıq yeni binaların alıcılarını axtarır. Bunun üçün müştərilərini əmin edir ki, bu ilin sonunadək bazar söküləcək və yerində sözügedən yaşayış binaları tikiləcək.

Ölkə.Az

ŞƏRH YAZ
0

Cəlilabadda narkotik vasitə aşkar edilib

Cəlilabadda narkotik vasitə aşkar edilib
22:04
12.11.2018
866
Ölkə
A
Cəlilabadda 6 kiloqramdan artıq narkotik vasitə aşkarlanaraq qanunsuz dövriyyədən çıxarılıb.

"Ölkə.Az" report-a istinadən xəbər verir ki, Məlikqasımlı kənd sakini Cəlilabad Rayon Polis Şöbəsinə (RPŞ) müraciət edərək ona məxsus pay torpağında içərisində narkotik maddələr olmasını güman etdiyi bağlamaların olduğunu bildirib. Polis əməkdaşları tərəfindən əraziyə baxış keçirilib və 4 kiloqram 960 qram çəkidə narkotik vasitə olan heroin, 895 qram tiryək, 198 qram metamfetamin aşkar edilərək götürülüb.

Faktla bağlı Cəlilabad RPŞ-nin İstintaq Bölməsində cinayət işi başlanılıb, araşdırma aparılır.

Ölkə.Az

ŞƏRH YAZ
0
BAĞLA