Şəhid polkovnikin oğlu ADA-nın tələbəsi oldu — Atasının arzusunu reallaşdırdı

Şəhid polkovnikin oğlu ADA-nın tələbəsi oldu
22:12
12.08.2017
19
Ölkə
A
2016-cı ilin “Aprel döyüşləri”ndə böyük hünər, rəşadət göstərərək şəhidlik zirvəsinə yüksələn polkovnik-leytenant Raquf Orucovun böyük oğlu Aqşin Orucov tələbə adını qazanıb. Belə ki, o, Azərbaycan Diplomatik Akademiyasının (ADA) beynəlxalq münasibətlər fakültəsinə daxil olub.

Ölkə.Az xəbər verir ki, şəhidin həyat yoldaşı Sevinc Alızadə Modern.az-la təəssüratlarını bölüşüb.

O bildirib ki, Raquf Orucov da övladının bu universitetə qəbul olunmasını istəyirdi: “Aqşin 600 bala namizəd uşaq idi. Bunu müəllimləri də təsdiqləyirdi. Lakin övladım çox həyəcanlanır, stress keçirirdi, buna görə müalicə də aldı. İmtahandan pis vəziyyətdə çıxdığını gördük. Digər tərəfdən imtahan çətin olduğu üçün ümidimizi itirmişdik. O da həvəsdən düşmüşdü. Düşünürdük ki, 600 balı yığa bilməyəcək. Təqribən 550-yə yaxın bal yığmışdı. Düzdür, digər universitetlərin də özünəməxsus perspektivləri var, amma biz ADA universitetini istəyirdik. Bu səbəbdən ixtisas zamanı ilk yerə həmin təhsil ocağının adını yazdıq.

Ora qəbul olmaq Aqşinin ən böyük arzusu idi. Həmişə ona “Azərbaycanda oxusan, təkcə ADA-da oxuyacaqsan, yoxsa səni heç bir yerdə oxutmayacağam. Dəfələrlə hazırlaşıb yenə də ora qəbul olacaqsan” deyirdim. İnanın ki, ümidimizi kəsdiyimiz üçün Aqşinin sənədlərini hətta Türkiyəyə də verdik. Başqa bir universitet düşünmürdük”.

Sevinc Alızadə deyib ki, bunu Aqşinin atası da çox istəyərdi.

“O, həmişə Aqşinə deyirdi ki, çalış oranı qazanasan. Hətta şəhid olmamışdan üç gün qabaq zəng edib “Aqşinə de, oxusun. Mən ona görə çöllərdəyəm və onların yaxşı yaşaması üçün əziyyət çəkirəm” dedi.

Bu gecə ikimiz də həyəcanlı idik, yatmamışdıq. Şükür ki, oğlum istədiyi yerə qəbul ola bildi. O, həm atasının, həm də özünün arzusunu reallaşdırdı”.

ŞƏRH YAZ
0

Daşkəsən və Gədəbəyə qar yağdı — FOTO

Daşkəsən və Gədəbəyə qar yağdı
18:30
Bu gün
290
Ölkə
A
Daşkəsən və Gədəbəy rayonlarına qar yağıb.

"Ölkə.Az" "Report"a istinadən məlumatına görə, noyabrın 22-də günorta saatlarından yağan yağış daha sonra qara çevrilib.

Hazırda Daşkəsən rayonunda qarlı hava şəraiti davam edir və qarın qalınlığı 5 santimetrə yaxındır. Anoloji hava şəraiti Gədəbəy rayonunda da davam edir və orda da qalın qalınlığı 3-4 santimetri keçib. Hər iki rayonda qarlı hava şəraitinin davam etməsinə baxmayaraq, hələki avtomobil yollarında çətinliklərin yaranmadığı bildirilir.

ŞƏRH YAZ
0

Əflatun Amaşov: "Onlayn mediaya büdcədən 1 milyon manat ayrılsın"

Əflatun Amaşov:
16:58
Bu gün
1153
Ölkə
A
“Təcrübə göstərir ki, xaricdən ölkəyə informasiya təhlükələri mövcuddur və onlayn media bu təhlükələrə cavab verir. Amma bizim ölkədə onlayn mediaya ayrılan vəsait azdır”.

"Ölkə.Az"ın APA-ya istinadən məlumatına görə, bunu Mətbuat Şurasının sədri, deputat Əflatun Amaşov Milli Məclisin bu gün keçirilən iclasında 2018-ci il üzrə büdcə müzakirəsi zamanı deyib.
 
O qeyd edib ki, onlayn mediaya sistemli şəkildə vəsait ayrılmalıdır: “Onlayn mediaya 1 milyon manat ayrılsa, bunun bəhrəsini görəcəyik. Müharibə şəraitində olduğumuz üçün informasiya sahəsinə vəsait əhəmiyyətli dərəcədə artırılmalıdır”.
 
Ə. Amaşov informasiya ombudsmanının ayrıca qurum kimi fəaliyyətini zəruri hesab edərək bunu reallaşdırmağı təklif edib: “Bizdə informasiya ombusdmanı İnsan Hüquqları üzrə Müvəkkilliyinin (Ombudsman) tərkibində fəaliyyət göstərir. Səbəb olaraq deyirlər ki, ştat yoxdur. Hökumət üzvlərinin burada olmasından istifadə edərək soruşmaq istəyirəm ki, niyə ştat ayrılmır? Ombudsmanın fəaliyyəti hazırda göz önündədir. Hesab edirəm ki, bunu nəzərə alaraq informasiya ombudsmanı ayrıca fəaliyyət göstərməlidir”.

ŞƏRH YAZ
0
BAĞLA