Şəhidləri təhqir edən "Miss Turkey 2017"-nin tacı əlindən aldı
Türkiyədə gözəllik müsabiqəsinin qalibi İtır Esənin tacı əlindən alınıb.
"Ölkə.Az" xəbər verir ki, buna səbəb modelin 15 iyul şəhidlərini təhqir etməsi olub. Türk mətbuatının xəbərinə əsasən, İtır sosial şəbəkədə status yazaraq "aybaşımın qanı şəhidlərin qanına qarışdı" yazıb. Bu isə bütün izləyicilərin hiddətinə səbəb olub. "Miss Turkey" müsabiqəsinin prezidenti tacın İtırın əlindən aldığını açıqlayıb.
Tacı əlindən alınan model "Miss Turkey" müsabiqəsinə aid bütün fotoları sosial şəbəkələrdən silib. Sonra isə açıqlama verərək "Heç bir siyasi məqsəd güdməmişəm" deyib.
İtır Esən haqqında qərardan sonra jürinin verdiyi ballara əsasən ikinci olan Aslı Sümen birinci, üçüncü olan Pınar Tartan ikinci, dördüncü olan Yasemin Çoklar isə üçüncü pilləyə yüksəlib.
Hikmət Həsənov
Ölkə.Az
