Səhiyyə Nazirliyi saxta saytla bağlı araşdırmalara başladı

Səhiyyə Nazirliyi saxta saytla bağlı araşdırmalara başladı
17:33
12.01.2018
1040
Ölkə
A
Azərbaycan Respublikasının Səhiyyə Nazirliyi adından yaradılan və 50 faiz endirimlə arıqlamaq dərmanlarını satan saxta saytla bağlı artıq araşdırmalara başlanılıb.

Bu barədə "Ölkə.Az"a Səhiyyə Nazirliyindən məlumat verilib. Məlumatda bildirib ki, bu işin arxasında kimlərin olması və nə məqsədlə belə etdikləri üzə çıxarılacaq.

"Onların yaydıqları məlumatlar tamamilə əsassızdır və saxta dərman satmaları araşdırılır. Araşdırma bitdikdən sonra saxta saytı açan şəxsə qarşı qanunvericilik çərçivəsində tədbirlər görüləcək və bu barədə ictimaiyyətə də məlumat veriləcək”.

Qeyd edək ki, yaradılan saytda Azərbaycanın səhiyyə naziri Otay Şirəliyevin yerinə nazir kimi Kərim İsmayılov göstərilib. Saytda 2015-ci ildən ölkədə artıq çəkidən əziyyət çəkənlərin 82 faiz artması və sağlamlıqla bağlı problemlərin də meydana gəlməsi kimi yalan informasiyalar verilib.

ŞƏRH YAZ
0

Ötən il 34644 nəfər inzibati məsuliyyətə cəlb edilib

Ötən il 34644 nəfər inzibati məsuliyyətə cəlb edilib
19:46
Bu gün
3494
Ölkə
A
Azərbaycan Respublikası Ədliyyə Nazirliyinin məlumatlarına əsasən, 2017-ci ildə birinci instansiya məhkəmələrində inzibati xətalara dair 56011 işə baxılıb ki, bu da 2016-cı ilin göstəricisindən 49,4 faiz çoxdur.

Dövlət Statistika Komitəsindən "Ölkə.Az"a verilən xəbərə görə, onların 72,8 faizi idarəçilik qaydaları, 6,0 faizi ictimai qayda, ictimai təhlükəsizlik və ictimai mənəviyyat, 5,6 faizi yol hərəkəti qaydaları, 5,3 faizi sağlamlıq, 2,3 faizi mülkiyyət əleyhinə olan, 1,3 faizi narkotik vasitələrin və psixotrop maddələrin qanunsuz dövriyyəsi ilə əlaqədar, 1,2 faizi gömrük qaydaları, 1,1 faizi ticarət qaydaları, 0,3 faizi iqtisadi fəaliyyət qaydaları, 4,1 faizi isə digər inzibati xətalarla bağlı olub. 

2017-ci ildə baxılmış işlərin 61,9 faizi üzrə inzibati məsuliyyət tədbiri tətbiq edilib, 25,5 faizinin icraatına xitam verilib, 12,2 faizi üzrə inzibati xəta törətmiş şəxslərin materialları əlavə yoxlanış üçün qaytarılıb, 0,4 faizi üzrə isə materiallar aidiyyəti üzrə göndərilib.

İnzibati məsuliyyət tədbiri tədbiq edilməsi haqqında qərarlara əsasən məsuliyyətə cəlb edilən 34644 nəfərin 38,1 faizinə fiziki şəxsə verilmiş xüsusi hüququn məhdudlaşdırılması, 36,1 faizinə inzibati cərimə, 21,0 faizinə inzibati həbs, 2,3 faizinə ictimai işlər, 0,2 faizinə xəbərdarlıq, 2,3 faizinə isə digər tənbeh növləri tətbiq edilib. 

ŞƏRH YAZ
0

Gömrük Komitəsinin yeni sədri kimdir? — DOSYE

Gömrük Komitəsinin yeni sədri kimdir?
19:38
Bu gün
4948
Ölkə
A
Azərbaycan respublikasının prezidenti İlham Əliyev “Azərbaycan Respublikası Nazirlər Kabinetinin yeni tərkibi haqqında” Azərbaycan Respublikası Prezidentinin 2018-ci il 21 aprel tarixli Sərəncamına əlavələr edilməsi barədə sərəncam imzalayıb.

"Ölkə.Az" xəbər verir ki, yeni sərəncama əsasən, Səfər Məmməd oğlu Mehdiyev Dövlət Gömrük Komitəsinin sədri təyin edilib.

Mehdiyev Səfər Məmməd oğlu 1973-cü il martın 17-də Naxçıvan Muxtar Respublikası Babək rayonunun Nehrəm kəndində anadan olub.
1998-ci ildə Türkiyənin EGE Universitetinin Beynəlxalq-iqtisadi əlaqələr fakültəsini bitirmişdir.Əmək fəaliyyətinə 1990-cı ildə Naxçıvan MR, Babək rayonu Nehrəm kənd kolxozunda başlamışdır.

1999-2004-cü illərdə Azərbaycan Respublikası Dövlət Gömrük Komitəsinin Maliyyə-Tarif və Valyuta Nəzarəti Baş İdarəsinin Gömrük tariflərinin tənzimlənməsi şöbəsinin inspektoru, böyük inspektoru, Gömrük dəyəri şöbəsinin rəisi, həmin Baş İdarənin rəis müavini vəzifələrində çalışmışdır.
2004-cü ilin fevral ayından 2006-cı ilin fevral ayına qədər Azərbaycan Respublikası Dövlət Gömrük Komitəsi sədrinin müavini vəzifəsində işləmişdir.
2006-cı ilin fevral ayından bu günə qədər Azərbaycan Respublikası Dövlət Gömrük Komitəsi sədrinin birinci müavini vəzifəsində çalışıb. Bu gündən prezidentin sərəncamı ilə Dövlət Gömrük Komitəsinin sədri təyin edilib.

Ailəlidir, 2 övladı var.

 

ŞƏRH YAZ
0
BAĞLA