Şəhriyar Məmmədyarov: "Sübut etdik ki, Avropanın ən güclüsü olmağa layiqik"

Şəhriyar Məmmədyarov:
00:59
08.11.2017
1038
İdman
A
Azərbaycan şahmatçısı Şəhriyar Məmmədyarov Gənclər və İdman Nazirliyinin mətbuat xidmətinin suallarını cavablandırıb.

Ölkə.Az həmin müsahibəni təqdim edir:

- Üçüncü dəfə Avropanın ən güclüsü olmaq necə hissdir?

- Şahmat aləmi yaxşı bilir ki, Avropa çempionu olmaq Olimpiya çempionu olmaqdan daha çətindir. Çünki yüksək səviyyəli komandalar bir-biri ilə tez-tez görüşürlər. Biz turnirdə Rusiya, Ukrayna, Macarıstan və Ermənistan ilə məcburiyyətdən oynadıq. Bununla da sübut etdik ki, Avropanın ən güclüsü olmağa layiqik və ağıllı xalqı bizik. Çox şadam ki, biz üçüncü dəfə Avropa çempionu olduq.

Bu inanılmaz bir şeydir. İnanılmaz uğur deməkdir. Ruslar bu nəticəni 20 il ərzində göstərə bilməyiblər. Heç bir ölkə bu nəticəni göstərə bilməyib. Çox sevinirəm ki, bizdə alındı. İtaliyaya məğlub olanda, İspaniya ilə heç-heçə edəndə hər kəs düşündü ki, komandalar bəllidir. Azərbaycanın şansı yoxdur. 5 ardıcıl qələbədən sonra, biz birinci yer uğrunda mübarizəyə qoşulduq və qalib gəldik.

- Azərbaycan tarixində ilk dəfə FİDE reytinqində ikinci oldunuz. Qarşıda hansı məqsədləriniz var?

- Maqnus Karlsen dünyanın bir nömrəli şahmatçısıdır. 

İnanılmaz dərəcədə güclü və çətin rəqibdir. Ona qalib gəlmək çox çətin olur. Dünyada ikinci olmaq çoxları üçün birinci olmağa bərabərdir. O biri rəqiblərlə hamımız mübarizə aparırıq. Hər bir şahmatçının güclü olduğu vaxt olur. Dünyanın bir nömrəsi Karlseni də məğlub etmək mümkündür. Onun yollarını araşdırırıq. Hələ zaman var. Fikirləşmirəm ki, mənim yaşım çoxdur və mübarizəni dayandırım. Mübarizəyə qoşulacağıq. İkinci yerdən yaxşı bir yer var o da birinci yerdir. Birinci yer uğrunda mübarizə aparacağam.

ŞƏRH YAZ
0

Şehiç Çempionlar Liqasında birincidir

Şehiç Çempionlar Liqasında birincidir
00:14
Bu gün
739
İdman
A
Azərbaycanın “Qarabağ” klubunun qapıçısı İbrahim Şehiç Çempionlar Liqasında qurtarışların sayına görə birincidir.

Ölkə.Az-ın xəbərinə görə, bu barədə UEFA-nın rəsmi saytında məlumat verilir.

Beş turdan sonra onun hesabında 27 “seyv” var.

İkinci yerdə “Maribor”un qapıçısı Yasmin Handanoviç (25 “seyv”) qərarlaşıb. Üçüncü və dördüncü yerləri komandalarını 24 dəfə qoldan xilas edən “Şaxtyor”un qapıçısı Andrey Pyatov və MOİK-ın qolkiperi İqor Akinfeyev bölüşdürürlər.

İlk beşliyi 22 “seyv”lə “Tottenhem” klubunun qapıçısı Uqo Loris bağlayır.

ŞƏRH YAZ
0

İngilis azarkeşlər Bakıya gəlmələrinə peşman oldular — VİDEO

İngilis azarkeşlər Bakıya gəlmələrinə peşman oldular
20:08
23.11.2017
946
İdman
A
İngilis azarkeşlər dünyada ən dağıdıcı, ən çılğın azarkeşlər kimi tanınır. Bu, getdikləri yerdən və ölkədən asılı olmayaraq belədir. Üstəlik əgər komandaları qalib gəlibsə, artıq həmin gecə səhərə qədər asayiş keşikçilərinə yatmaq haramdır. Əyləncənin, içkinin dozasını o qədər qaçırırlar ki, rəqib komanda fanatlarına söz atmasalar, dava salmasalar, olmur sanki.

Dünənki “Qarabağ” ilə oyunsonrası isə mənzərə tamam başqa idi. Sanki, stadiondan səssiz-səmirsiz çıxanlar ingilislər yox, sarı saçlı, mavi gözlü azərbaycanlılar idi. Baxmayaraq ki, “Çelsi” 4-0 hesabı ilə qalib gəlmişdi.

Nə qədər qəribə səslənsə də, bir çox “Qarabağ” azarkeşləri soyuq və buzlu havada dayanıb gözləyirdilər ki, ingilislər çılğınlıq etsin, onlar da həmin çılğınlığı telefona çəkib sosial şəbəkələrə yükləsinlər. Amma olmadı, ingilislər əylənmədilər, içdilər, amma qədərində. O da əylənmək üçün yox, dünənki soyuqda üşüməmək üçün.

Bizə də maraqlı gəldi. Axı bunlar niyə xuliqanlıq etmirlər ki, biz də çəkək, görüntülü xəbər kimi saytımıza yerləşdirək. Yerləşdirək ki, oxucu sayımız artsın.

Yaxınlaşdıq və səbəbini özlərindən soruşduq. Verdikləri cavabdan sonra İngiltərə Premyer Liqasının nə üçün dünyada ən baxımlı, ən reytinqli çempionat olduğunu anladıq.

Hansı birinə yaxınlaşdıqsa, eyni cavabı alırdıq. Hakimi təhqir edir, söyürdülər. “O portuqal f….ə oyundan həzz almağa imkan vermədi” deyirdilər. İngilislər üçün hesabın önəmi yoxdur. Onlar sürətli, ədalətli, 11-11-ə bitən matç görmək istəyirlər.

Onlar meydanda əsl savaş, ləngiməyən, axıcı oyun görmək istəyirdilər. Matçdan sonra Bakı küçələrini bir-birinə qatıb, azərbaycanlı polislərə unuda bilməyəcəkləri xatirə yaşatmaq istəyirdilər.

Londondan təyyarəyə minib Bakıya ona görə gəlmişdilər. Ancaq portuqaliyalı referi onların bu arzusunu gözlərində qoydu. “Qarabağ”-a 2 penalti, 1 qırmızı kart. Nəticə 0-4 “Çelsi”-nin xeyrinə.

Nəticə — hakim ingilislərin oyundan ləzzət almasına əngəl oldu.

“Çelsi” fanatları hakimin bərbad olduğunu, oyunu məhv elədiyini söylədilər. “Qarabağ”-ın qapısına verilən penaltilərin Çempionlar Liqası tarixində verilən ən ədalətsiz penaltilər olduğunu dedilər…(sputnik.az)

Ölkə.Az

 

ŞƏRH YAZ
0
BAĞLA