Şəkidə avtobus qəzası — 4 yaralı var, 2-si tələbədir + FOTO

Şəkidə avtobus qəzası
23:58
19.06.2018
2457
Hadisə
A
Şəkidə sərnişin avtobusu yük maşını ilə toqquşub.

"Ölkə.Az"ın APA-ya istinadən verdiyi məlumata görə, hadisə bu gün 17.00 radələrində Yevlax-Zaqatala-Gürcüstan sərhəd magistral yolunun Şəki rayonunun Cəfərabad kəndi ərazisindən keçən hissəsində qeydə alınıb. "İsuzu” markalı, 45-ƏC-475 dövlət nömrə nişanlı sərnişin avtobusu 90 XO 837 dövlət nömrə nişanlı yük maşını ilə toqquşub. Qəza nəticəsində yaralanan 4 nəfər Şəki Mərkəzi Rayon Xəstəxanasına (MRX) aparılıb.

Qəza nəticəsində daxil olan yaralılar Şəki şəhər sakinləri 1987-ci il təvəllüdlü Seymur Şahid oğlu Məmmədov, 1997-ci il təvəllüdlü Ruslan Aydın oğlu Hacıyev, 1998-ci il təvəllüdlü Elçin Qurban oğlu Qəribov və Ağdaş rayon sakini 1979-cu il təvəllüdlü Anar Rəfayıl oğlu Baxışovdur.
 
Yaralılardan Ruslan Hacıyevin vəziyyəti ağır olduğundan reanimasiya şöbəsinə, Anar Baxışov isə cərrahiyə şöbəsinə yerləşdirilib. Elçin Qəribovun və Seymur Məmmədovun vəziyyəti yüngül olduğundan onlar müayinə edildikdən sonra ambulator müalicə almaq şərti ilə evə buraxılıblar.

Yaralılardan Ruslan Hacıyev və Elçin Qəribov Mingəçevirdə fəaliyyət göstərən ali təhsil məktəblərinin birinin tələbələridir. Qəza baş verən zaman xəstəxanaya daxil olan yaralıların hamısı Şəki-Mingəçevir marşrutu ilə hərəkət edən sərnişin avtobusunda olublar.

Qəza zamanı avtobusda 20 nəfər sərnişinin olduğu bildirilir.

Ölkə.Az

ŞƏRH YAZ
0

Sabirabad sakini armaturların altında qalaraq ölüb

Sabirabad sakini armaturların altında qalaraq ölüb
20:12
Bu gün
7
Hadisə
A
Sabirabad rayonunda bədbəxt hadisə baş verib.

"Ölkə.Az" report-a istinadən bildirir ki, rayonun Muğan Gəncəli kəndində 1981-ci il təvəllüdlü kənd sakini Mirzəyev İlqar Əlizadə oğlu özünə məxsus mağazada təmir işləri zamanı üzərinə armatur parçaları düşüb.

Nəticədə müxtəlif dərəcəli xəsarətləri alan mağaza sahibi Salyan Mərkəzi Rayon Xəstəxanasına aparılıb. Lakin İ.Mirzəyev xəstəxanaya çatmamış dünyasını dəyişib.

Faktla bağlı araşdırma aparılır.

Ölkə.Az

ŞƏRH YAZ
0

Biləsuvarda ağır qəza: avtomobil dərəyə aşaraq yandı — FOTO

Biləsuvarda ağır qəza: avtomobil dərəyə aşaraq yandı
18:06
Bu gün
2558
Hadisə
A
Biləsuvar rayonunun girişində ağır avtomobil qəzası baş verib. Belə ki, rayonun girişində idarəetməni itirən "Mercedes" panorama markalı maşın aşdıqdan sonra yanıb.

"Ölkə.Az" müsavat-a istinadən bildirir ki, hadisə şahidlərinin musavat.com-a verdikləri məlumata görə, qəza sürücünün ehtiyatsızlığı nəticəsində baş verib. Avtomobildə olan 3 nəfər çıxarılsa da, ağır yaralanıblar. 

Hadisə yerinə polis və təcili tibbi yardım əməkdaşları cəlb edilib. Yaralılar Biləsuvar Rayon Xəstəxanasına aparılıb.

Ölkə.Az

ŞƏRH YAZ
0
BAĞLA