Şəkidə Toxum Emalı Zavodu fəaliyyətə başlayıb — FOTO

Şəkidə Toxum Emalı Zavodu fəaliyyətə başlayıb
21:30
08.07.2019
4906
İqtisadiyyat
A
Kənd Təsərrüfatı Nazirliyi tabeliyində Dövlət Toxum Fondunun Şəki şəhərində yeni inşa edilmiş zavodu fəaliyyətə başlayıb.

Nazirlikdən "Ölkə.Az"a verilən məlumata görə, zavod ilk sifariş olaraq 63 ton “Aran” sortundan olan buğda toxumunu emal edib.

Zavod saatda 5 ton toxum emal etmək gücünə malikdir. Ümumi sahəsi 1.1 hektar olan müəssisə inzibati binadan, toxum təmizləyici mərkəzdən, emal prosesindən əvvəl toxum materialının boşaldılması və hazır toxumların saxlanılması üçün nəzərdə tutulan silo və anbar üçün ayrılmış sahədən ibarətdir.

Zavodda toxumun keyfiyyət və məhsuldarlıq parametrləri üzrə müayinə edilməsi üçün müasir standartlara uyğun laboratoriya quraşdırılıb.

Emal və ya saxlanc üçün gətirilən toxumların çəkisi 60 tonluq tərəzi ilə müəyyənləşdiriləcək.

Emal prosesi dörd mərhələdən ibarətdir. İlk mərhələdə əsas daş qalıqları və iri saman çöpləri, ikinci mərhələdə xırda saman çöpləri və vələmir, üçüncü mərhələdə xırda buğdalar, dördüncü mərhələdə buğda köynəyi və boş buğdalar təmizlənərək kalibrləmə edilir. Təmizlənmiş buğdalar sürmə xəstəliyinə qarşı maddə ilə dərmanlanaraq 50 kiloqramlıq kisələrə yığılır. Şəki toxum emalı zavodunun əsas üstünlüyü toxum emalını az itki ilə həyata keçirməsidir.

Şəki toxum emalı zavodu şimal bölgəsindəki toxum istehsalçılarının yüksək reproduksiyalı toxumlarla təmin edilməsində vacib rol oynayacaq. Burada yerli iqlim şəraitinə və xəstəliklərə davamlı toxumlar emal ediləcək, fərdi toxumçuluq təsərrüfatlarından tədarük olunan toxumların təmizlənməsi, qablaşdırılması, sertifikatlanması həyata keçiriləcək.

Zavodda fermerlərin emal prosesini onlayn rejimdə müşahidə edə bilməsi üçün bütün zəruri tədbirlər görülüb. Bu məqsədlə zavodun emal, dərmanlama, qablaşdırma, laboratoriya və tərəzinin yerləşdiyi hissəsində yüksək rezolusiyalı kameralar quraşdırılıb. Bu kameralar vasitəsi ilə fermerlərin təqdim etdikləri toxumların emalı prosesini onlayn qaydada, real zaman rejimində izləmək mümkün olacaq. Toxum emalı prosesini müşahidə etmək üçün fermerlərə ilk növbədə İP təqdim ediləcək. Bununla da onlar toxumların təmizlənməsi prosesini məsafədən müşahidə etmək imkanını əldə edəcəklər.

Ölkə.Az

ŞƏRH YAZ
0

Bakıya nüvə elmi və texnologiyaları mərkəzinin yaradılmasını təklif edilib

Bakıya nüvə elmi və texnologiyaları mərkəzinin yaradılmasını təklif edilib
23:41
19.10.2019
249
İqtisadiyyat
A
Rusiya Azərbaycana tibb, kənd təsərrüfatı, elmi araşdırmaların marağında olan nüvə elmi və texnologiyaları mərkəzinin yaradılması məsələsini nəzərdən keçirməyi təklif edib.

“Ölkə.Az trend-ə istinadən xəbər verir ki, bunu jurnalistlərə "Rosatom"un rəhbəri Aleksey Lixaçov deyib:

“Energetika Azərbaycan üçün qaz və neft məhsullarının daxili istehlakda əvəz etmək və bu həcmlərin ixrac üçün azad edilməsi baxımından maraqlıdır. Ola bilər ki, Azərbaycana [bunun] iqtisadi cəhətdən cəlbedici olacağı zaman hələ gəlməyib. Lakin biz azərbaycanlı tərəfdaşlarımıza, burada Serbiyada olduğu kimi, tibb, kənd təsərrüfatı, elmi araşdırmaların marağında olan müasir nüvə elmi və texnologiyaları mərkəzinin yaradılması məsələsini nəzərdən keçirməyi təklif etmişik. Müvafiq təklifləri Azərbaycan tərəfinə göndərmişik və hazırda onlar təklifləri öyrənirlər".

Onun sözlərinə görə, bu barədə əsaslı danışıqlar hələ aparılmır.

Ölkə.Az

ŞƏRH YAZ
0

“SOCAR AQŞ” Ankarada ofis açıb — FOTO

“SOCAR AQŞ” Ankarada ofis açıb
15:55
19.10.2019
644
İqtisadiyyat
A
Oktyabrın 18-də Ankarada “SOCAR AQŞ”nin ofisinin açılış mərasimi keçirilib.

"Ölkə.Az" report-a istinadən xəbər verir ki, şirkətin Ankara ofisində ilk tədbir 18 oktyabr - Azərbaycanın Dövlət Müstəqilliyi Gününə həsr edilib.

Mərasimdə Azərbaycanın Ankaradakı səfiri Xəzər İbrahim, “SOCAR AQŞ”nin baş direktoru Ramin İsayev, Türkiyə-Azərbaycan parlamentlərarası dostluq qrupunun sabiq rəhbəri Necdət Ünivar, “SOCAR AQŞ”nin baş direktorunun müşavirləri Tofiq Məhəmmədov və Sənubər Nəzərova çıxış ediblər.

Mərasimdə səfir bildirib ki, “SOCAR AQŞ”nin Ankara ofisinin 18 oktyabr - Azərbaycanın Dövlət Müstəqilliyi Günündə açılması özündə böyük rəmzi məna əks etdirir: “Çünki müstəqilliyimizin qorunmasında və ölkəmizin hərtərəfli inkişafında neft strategiyası tarixi əhəmiyyət daşıyır”.

“SOCAR AQŞ”nin baş direktoru da bildirib ki, Azərbaycan hökuməti məqsədli şəkildə sənayeni modernləşdirmək strategiyası həyata keçirir və milli şirkətlərin ölkə xaricində fəaliyyət göstərməsinə əsaslı zəminlər yaradır. O qeyd edib ki, “SOCAR AQŞ” iş imkanlarını cəmləşdirərək, eyni zamanda Türkiyədəki biznes tərəfdaşları ilə bir yerdə çalışmaq üçün bu ölkədə başladığı layihəni müvəffəqiyyətlə başa çatdıracaq.

Qeyd edək ki, oktyabrın 17-də İstanbulda “SOCAR AQŞ” və "China CAMC Engineering Co. Ltd. - IC İçtaş Construction Industries&Trade Inc." şirkəti arasında ‘’Duz Gölü" yeraltı qaz anbarının genişləndirilməsi’’ layihəsi üzrə qazma müqaviləsi imzalanıb.Müqaviləyə əsasən, "SOCAR AQŞ" Türkiyənin Aksaray vilayətinin Duz Gölü bölgəsində 40 quyu qazaraq sifarişçiyə təhvil verəcək. Müqavilənin dəyəri, təxminən, 100 mln. ABŞ dolları civarındadır.

“SOCAR AQŞ” MMC inteqrə olunmuş qazma və quyu xidmətləri göstərən birgə müəssisə kimi SOCAR və "Abşeron Qazma Şirkəti "tərəfindən 2007-ci ildə təsis edilib. Müəssisənin əsas fəaliyyəti quyuların layihələndirilməsi və planlaşdırılması, neft və qaz quyularının qazılması, maili istiqamətləndirilmiş quyuların qazılması, horizontal quyuların qazılması, quyuların mənimsənilməsi, quyuların əsaslı təmiri, yan lülələrin qazılması və çoxşaxəli quyuların qazılması ilə bağlı iş və xidmətlərin təqdim edilməsindən ibarətdir.

Hazırda “SOCAR AQŞ” “Dayazsulu Günəşli” yatağında yerləşən 7 və 11 saylı, “Qərbi Abşeron” yatağının 10 saylı və “Bulla” yatağında 6 saylı Dəniz Stasionar Özüllərində (DSÖ) qazma işləri aparır.

ŞƏRH YAZ
0
BAĞLA